Հիմք (շինարարություն)

Վիքիպեդիայից՝ ազատ հանրագիտարանից
Jump to navigation Jump to search
HS Disambig.svg Անվան այլ կիրառումների համար տես՝ Հիմք (այլ կիրառումներ)

Հիմք, շենքի (կառույցի) ստորգետնյա կամ ստորջրյա մաս, որի միջոցով բեռնվածքը փոխանցվում է հիմնատակի գրունտին։ Հիմքերը լինում են ցցային (տես Ցցային հիմք), սուզարկղերի ձևով, իջուցիկ հորերի, խորը տեղադրման հենարանների ձևով և սովորական։ Սովորական հիմքերը գլխավորապես պատրաստում են երկաթբետոնից, բետոնից, խամքարից և լինում են ժապավենային (պատերի և սյուների տակ), անջատ (սյունաձև և սալաձև), հոծ՝ սալերի կամ զանգվածների ձևով, ճկուն և կոշտ, միաձույլ և հավաքովի։ Հիմքի վերին հարթությունը կոչվում է շուրթ (հիմքը կառույցից բաժանող), իսկ ստորին հարթությունը՝ հատակ (բեռնվածքը հիմնատակին փոխանցող)։ Հիմքիի տեսակի ընտրությունը որոշվում է շինհրապարակի երկրաբանական և հիդրոերկրաբանական պայմաններով, կառուցվող շենքի (կառույցի) բնույթով և նշանակությամբ, գործող բեռնվածքների արժեքներով։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 6, էջ 409 CC-BY-SA-icon-80x15.png