Հիանալին (ֆիլմ, 1973)

Վիքիպեդիայից՝ ազատ հանրագիտարանից
Jump to navigation Jump to search
HS Disambig.svg Անվան այլ կիրառումների համար տե՛ս՝ Հիանալին (այլ կիրառումներ)
Picto infobox cinema.png
Հիանալին
Le Magnifique
ԵրկիրFlag of France.svg Ֆրանսիա
Flag of Italy.svg Իտալիա
Ժանրռոմանտիկ կատակերգություն, կինոնմանակում և մարտաֆիլմ
Թվական1973
Լեզուֆրանսերեն
ՌեժիսորPhilippe de Broca?[1][2][3]
ՊրոդյուսերԺորժ Դանսիժեր և Ալեքսանդր Մնուշկին
Սցենարի հեղինակPhilippe de Broca?, Վիտորիո Կապրիոլի, Ֆրանսիս Վեբեր և Jean-Paul Rappeneau?
ԴերակատարներԺան Պոլ Բելմոնդո[2][4][3], Ժաքլին Բիսեթ[2][4][3], Վիտորիո Կապրիոլի[2][4][3], André Weber?[4], Բեռնար Մյուսոն[4], Bruno Garcin?[2][4], Gaëtan Noël?[4], Հանս Մեյեր[2][4], Hubert Deschamps?[4], Ժան Լեֆևր[2][4], Jean-Pierre Rambal?[4], Louis Navarre?[4], Lucienne Legrand?[4], Mario David?[2][4], Maurice Auzel?[4], Max Desrau?[4], Micha Bayard?[4], Միշել Թոմաս[4], Monique Tarbès?[2][4], Philippe de Broca?[4], Ռայմոնդ Ժերոմ[2][4], Robert Berri?[4], Roger Muni?[4], Sébastien Floche?[4], Thalie Frugès?[4] և Անրի Չարնիակ[5]
ԵրաժշտությունԿլոդ Բոլլին
ՄոնտաժHenri Lanoë?
Պատմվածքի վայրՓարիզ
Նկարահանման վայրՄեքսիկայի Միացյալ Նահանգներ և Պուերտո Վալյարտա
Տևողություն94 րոպե

Հիանալին (ֆր.՝ Le Magnifique), 1973 թվականին Ֆիլիպ դե Բրոկայի նկարահանած կինոնկարն է։ Գլխավոր դերում նկարահանվել է Ժան Պոլ Բելմոնդոն։

Սյուժե[խմբագրել | խմբագրել կոդը]

Լրտեսական վիպակների հեղինակ Ֆրանսուա Մերլենը օրնիբուն նստած է գրամեքենայի առաջ, քանի որ նրա հրատարակիչ Շարոնը նոր վիպակ է սպասում։ Բոբ Սեն Կլերի (Ժան Պոլ Բելմոնդո) մասին 42 վիպակ գրելով, Մերլենը չի հարստացել, չնայած, գրքերը մեծ ժողովրդականություն են վայելում։ Ֆրանսուան միշտ կանխավճար է խնդրում հրատարակչից, և միշտ մերժում ստանում։ Բնակվում է խղճուկ բնակարանում և նրա դրամապանակը միշտ դատարկ է։ Անձնական կյանքը նույնպես չի ստացվել՝ կնոջից բաժանված է, հաճելի հարևանուհու հետ՝ Քրիստինի (Ժաքլին Բիսեթ) հետ վախենում է խոսակցություն սկսել։ Այս ամենի փոխարեն Ֆրանսուան թղթի վրա ազատություն է տալիս իր երևակայությանը՝ հարևանուհուն վերափոխվում է սուպերգործակալ Դիանայի (մեկ այլ թարգմանությամբ՝ Տատյանա), հրատարակիչ Շարոնին՝ Ալվազիա հանրապետության (հորինված երկիր) գաղտնի ծառայության պետ Կարպշտոֆի։ Բոբ Սեն Կլերը դուրս է գալիս ցանկացած իրադրությունից։ Նա կարող է Ալվազիայի գործակալների հախից գալիս է և խելքահան անել ցանկացած գեղեցկուհու։ Այս հատկությունների համար նա ստանում է ամենավտանգավոր հանձնարարությունները աշխարհի ամենատարբեր անկյուններում։

Մեկ անգամ, պատահաբար մտնելով Մերլենի բնակարան, Քրիստինը տեսնում է նրա գրքերով ծանրաբեռնված գրադարանը։ Վերցնում է գրքերից մեկը և շուտով վերադառնում մյուսների ետևից։ Քրիստինը աշխատում է միջազգային սոցիոլոգիական կենտրոնում և Բոբ Սեն Կլերի կերպարի մեջ տեսնում է իր ապագա ատենախոսության թեման։

Քրիստինը լուրջ չի ընդունում Մերլենի սիրահետումը, նրա համար իսկական տղամարդը Բոբ Սեն Կլերն է՝ միլիոնավոր կանանց երազանքը։ Մերլենը սիրած կնոջ համար պայքարում պարտվում է իր իսկ ստեղծած հերոսին։ Սրա հետ նա չի կարող համակերպվել, և նա սկսում է անհաջողություններ ուղարկել Բոբ Սեն Կլերին։ Սրանով նա ազատվում է իր իր երևակայական հերոսից, և սկսում է ապրել իրական կյանքով։

Դերերում[խմբագրել | խմբագրել կոդը]

Հետաքրքիր փաստեր[խմբագրել | խմբագրել կոդը]

  • Ֆրանսու Մերլենի գրքի հերոսի անունը ֆիլմում գրված չի հանդիպում և ոչ էլ վազող տողերում, և հայտնի չէ թե ինչպես այն գրել՝ անգլիական տարբերակով Սինքլեր (անգլ.՝ Sinclar, Sinclair), թե ֆրանսիական Սեն Կլեր (անգլ.՝ Saint-Clair, Saint-Clar, Saint-Clarе
  • Հայտնի ֆրանսիացի դիջեյ Բոբ Սինքլերը (ֆր.՝ Bob Sinclar, իսկական անունը - Քրիստոֆ լե Ֆրիան) իր կեղծանունը ընտրել է ի պատիվ «Հիանալին» ֆիլմի Բելմոնդոյի կերպարի։
  • «Հիանալին» Անդրեյ Մակինի «Մի անգամ Ամուրի վրա» (1994) գրքի երեք հերոսների սիրած կինոնկարն է։
  • Բեղմնավոր հեղինակ-սուպերգործակալի նախատիպը, որ գրում է արկածային գրքեր, հավանաբար եղել է կոմիսար Սան-Անտոնիոյի արկածների մասին 183 գրքի հեղինակ Ֆրեդերիկ Դարը։
  • Խորհրդային կինովարձույթում Բոբ Սեն Կլերի հակառակորդը ոչ թե ռուս էր՝ Կարպոֆը, ինչպես կինոնկարում, այլ Կարպշտոֆը, Տատյանան դառել էր Դիանա, իսկ Ալբանիան Ալվազիա։ Հայ հանդիսատեսը կինոնկարին ծանոթ է ռուսերեն թարգմանությունով։

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]