Հիվանդի համաշխարհային օր

Հիվանդի համաշխարհային օր;
	;
Տեսակ	միջազգային օր
Ամսաթիվ	Փետրվարի 11
Հիմնադիր	Հռոմի Կաթոլիկ եկեղեցի

Հիվանդի համաշխարհային օր (անգլ.՝ World Day of the Sick), միջազգային օր, որը կոչված է մարդկանց ուշադրությունը հրավիրել այն խնդիրների վրա, որոնց բախվում են աշխարհում բնակվող հիվանդ մարդիկ։ Այս օրը յուրահատուկ սոցիալական միջոցառում է, որն ամբողջ աշխարհում նշվում է ամեն տարի՝ փետրվարի 11-ին։

Պատմություն[խմբագրել | խմբագրել կոդը]

«Հիվանդի համաշխարհային օրը» սկսել է նշվել համեմատաբար վերջերս՝ 1993 թվականից։ Այն հիմնադրվել է 1992 թվականի մայիսի 13-ին Հռոմի պապ Հովհաննես Պողոս 2-րդի նախաձեռնությամբ։ Նա քրիստոնյա կաթողիկոսներին ուղղված իր ուղերձում աներկբա բնութագրել է համաշխարհային այս օրվա նպատակը․ «...թույլ տալ բազմաթիվ կաթոլիկ բժշկական կազմակերպությունների աշխատակիցներին, հավատացյալներին, ողջ քաղաքացիական հասարակությանը զգալ թույլերի և հիվանդների ավելի լավ խնամքի, նրանց տառապանքների թեթևացման անհրաժեշտությունը»^[1]։ Յոհանը իմացել է այս ամենի մասին անմիջականորեն․ 1991 թվականին բժիշկները նրա մոտ հայտնաբերել են սարսափելի ախտանուն՝ Պարկինսոնի հիվանդությունը։

Այս համաշխարհային օրվա անցկացման ամսաթիվը ընտրվել է այն պատճառով, որ կաթոլիկները կարծել են, թե կույս Մարիա Լուրդսկայայի հայտնվելը Ֆրանսիայի Լուրդ քաղաքում տեղի է ունեցել հենց 1858 թվականի փետրվարի 11-ին։

Ամեն փետրվարի 11-ին, նվիրված հիվանդի համաշխարհային օրվան, տեղի են ունենում տարատեսակ ակցիաներ և միջոցառումներ՝ համերգներ^[2], ֆիլմերի թեմատիկ ցուցադրություններ^[3], ուսուցողական զրույցներ^[4] և այլն։ Իսկ կաթոլիկների մոտ հանդիսավոր պատարագներ են տեղի ունենում լատինական Սուրբ Օրհնություն արարողակարգի ժամանակ^[5]։