Հմայակ Նազարյան

Հմայակ Նազարյան;
Ծնվել է	1920
Քաղաքացիություն	ԽՍՀՄ
Մասնագիտություն	մանկավարժ
Կուսակցություն	ԽՄԿԿ
Պարգևներ և ; մրցանակներ	և

Վիքիպեդիայում կան հոդվածներ Նազարյան ազգանունով այլ մարդկանց մասին։

Հմայակ Հարությունի Նազարյան (1920), հայ մանկավարժ։ Հայրենական մեծ պատերազմի մասնակից։ ԽՄԿԿ անդամ (1943):

Կենսագրություն[խմբագրել | խմբագրել կոդը]

Հմայակ Նազարյանը ծնվել է 1920 թվականին։ 1940 թվականի սեպտեմբերին Հմայակը զորակոչվել է կարմիր բանակ։ Նրա ծառայությունն անցել է 873-րդ հակատանկային-հրետանային գնդում, որը Գերագույն հրամանատարության տրամադրության տակ գտնվող զորամասերից մեկն էր։ Նա եղել է Ստեպնոյ, Բրյանսկի, 1-ին Մերձբալթյան, 2-րդ և 3-րդ Բելոռուսական ռազմաճակատներում։ Մոսկվայի ուղղությամբ Նազարյանը ոչնչացրել է ֆաշիստական զորամասի հրամանատարական դիտակետը։ 1943 թվականի օգոստոսին Նազարյանը իրենց հարվածային գնդի կազմում մասնակցել է Ելեցի ճակատամարտին, անձամբ իր հրանոթով ոչնչացրել է երեք տանկ։ Մասնակցել է շատ քաղաքների ու բնակավայրերի ազատագրմանը։ Քյոնիգսբերգի գրավման մարտերից մեկում ծանր վիրավորվել է և փոխադրվել հոսպիտալ։ 1945 թվականի հունիսի վերջերին իր զորամասի կազմում Արևելյան Պրուսիայից փոխադրվել է Հեռավոր Արևելք և մասնակցել ճապոնական իմպերիալիզմի հարվածային խմբի՝ Կվանտունյան բանակի ջախջախմանը, կռվել է Խարբինում, Մուկդենում, Սախալինում, Կուրիլյան կղզիներում^[1]։

Իր սխրագործությունների համար Նազարյանը պարգևատրվել է Կարմիր աստղի շքանշանով, «Խիզախության համար» 2 մեդալով, «Մարտական ծառայությունների համար», «Քյոնիգսբերգի գրավման համար», «1941-1945 թթ. Հայրենական մեծ պատերազմում Գերմանիայի դեմ տարած հաղթանակի համար» և «Ճապոնիայի դեմ տարած հաղթանակի համար» մեդալներով։ 1943 թվականին ընդունվել է կոմունիստական կուսակցության շարքերը^[1]։

Նազարյանը զորացրվել է 1947 թվականին, շարունակել է իր մանկավարժական գործունեությունը։ Նա եղել է լուսաշխի արհմիության Անիի շրջկոմի նախագահ, դպրոցի ուսմասվար, տնօրեն, այնուհետև եղել է դպրոցի պատմության ուսուցիչը^[1]։

Պարգևներ[խմբագրել | խմբագրել կոդը]

Կարմիր աստղի շքանշան
«Խիզախության համար» մեդալ (կրկնակի)
«Մարտական ծառայությունների համար» մեդալ
«Քյոնիգսբերգի գրավման համար» մեդալ
«Ճապոնիայի դեմ տարած հաղթանակի համար» մեդալ
«1941-1945 թթ. Հայրենական մեծ պատերազմում Գերմանիայի դեմ տարած հաղթանակի համար» մեդալ

Ծանոթագրություններ[խմբագրել | խմբագրել կոդը]

↑ ^1,0 ^1,1 ^1,2 Հայաստանի ուսուցիչները մեծ հայրենականում (Ա. Հ. Հարությունյան, Լ. Ս. Մելքումյան, Ա. Ղ. Սուքիասայան), «Լույս» հրատարակչություն, Երևան, 1982:

[books-1] 1,0 ^1,1 ^1,2 Հայաստանի ուսուցիչները մեծ հայրենականում (Ա. Հ. Հարությունյան, Լ. Ս. Մելքումյան, Ա. Ղ. Սուքիասայան), «Լույս» հրատարակչություն, Երևան, 1982:

[1]