Հերկուլեսի քարանձավներ

Վիքիպեդիայից՝ ազատ հանրագիտարանից
Հերկուլեսի քարանձավներ
Cuevas de Hércules, Cabo Espartel, Marruecos, 2015-12-11, DD 22-24 HDR.JPG
Տեսակքարանձավ
ԵրկիրFlag of Morocco.svg Մարոկկո
ՎարչատարածքՏանժեր

Հերկուլեսի քարանձավներ (արաբ․՝ مغارة هرقل‎‎), քարանձավ Մարոկկոյի Տանժեր Տետուան մարզում։

Կրաքարակարստային Հերկուլեսի քարանձավները տեղակայված են Սպարտել հրվանդանում գտնվող Տանժեր խոշոր քաղաքից 14 կմ արևմուտք[1]՝ Մարոկկոյի արքայի ամառանոցի մոտ։ Երկրի զբոսաշրջային հայտնի տեսարժան վայրերից մեկն է․ քարանձավի այցն արժե 5 դիրհամ[1]։ Քարանձավներից 2 ելք կա՝ դեպի ցամաք և դեպի ծով։ Կա վարկած, ըստ որի, վերջին տարբերակը ստեղծվել է փյունիկեցիների կողմից։ Հետաքրքիր է, որ ծովային ելքն իր ձևով հիշեցնում է Աֆրիկա աշխարհամասը, այդ պատճառով քարանձավը կոչվում է նաև «Աֆրիկայի քարանձավ»[1][2]։ Հերկուլեսի քարանձավներն ի սկզբանե բնական էին, այնուհետև ընդարձակվել են բերբերների կողմից, որոնք քարանձավի պատերից աղացաքարի անիվներ էին սարքում[3], որպեսզի այդ տարածքներում աճող ձիթապտղից ձեթ սարքեն[4]։

Պատմություն[խմբագրել | խմբագրել կոդը]

  • մ․թ․ա․ 6-7-րդ հազարամյակներ - քարանձավը բնակեցվել է նեոլիթի ժամանակաշրջանից սկսած
  • 1878 - քարանձավը «կրկին բացվել է»
  • 1900-ականներ - քարանձավն օգտագործվում էր որպես հասարակաց տուն[2]
  • 1920 - քարանձավն ազատ է այցելությունների համար
  • 1952 - քարանձավը մտցվել է Ազգային հարստությունների ցանկ
  • 1982 - քարանձավում էլ․ հոսանք է անցկացվել
  • հոկտեմբերի 23, 1995 - բրիտանական Def Leppard ռոք խումբը քարանձավում համերգ ունեցավ[5]։ Նույն օրերին խումբը համերգներ ունեցավ նաև Լոնդոնում և Վանկուվերում՝ այսպիսով դառնալով առաջին ռոք խումբն աշխարհում, որը 3 համերգ ունեցավ 3 աշխարհամասերում նույն օրերին․ այս հանգամանքը գրառվեց Գինեսի ռեկորդների գրքում։
  • դեկտեմբերի 20, 2003 - հունվար, 2004 - քարանձավը փակվել է ոչ հեռու գտնվող շինարարության արդյունքում տեղի ունեցած քարերի վայր ընկնելու պատճառով[1]
  • սեպտեմբեր, 2013 - սեպտեմբեր, 2015 - քարանձավը փակվել է վերանորոգման պատճառով

Լեգենդներ[խմբագրել | խմբագրել կոդը]

Երկար ժամանակ քարանձավը համարվում էր «անհատակ»։ Ըստ լեգենդի՝ այս քարանձավով անցնելով 24 կմ՝ կարելի է անցնել Ջիբրալթարի նեղուցի տակով[3] և դուրս գալ Ջիբրալթարի քարաժայռի Սուրբ Միքայելի քարանձավ։ Ըստ լեգենդի՝ հենց այսպես են մագոթները Աֆրիկայից Ջիբրալթար եկել։

Ըստ մեկ այլ լեգենդի՝ Հերկուլեսի քարանձավներն իր անունը ստացել է Հերկուլեսից[3], որը կանգ է առել այստեղ հանգստանալու՝ իր 11-րդ սխրագործությունը կատարելուց առաջ․ այն է հավանաբար Լիքսուսում գտնվող Հեսպերիդեսի այգուց ոսկե խնձորներ գողանալը։

Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 Grottes d'Hercules — The Caves of Hercules — Cave of Africa Archived 2018-05-19 at the Wayback Machine. (անգլ.) на сайте showcaves.com
  2. 2,0 2,1 The Caves of Hercules (անգլ.) на сайте roughguides.com
  3. 3,0 3,1 3,2 Caves of Hercules (անգլ.) на сайте fodors.com
  4. Марокко. Танжер Archived 2012-07-27 at the Wayback Machine. (ռուս.) на сайте vokrugsveta.ru, 4 марта 2001
  5. Visiting the Caves of Hercules in Tangier, Morocco Archived 2016-05-30 at the Wayback Machine. (անգլ.) (ֆր.) (իսպ.) на сайте bluedoorhotel.com, 11 апреля 2012