Հոգևորական
Հոգևորական կամ կղերական (լատ.՝ clericus, հուն․՝ κληρικός) քրիստոնեական եկեղեցում հատուկ ձեռնադրված կամ պաշտոնական ծառայություն իրականացնող անձ, որը կոչված է հոգևոր առաջնորդության, պաշտամունքի, աստվածածառության կարգավորության, սուրբ խորհուրդների կամ արարողությունների կատարման և հավատացյալների հոգևոր խնամքի իրականացման համար։ Տերմինը օգտագործվում է տարբեր ձևերով՝ կախված եկեղեցական ավանդույթից, սակայն ընդհանուր առմամբ վերաբերում է եկեղեցու պաշտոնական ծառայողներին, ովքեր ներգրավված են հոգևոր գործառույթների կատարման մեջ։[1]
Ստուգաբանություն
[խմբագրել | խմբագրել կոդը]Կղերականը (հուն. κληρικός, լատ. clericus) քրիստոնեական եկեղեցու պաշտոնյա է, հաճախ ձեռնադրված, ով ընդգրկված է եկեղեցու աստիճանակարգում։ Բառն առաջացել է հունական κληρός՝ «վիճակ», «ժառանգություն» արմատից, որը Նոր կտակարանում հաճախ կապված է Աստծուն պատկանելու գաղափարի հետ (Գործք 1:17, 1 Պետր. 5:3)։ Հունարեն κληρικός նշանակում էր անձ, ով կանչված է կամ առանձնացված է Աստծուն ծառայելու համար՝ որպես նրա ժառանգության սպասավոր։ Այդ ձևը փոխանցվել է լատիներեն՝ որպես clericus, որի հիմքով ձևավորվել են ժամանակակից եվրոպական լեզուների համապատասխան տերմինները (cleric, clergé և այլն)։
Գործածություն
[խմբագրել | խմբագրել կոդը]Կաթոլիկ, ուղղափառ և լյութերական ավանդույթներում կղերական են համարվում սարկավագները, քահանաները, եպիսկոպոսները։ Բողոքական որոշ ուղղություններում՝ այդ թվում ադվենտիստական և բապտիստական, տերմինն ավելի քիչ է գործածվում, բայց համարժեք է «հոգևոր ծառայող» կամ «հովիվ» հասկացությանը։ Հայ առաքելական եկեղեցում «կղերական» բառը կիրառվում է միջնադարից՝ փոխանցելով ձեռնադրված դասի (կղերիա) գաղափարը։[2][3][4][5][6]
Հոգևորականի պարտականություններ
[խմբագրել | խմբագրել կոդը]Անկախ դավանանքի առանձնահատկություններից՝ հոգևորականը հաճախ իրականացում է հետևյալ գործառույթները՝
- Աստվածաշնչի, դավանաբանության ուսուցում և քարոզչություն
- կրոնական արարողությունների կատարում (մկրտություն, հաղորդության մատուցում, ձեռնադրություն, հարսանեկան ու թաղման արարողություններ և այլն)
- հոգևոր խորհրդատվություն
- հավատացյալների կազմակերպված համայնքի (եկեղեցու) առաջնորդում
- կարիքավորների, հիվանդների այցելություն և խնամք
Տես նաև
[խմբագրել | խմբագրել կոդը]Ծանոթագրություններ
[խմբագրել | խմբագրել կոդը]- ↑ http://www.nayiri.com/search?dt=HY_HY&wordForm=%D5%B0%D5%B8%D5%A3%D5%A5%D6%82%D5%B8%D6%80%D5%A1%D5%AF%D5%A1%D5%B6&stem=%D5%B0%D5%B8%D5%A3%D5%A5%D6%82%D5%B8%D6%80%D5%A1%D5%AF%D5%A1%D5%B6&l=hy_LB
- ↑ Oxford English Dictionary – https://www.oed.com/view/Entry/33800
- ↑ Etymonline – https://www.etymonline.com/word/cleric
- ↑ Catholic Encyclopedia – https://www.newadvent.org/cathen/04049a.htm
- ↑ BibleHub, G2819 – https://biblehub.com/greek/2819.htm
- ↑ Thayer’s Greek Lexicon – https://www.biblestudytools.com/lexicons/greek/nas/klerikos.html