Հողային կադաստր

Կադաստրային քարտեզ

Հողային կադաստր, հողի բնական, տնտեսական, իրավական, վիճակի հավաստի տվյալների ամբողջություն։

Հողային կադաստրը Հայաստանում

Հայաստանում հողային կադաստրը առանձին համակարգ չէ և ներառված է Կադատրի կոմիտեում։ 2001 թվականին ընդունված ՀՀ Հողային օրենսգրքի 33 հոդվածի համաձայն՝ անշարժ գույքի պետական միասնական կադաստրը հողամասերի ու դրանց վրա ամրակայված անշարժ գույքի հաշվառման, բնական, տնտեսական և իրավական, կարգավիճակի, տեղաբաշխման ու չափերի, որակ, բնութագրերի, իրավական ռեժիմի, սեփականության և այլ գույքային իրավունքների ու դրանց սահմանափակումների պետական գրանցման, անշարժ գույքի գնահատման հավաստի տեղեկությունների համակարգ է։

Այդ տեղեկությունները հաշվի են առնվում հողերի պահպանումը և օգտագործումը ծրագրավորելիս, հողամասեր տրամադրելիս, հողի վճարների չափերը որոշելիս, հողաշինարարություն իրականացնելիս, հողի օգտագործման և պահպանման տնտեսական գործունեությունը գնահատելիս և այլն։

Հողի մասնավոր սեփականության պայմաններում հողային կադաստրը ծառայում է՝

• հարկային քաղաքականության իրականացման,
• հողային շուկայի ձևավորման,
• մասնավոր սեփականության ձևակերպման նպատակներին։

Անշարժ գույքի պետական միասնական կադաստրի վարումը սահմանվում է օրենքներով և այլ նորմատիվ իրավական ակտերով։

Տես նաև

• Հողային իրավունք
• Անտառային կադաստր

Արտաքին հղումներ

• Կադաստրի կոմիտե

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 6, էջ 528)։