Հմայակ Հովհաննիսյան
| Հմայակ Հովհաննիսյան | |
|---|---|
 | |
| Ծնվել է | ապրիլի 8, 1960 (64 տարեկան) |
| Ծննդավայր | Երևան, Հայկական ԽՍՀ, ԽՍՀՄ |
| Քաղաքացիություն |  Հայաստան |
| Կրթություն | Մոսկվայի պետական համալսարան |
| Մասնագիտություն | քաղաքական գործիչ |
| Զբաղեցրած պաշտոններ | Հայաստանի Ազգային ժողովի պատգամավոր |
Հմայակ Կոնստանտինի Հովհաննիսյան (ապրիլի 8, 1960, Երևան, Հայկական ԽՍՀ, ԽՍՀՄ), քաղաքական գործիչ, Հայաստանի Ազգային ժողովի նախկին պատգամավոր,
Կենսագրություն[խմբագրել | խմբագրել կոդը]
Հմայակ Հովհաննիսյանը ծնվել է 1960 թվականի ապրիլի 8-ին Երևանում[1]։ 1982 թվականին ավարտել է Մոսկվայի Միխայիլ Լոմոնոսովի անվան պետական համալսարանը։ Ստացել է փիլիսոփայի որակավորումը։ Եղել է քաղաքագետ, փիլիսոփայական գիտությունների թեկնածու, քաղաքագիտության դոկտոր։ 1982-1986 թվականներին սովորել է Մոսկվայի պետհամալսարանի ասպիրանտուրայում[2]։ 1986-1988 թվականներին աշխատել է Մոսկվայի հասարակական գիտությունների ակադեմիայում, 1988-1992 թվականներին ԵՊՀ փիլիսոփայության և սոցիոլոգիայի ֆակուլտետում եղել է ավագ գիտաշխատող, ապա առաջատար գիտաշխատող[3]։ 1991 թվականին եղել է Հայաստանի քաղաքագետների միության նախագահ, իսկ 1994-1998 թվականներին որպես հրավիրված մասնագետ, աշխատել է ՌԴ Պետդումայի Անդրկովկասի հանրապետությունների գծով գլխավոր փորձագետ։
1999-2003 թվականներին եղել է Ազգային Ժողովի պատգամավոր («Միասնություն» դաշինքի համամասնական ընտրացուցակով)։ Եղել է Ազգային Ժողովի արտաքին հարաբերությունների մշտական հանձնաժողովի անդամ։ Եղել է «Միասնություն» խմբակցության անդամ, ապա խմբակցություններում և պատգամավորական խմբերում չի ընդգրկվել, այնուհետև եղել է Ագրարային-արդյունաբերական ժողովրդական միավորում պատգամավորական խմբի ղեկավար։ 2003 թվականի մայիսի 25-ին ընտրվել է Ազգային Ժողովի պատգամավոր ԱՄ կուսակցության համամասնական ընտրացուցակով։ Եղել է Ազգային Ժողովի արտաքին հարաբերությունների մշտական հանձնաժողովի անդամ։ Եղել է ԱՄ խմբակցության անդամ, 2004 թվականի մարտից խմբակցություններում և պատգամավորական խմբում ընդգրկված չէ։ Ոչ մի կուսակցության չի պատկանում։
Անձնական կյանք[խմբագրել | խմբագրել կոդը]
Ամուրի է։
Ծանոթագրություններ[խմբագրել | խմբագրել կոդը]
- ↑ «National Assembly of Armenia | Official Web Site | parliament.am». www.parliament.am. Վերցված է 2021 թ․ հունիսի 24-ին.
- ↑ «Оганесян Амаяк Константинович — Энциклопедия фонда «Хайазг»». ru.hayazg.info. Վերցված է 2021 թ․ հունիսի 24-ին.
- ↑ Ереван, Амаяк Константинович Ованнисян арм Հմայակ Հովհաննիսյան Армянский политик Дата рождения: 8 апреля 1960Место рождения:; ССР, Армянская. «Ованнисян, Амаяк Константинович - это... Что такое Ованнисян, Амаяк Константинович?». Словари и энциклопедии на Академике (ռուսերեն). Վերցված է 2021 թ․ հունիսի 24-ին.
{{cite web}}: CS1 սպաս․ թվային անուններ: authors list (link) CS1 սպաս․ հավելյալ կետադրություն (link)
|
