Jump to content

Հիրոսի Կիյոտակե

Վիքիպեդիայից՝ ազատ հանրագիտարանից
Հիրոսի Կիյոտակե
ճապ.՝ 清武弘嗣
Քաղաքացիությունը  Ճապոնիա
Ծննդյան ամսաթիվ նոյեմբերի 12, 1989(1989-11-12)[1][2] (36 տարեկան)
Ծննդավայր Օիտա, Ճապոնիա
Հասակ 172 սանտիմետր
Քաշ 63 կգ
Դիրք կիսապաշտպան

Հիրոսի Կիյոտակե (անգլ.՝ Hiroshi Kiyotake, նոյեմբերի 12, 1989(1989-11-12)[1][2], Օիտա, Ճապոնիա), ճապոնացի ֆուտբոլիստ, «Սագան Տոսու» ակումբի խաղացող։ Հանդես է եկել Ճապոնիայի ազգային հավաքականում: Խաղացել է հարձակվողական կիսապաշտպանի դիրքում, աչքի է ընկել տեխնիկական բարձր վարպետությամբ, կարող է խաղալ ինչպես կենտրոնում, այնպես էլ եզրերում, աչքի չի ընկնում բարձր արագությամբ[3]։

Կարիերա

[խմբագրել | խմբագրել կոդը]

Ակումբային կարիերա

[խմբագրել | խմբագրել կոդը]

Սկսել է ֆուտբոլ խաղալ «Կատիորա» թիմում, 2004 թվականին հայտնվել է «Օիտա Տրինիտա» ակումբի երիտասարդական կազմում։ 2008 թվականի օգոստոսի 9-ին նորամուտն է նշել հիմնական կազմում։ Մեկնարկային խաղում փոխարինման դուրս գալով՝ դարձել է գոլի հեղինակ[4]։ 2008 թվականին օգնել է թիմին նվաճել Ճապոնիայի գավաթը։ Իր ակումբի հիմնական կազմում վերջնականապես ամրապնդվել է 2009 թվականին, երբ «Օիտա Տրինիտան» լուրջ ֆինանսական դժվարություններ է ունեցել, չափազանց թույլ մրցաշրջան է անցկացրել և լքել է Ճապոնիայի առաջին դիվիզիոնը։ 2010 թվականին տեղափոխվել է «Սերեսո Օսակա» թիմ, որի կազմում մեկ տարի անց խաղացել է ԱՖԿ Չեմպիոնների լիգայում, որտեղ լավ է դրսևորել իրեն՝ դառնալով 4 գոլի հեղինակ: 2011 թվականին ընդգրկվել է Ճապոնիայի առաջնության խորհրդանշական հավաքականում[5]։

2012 թվականի մայիսին հայտարարվել է գերմանական «Նյուրնբերգ» տեղափոխության մասին, որի հետ կնքել է քառամյա պայմանագիր: Տրանսֆերի արժեքը կազմել է 1 միլիոն եվրո: Օլիմպիական խաղերում հանդես գալուց և Գերմանիայում մեկնարկային մրցաշրջանից հետո ճապոնացի ֆուտբոլիստը մեծ հետաքրքրություն է առաջացրել արտասահմանյան ակումբների մոտ: 2013 թվականի հունվարին հաղորդվում էր, որ Մոսկվայի «Դինամոն» և «Լոկոմոտիվը» հետաքրքրված են ֆուտբոլիստին ձեռքբերմամաբ[6]։ 2013 թվականի ամռանը Հիրոսիին գնելու առաջարկ էր արել անգլիական «Աստոն Վիլլան», սակայն գերմանական ակումբին չի բավարարել բիրմինգհեմցիների առաջարկած հրաժարագինը: «Նյուրնբերգի» ղեկավարությունը Կիետակեն գնահատել է 10 մլն եվրո[7]։

2013/2014 թվականների մրցաշրջանի արդյունքներով «Նյուրնբերգը» լքել է Բունդեսլիգա 2012-13ն և ստիպված է եղել վաճառել առաջատար ֆուտբոլիստներին: Կիյոտակեյի գինը զգալիորեն նվազել է, 2014 թվականի հուլիսին նրա տեղափոխության համար «Հաննովեր 96»-ը վճարել է ընդամենը 4,3 միլիոն եվրո: Նոր թիմի հետ ևս քառամյա պայմանագիր է կնքել[8]։ 2016 թվականի մայիսին, Բունդեսլիգա 2012-13յից «Հանովերի» հեռանալուց հետո, հաղորդվում էր Բեռլինի «Հերտայի» կողմից ճապոնացի ֆուտբոլիստի նկատմամբ հետաքրքրության մասին[9]։

2016 թվականի հունիսի 24-ին Կիյոտակեն փոխել է առաջնությունը՝ քառամյա պայմանագիր կնքելով իսպանական «Սևիլյայի» հետ[10]։

2017 թվականից հանդես է գալիս «Սերեսո Օսակայում»:

Ելույթներ ազգային հավաքականում

[խմբագրել | խմբագրել կոդը]

Խաղացել է Ճապոնիայի մինչև 20 տարեկանների երիտասարդական հավաքականում: 2011 թվականի օգոստոսի 10-ին Կորեայի Հանրապետության հավաքականի հետ ընկերական խաղում նորամուտն է նշել Ճապոնիայի ազգային հավաքականում։ 2012 թվականի Օլիմպիական խաղերում եղել է Ճապոնիայի հավաքականի առանցքային խաղացողներից մեկը, մեկնարկային կազմում է եղել իր թիմի բոլոր վեց խաղերում, որն ի վերջո զբաղեցրել է չորրորդ տեղը[4]։

2013 թվականին հայտնվել է Կոնֆեդերացիաների գավաթի համար հավաքականի հայտացուցակում, միայն մեկ խաղում է դուրս եկել խաղադաշտ: 2014 թվականի աշխարհի առաջնությունում նույնպես պահեստային էր և ընդամենը հինգ րոպե է խաղացել Կոլումբիայի հավաքականի դեմ խմբային մրցաշարի վերջին խաղում[11]։ 2015 թվականի Ասիայի գավաթի խաղարկությունում մասնակցել է խմբային մրցաշարի բոլոր հանդիպումներին, սակայն բաց է թողել քառորդ եզրափակիչը, որում ճապոնացիները պարտվել են Արաբական Միացյալ Էմիրությունների ֆուտբոլի ազգային հավաքականի թիմին:

Մրցանակներ և նվաճումներ

[խմբագրել | խմբագրել կոդը]

Օիտա Տրինիտա

  • Ճապոնիայի գավաթի գավաթակիր՝ 2008

Անձնական

  • Ընդգրկվել Է Ճապոնիայի առաջնության խորհրդանշական հավաքականում՝ 2011

Վիճակագրություն

[խմբագրել | խմբագրել կոդը]
Ակումբ Մրցաշրջան Ազգային առաջնություն Ազգային գավաթներ Միջազգային Ընդամենը
Լիգա Խաղեր Գոլեր Խաղեր Գոլեր Խաղեր Գոլեր Խաղեր Գոլեր
Օիտա Տրինիտա 2008 Դիվիզիոն 1 8 1 4 0 0 0 12 1
2009 Դիվիզիոն 1 23 3 8 1 1 0 32 4
Ընդամենը «Օիտա Տրինիտա»-ի համար 31 4 12 1 1 0 44 5
Սերեսո Օսակա 2010 Դիվիզիոն 1 25 4 4 0 0 0 29 4
2011 Դիվիզիոն 1 25 7 3 1 9 4 37 12
2012 Դիվիզիոն 1 16 2 3 1 0 0 19 3
Ընդամենը «Սերեսո Օսակա»-ի համար 66 13 10 2 9 4 85 19
Նյուրնբերգ 2012/2013 Բունդեսլիգա 2012-13 2012-13 31 4 1 0 0 0 32 4
2013/2014 Բունդեսլիգա 2012-13 33 3 1 0 0 0 34 3
Ընդամենը «Նյուրնբերգ»-ի համար 64 7 2 0 0 0 66 7
Հանովեր 96 2014/2015 Բունդեսլիգա 2012-13 32 5 1 0 0 0 33 5
2015/2016 Բունդեսլիգա 2012-13 21 5 1 0 0 0 22 1
Ընդամենը «Հանովեր 96»-ի համար 53 10 2 0 0 0 55 10
Սևիլյա 2016/2017 Լա Լիգա 2016-17 4 1 1 0 1 0 4 1
Ընդամենը կարիերայի ընթացքում 216 35 27 3 11 4 254 42

Ծանոթագրություններ

[խմբագրել | խմբագրել կոդը]
  1. 1 2 Transfermarkt.com(բազմ․) — 2000.
  2. 1 2 As (իսպ.) — Madrid: PRISA, 1967. — ISSN 1888-6671
  3. ↑ Уткин, Василий. (2012 թ․ օգոստոսի 6). «Олимпийский футбол: новые имена». Sports.ru. Արխիվացված օրիգինալից 2016 թ․ հունիսի 5-ին. Վերցված է 2016 թ․ մայիսի 15-ին.
  4. 1 2 «Hiroshi Kiyotake. Biography» (անգլերեն). Footballtop.com. Արխիվացված օրիգինալից 2016 թ․ մայիսի 31-ին. Վերցված է 2016 թ․ մայիսի 15-ին.
  5. ↑ «Club verpflichtet Hiroshi Kiyotake» (գերմաներեն). 1. FC Nürnberg e.V. 2012 թ․ մայիսի 17. Արխիվացված օրիգինալից 2016 թ․ հունիսի 10-ին. Վերցված է 2016 թ․ մայիսի 15-ին.
  6. ↑ ««Локомотив» и «Динамо» интересуются полузащитником сборной Японии». Sports.ru. 2013 թ․ հունվարի 10. Արխիվացված օրիգինալից 2016 թ․ հունիսի 5-ին. Վերցված է 2016 թ․ մայիսի 15-ին.
  7. ↑ Hill, Graham. (2013 թ․ օգոստոսի 9). «Villa holding out for a Hiro» (անգլերեն). The Sun. Վերցված է 2016 թ․ մայիսի 15-ին.
  8. ↑ «Хавбек сборной Японии перешел в «Ганновер»». Sports.ru. 2014 թ․ հուլիսի 25. Արխիվացված օրիգինալից 2016 թ․ հունիսի 5-ին. Վերցված է 2016 թ․ մայիսի 15-ին.
  9. ↑ «Hertha ist heiß auf Hannovers Hiroshi Kiyotake» (գերմաներեն). BZ-Berlin. 2016 թ․ մայիսի 10. Արխիվացված օրիգինալից 2016 թ․ հունիսի 4-ին. Վերցված է 2016 թ․ մայիսի 15-ին.
  10. ↑ «Sevilla sign Japan international Hiroshi Kiyotake to four-year deal» (անգլերեն). ESPN. 2016 թ․ հունիսի 24. Արխիվացված օրիգինալից 2016 թ․ սեպտեմբերի 23-ին. Վերցված է 2016 թ․ սեպտեմբերի 6-ին.
  11. ↑ «FIFA Tournaments - Players & Coaches - Hiroshi KIYOTAKE» (անգլերեն). FIFA.com. Արխիվացված է օրիգինալից 2016 թ․ մայիսի 29-ին. Վերցված է 2016 թ․ մայիսի 15-ին.
Վիքիպահեստն ունի նյութեր, որոնք վերաբերում են «Հիրոսի Կիյոտակե» հոդվածին։
Ստացված է «https://hy.wikipedia.org/w/index.php?title=Հիրոսի_Կիյոտակե&oldid=10758794» էջից