Հմայակ Նազարեթյան

Վիքիպեդիայից՝ ազատ հանրագիտարանից
Jump to navigation Jump to search
Հմայակ Նազարեթյան
Ծնվել էնոյեմբերի 17, 1889(1889-11-17)
ԾննդավայրԹիֆլիս, Ռուսական կայսրություն
Մահացել է1937
Ազգությունհայ
ԿրթությունՍանկտ Պետերբուրգի համալսարան
Մասնագիտությունպետական գործիչ և լրագրող

Հմայակ Մարգարի Նազարեթյան (նոյեմբերի 17, 1889(1889-11-17), Թիֆլիս, Ռուսական կայսրություն - 1937), կուսակցական և պետական հայ գործիչ, լրագրող: Ռուսաստանի սոցիալ-դեմոկրատական բանվորական կուսակցության (ՌՍԴԲԿ) անդամ 1905 թվականից[1]:

Կենսագրություն[խմբագրել | խմբագրել կոդը]

Հմայակ Նազարեթյանը ծնվել է 1889 թվականի նոյեմբերի 17(29)-ին Վրաստանի Թիֆլիս քաղաքում: 1909 թվականից սովորել է Սանկտ Պետերբուրգի համալսարանի իրավաբանական ֆակուլտետում: 1910 թվականի վերջին եղել է Լև Տոլստոյի հիշատակին նվիրված ցույցերի կազմակերպիչներից մեկը: 1911 թվականին ձերբակալվել, դատապարտվել և արտաքսվել է Թիֆլիս: Գաղթել է Շվեյցարիա, իսկ 1913 թվականին վերադարձել է Ռուսաստան և զբաղվել ընդհատակյա գործունեությամբ: 1917-1918 թվականներին խմբագրել է «Կովկազսկի ռաբոչի» (ռուսերեն) թերթը: 1920-1922 թվականներին մասնակցել է Վրաստանում խորհրդային կարգերի հաստատմանը, զբաղեցրել է ղեկավար պաշտոններ: 1923 թվականից եղել է «Պրավդա» (ռուսերեն) թերթի կուսակցական կյանք բաժնի վարիչ, 1924-1930 թվականներից՝ ՀամԿ(բ)Կ Անդրերկրկոմի քարտուղար, Կենտրոնական վերստուգիչ հանձնաժողովի նախագահ: Անդրֆեդերացիայի բանվորագյուղացիական տեսչության (ԲԳՏ) ժողկոմ, Ժողկոմխորհի նախագահի տեղակալ: 1930-1931 թվականներին աշխատել է Սվերդլովսկում, նպաստել Ուրալ-Կուզբաս կառույցի աշխատանքներին[2][3][4]:

Մահ[խմբագրել | խմբագրել կոդը]

Նազարեթյանը 1937 թվականին դարձել է անհատի պաշտամունքի զոհ:

Անդամակցություն[խմբագրել | խմբագրել կոդը]

  • ՌՍԴԲԿ անդամ (1905):
  • ԽՍՀՄ կենտգործկոմի անդամ (1931-1937):

Գրականություն[խմբագրել | խմբագրել կոդը]

  • Чевычелов В. Г., Амаяк Назаретян, Тбилиси, 1979.
  • Бажанов Б. Г. Записки бывшего секретаря Сталина. Мoсква, 1990.
  • Торчинов В. А., Леонтюк А. М., Вокруг Сталина. Историко-биографический справочник. Санкт-Петербург, 2000.
  • Залесский К. А. Империя Сталина. Биографический энциклопедический словарь. Москва, Вече, 2000.

Ծանոթագրություններ[խմբագրել | խմբագրել կոդը]

  1. «Архив Александра Н. Яковлева - Альманах "Россия. ХХ век" - Биографический словарь»։ www.alexanderyakovlev.org։ Վերցված է 2019-05-09 
  2. Ով ով է. Հայեր. Կենսագրական հանրագիտարան, հատոր երկրորդ, Երևան, 2007, էջ 194:
  3. «Назаретян Амаяк Макарович»։ www.hrono.ru։ Վերցված է 2019-05-09 
  4. «Справочник по истории Коммунистической партии и Советского Союза 1898 - 1991, Назаретян Амаяк Маркарович»։ www.knowbysight.info։ Վերցված է 2019-05-09