Հիսարյան ոչխար

Վիքիպեդիայից՝ ազատ հանրագիտարանից
Jump to navigation Jump to search
Հիսարյան ոչխարների հոտը Տաջիկստանի լեռնային արոտավայրերից մեկում

Հիսարյան ոչխար (տաջ.՝ Гӯсфанди ҳисорӣ), կոպտաբուրդ, դմակավոր, մսաճարպատու ցեղ։ Բուծվել է Տաջիկստանում՝ ժողովրդական սելեկցիայով։ Խոյերի մնդավի բարձրությունը՝ 80-85, իսկ մաքիներինը 75-80 սմ է։ Մարմնակազմվածքն ամուր է, իրանը՝ համեմատաբար երկար, կուրծքը՝ լայն և խոր, ոտքերը՝ ամուր ու բարձր, մեջքը՝ ուղիղ, մնդավը և գավակը՝ լայն։ Գլուխը խոշոր է, սապատավոր։ Մաքիներն անեղջյուր են, խոյերը հաճախ ունեն փոքր եղջյուրներ։ Սրբոսկրների հատվածում տեղադրված է մեծ դմակ (18-20 կգ)։ Խոյերի միջին կենդանի զանգվածը 130-140 կգ է (առավելագույնը՝ 190), մաքիներինը՝ 80-90 (առավելագույնը՝ 150)։ Վաղահաս են, 6 ամսական խոյիկների կենդանի զանգվածը մոտ 60 կգ է։ Սպանդային ելքը՝ 58-60% ։ Գույնը հիմնականում գորշ է։ Խոյերի բրդատվությունը՝ 1, 3-1, 6, իսկ մաքիներինը 1, 0-1, 4 կգ է։ Պտղատվությունը՝ 115- 120% ։

Բուծվում է Տաջիկստանում և Ուզբեկստանում։ Հարմարված է լեռնային արոտային պայմաններին։


Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։ CC-BY-SA-icon-80x15.png