Հմայակ Սահրադյան
| Հմայակ Սահրադյան | |
|---|---|
| Ծնվել է | 1925 |
| Ծննդավայր | Ազատան, Ալեքսանդրապոլի գավառ, Հայկական ԽՍՀ, ԱԽՖՍՀ, ԽՍՀՄ |
| Մահացել է | անհայտ |
| Քաղաքացիություն |  ԽՍՀՄ |
| Կրթություն | Շիրակի պետական համալսարան |
| Մասնագիտություն | մանկավարժ |
| Պարգևներ և մրցանակներ |   և  |
Հմայակ Արմենակի Սահրադյան (1925, Ազատան, Ալեքսանդրապոլի գավառ, Հայկական ԽՍՀ, ԱԽՖՍՀ, ԽՍՀՄ - անհայտ), հայ մանկավարժ։ Հայրենական մեծ պատերազմի մասնակից։
Կենսագրություն[խմբագրել | խմբագրել կոդը]
Հմայակ Սահրադյանը ծնվել է 1925 թվականին, Ախուրյանի շրջանի Ազատան գյուղում։ Ավարտել է Ազատանի միջնակարգ դպրոցը։ Ընդունվել է Երևանի պետական համալսարանի ֆիզիկամաթեմատիկական ֆակուլտետը, որը բանակ մեկնելու կապակցությամբ չի ավարտել։ 1943 թվականի փետրվարին զորակոչվել է բանակ[1]։
1943-1945 թվականներին ծառայել է կապի հատուկ զորամասում։ Առաջին մարտական մկրտությունն ստացել է 1943 թվականի օգոստոսին Խարկով քաղաքի ազատագրման համար մղված մարտերում։ Կռվել է տարբեր ռազմաճակատներում մինչև պատերազմի հաղթական ավարտը։ Գերմանաֆաշիստական զավթիչների դեմ մղված մարտերի ժամանակ ցուցաբերած խիզախության համար պարգևատրվել է «Մարտական ծառայությունների համար», «Բուդապեշտի գրավման համար», «Բելգրադի ազատագրման համար», «1941-1945 թթ. Հայրենական մեծ պատերազմում Գերմանիայի դեմ տարած հաղթանակի համար» մեդալներով[1]։
1948 թվականին Սահրադյանը զորացրվել է բանակից և Լենինականի պետական մանկավարժական ինստիտուտն ավարտելուց հետո աշխատել է Ազատան գյուղի միջնակարգ դպրոցում որպես ուսմասվար[1]։
Պարգևներ[խմբագրել | խմբագրել կոդը]
- «Մարտական ծառայությունների համար» մեդալ
- «Բուդապեշտի գրավման համար» մեդալ
- «Բելգրադի ազատագրման համար» մեդալ
- «1941-1945 թթ. Հայրենական մեծ պատերազմում Գերմանիայի դեմ տարած հաղթանակի համար» մեդալ