Հիզեր Ուայթսթոուն
| Հիզեր Ուայթսթոուն | |
|---|---|
 | |
| Ծնվել է | փետրվարի 24, 1973[1] (52 տարեկան) |
| Ծննդավայր | Դոտան, Ալաբամա |
| Քաղաքացիություն | .svg){kind=small} ԱՄՆ |
| Կրթություն | Jacksonville State University?, Հուվեր ավագ դպրոց և Central Institute for the Deaf? |
| Մասնագիտություն | մոդել, գրող, գեղեցկության մրցույթի մասնակից և բալետի պարող |
| Կուսակցություն | ԱՄՆ Հանրապետական կուսակցություն |
| 🌐 | |
 Heather Whitestone Վիքիպահեստում | |
Հիզեր Լեյթ Ուայթսթոուն Մաքքալլամ (անգլ.՝ Heather Leigh Whitestone McCallum, փետրվարի 24, 1973[1], Դոտան, Ալաբամա), խուլ ու համր ամերիկացի մոդել, «Միսս Ամերիկա 1995» մրցույթի հաղթող, գրող, բալետի պարուհի[2][3]։
Կենսագրություն
[խմբագրել | խմբագրել կոդը]Հիզեր Ուայթսթոունը ծնվել է 1973 թվականի փետրվարի 24-ին, ԱՄՆ Ալաբամա նահանգի Դոթան քաղաքում։
Մեկ ու կես տարեկանում Հիզերը գրեթե ամբողջությամբ կորցրել է լսողությունը, ինչը դժվարացրել է նրա կյանքը։ Չորրորդ դասարանում Հիզերը տեղեկացել է Ալաբամայից մի կնոջ՝ կույր և խուլ ամերիկացի գրող, հասարակական գործիչ Հելեն Քելլերի կյանքի պատմությունը և ոգեշնչվել նրանով։
Հիզերը ծնողներին խնդրել է, որ իրեն ուղարկեն հատուկ դպրոց, քանի որ առողջական խնդրի պատճառով նա չի կարողացել սովորել իր հասակակիցների մակարդակով[4]։
Սենթ Լուիսի (Միսսուրի նահանգ) Խուլերի ինստիտուտում երեք տարվա ընթացքում նա կարողացել է հասնել իր հասակակիցների մակարդակին և վերադարձել տուն, որպեսզի միջին ակադեմիական գնահատական ստանալու համար ավարտի իր դպրոցը։
Տասնվեց տարեկանում, ծնողների բաժանումից հետո, Հիզեր Ուայթսթոունը տեղափոխվել է Բիրմինգհեմ քաղաք, որտեղ մեկ տարի հաճախել է Ալաբամայի Գեղարվեստի դպրոցը (անգլ.՝ Alabama School of Fine Arts)։ 1991 թվականին նա ավարտել է Բերիի միջնակարգ դպրոցը։ Դրանից հետո Հիզերը ընդունվել է Ջեքսոնվիլի պետական համալսարան (անգլ.՝ Jacksonville State University), որը գտնվում է Ալաբամա նահանգի Ջեքսոնվիլ քաղաքում։ Սիրել է զբաղվել բալետով։
Գեղեցիկ արտաքին ունենալու շնորհիվ սկսել է մասնակցել գեղեցկության մրցույթների։ Առաջին անգամ մասնակցել է Ալաբամայի Շելբի շրջանի մրցույթին։ Այդ մրցույթը նրան վստահություն է հաղորդել և նա մասնակցել է «Միսս Ջեքսոնվիլի համալսարան» մրցույթին, որտեղ դարձել է հաղթող, իսկ 1994 թվականին դարձել է «Միսս Ալաբամա» մրցույթի հաղթող և հնարավորություն ստացել մասնակցելու «Միսս Ամերիկա» գեղեցկության մրցույթին[5]։ 1995 թվականին նա հաղթել է նաև այդ հեղինակավոր ամերիկյան մրցույթում։
Որպես «Միսս Ամերիկա-1995» մրցույթի հաղթող նա ամբողջ երկրում ներկայացրել է S.T.A.R.S. ծրագիրը (անգլ.՝ Success Through Action and Realization of your dreamS, որը թարգմանվում է որպես «Հաջողություն՝ գործողության և երազանքդ իրականացնելու միջոցով»)։ Ծրագրի մեջ ընդգրկվել է է հինգ կետ․ դրական մտածողություն, հավատ քո երազանքին, պատրաստակամություն քրտնաջան աշխատելու, դժվարությունների հաղթահարում և հուսալի աջակցության թիմի ստեղծում։ Նա նաև եղել է Հաշմանդամություն ունեցող մարդկանց զբաղվածության հարցով նախագահի կոմիտեի անդամ, գլխավորել է երկրի ամենամեծ բազմամեդիա սոցիալական արշավը՝ լսողության վաղաժամ կորստի հայտնաբերման նպատակով, որը ստեղծվել էր «Միսս Ամերիկա» կազմակերպության և Ալեքսանդր Գրահամ Բելլի խուլերի ասոցիացիայի կողմից[6]։
Համալսարանն ավարտելուց հետո Հիզերը շարունակել է իր գործունեությունը խուլերի և լսողության խնդիրներ ունեցող մարդկանց հետ կապված ոլորտում, անձնական կյանքի փորձի հիման վրա գրել է գրքեր այդ թեմայով։
Եղել է ԱՄՆ հանրապետական կուսակցության աջակից, ելույթ է ունեցել կուսակցության 1996 և 2000 թվականների ազգային համագումարներում՝ Հանրապետական կուսակցության նախագահի թեկնածուներ Բոբ Դոուլի և Ջորջ Բուշ կրտսերի օգտին[7]։
Լսողության բարելավման համար 2002 թվականի սեպտեմբերի 19-ին հաջողությամբ կատարել է վիրահատություն՝ խխունջային ներպատվաստում։
Հիզեր Ուայթսթոունը ապրում է իր ամուսնու՝ Ջոն Մաքքալլումի հետ՝ Ջորջիա նահանգի Սենթ Սայմոնս կղզում։ Նրանք ունեն չորս երեխա՝ Ջոն, Ջեյմս, Ուիլսոն և Ուիլյամ[8]։
Մատենագրություն
[խմբագրել | խմբագրել կոդը]- «Լսելով իմ սրտով», (անգլ.՝ Listening with My Heart) (1997) ISBN 0-385-48675-8
- Հավատալով խոստմանը (անգլ.՝ Believing the Promise (1999)) ISBN 0-310-24628-8
- Թող Աստված զարմացնի ձեզ (անգլ.՝ Let God Surprise You) (2003) ISBN 0-385-49507-2
- «Երկնային թագեր» (անգլ.՝ Heavenly Crowns) (2004) ISBN 0-310-24627-X
Ծանոթագրություններ
[խմբագրել | խմբագրել կոդը]- ↑ 1,0 1,1 Internet Movie Database — 1990.
- ↑ «Самые яркие участницы конкурса «Мисс Америка»». Արխիվացված օրիգինալից 2015 թ․ փետրվարի 5-ին. Վերցված է 2015 թ․ մայիսի 23-ին.
- ↑ «Первая женщина с нарушенным слухом, которая завоевала титул Мисс Америка». Արխիվացված օրիգինալից 2015 թ․ հունիսի 23-ին. Վերցված է 2015 թ․ մայիսի 23-ին.
- ↑ «Gadsden Times - Google News Archive Search». news.google.com. Վերցված է 2025 թ․ հուլիսի 13-ին.
- ↑ Miss Alabama History Արխիվացված 2015-06-02 Wayback Machine(անգլ.)
- ↑ Miss America Organization. "Miss America 1995: Heather Whitestone." Miss America Organization. Miss America Organization, 2012. Web. 19 Oct. 2012.
- ↑ «Wayback Machine» (PDF). www.misssouthcentral.org. Արխիվացված է օրիգինալից (PDF) 2009 թ․ օգոստոսի 24-ին. Վերցված է 2025 թ․ հուլիսի 13-ին.
- ↑ «Miss America : 1995». missamerica.org. Վերցված է 2025 թ․ հուլիսի 13-ին.
Արտաքին հղումներ
[խմբագրել | խմբագրել կոդը]
|
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Հիզեր Ուայթսթոուն կատեգորիայում։ |
- Miss Alabama official website
- Miss America 1995 Philippine Visit in 1997 – Manila Christian Computer Institute for the Deaf Special Tribute Article
 | Վիքիպահեստն ունի նյութեր, որոնք վերաբերում են «Հիզեր Ուայթսթոուն» հոդվածին։ |
| ||||||
