Հենրի Քերի (գրող)

Հենրի Քերի; անգլ.՝ Henry Carey
Ծնվել է	օգոստոսի 27, 1687
Ծննդավայր	Լոնդոն, Անգլիայի թագավորություն
Վախճանվել է	հոկտեմբերի 5, 1743 (56 տարեկան) կամ հոկտեմբերի 4, 1743 (56 տարեկան)
Վախճանի վայր	Լոնդոն, Մեծ Բրիտանիայի թագավորություն
Մասնագիտություն	բանաստեղծ, կոմպոզիտոր և գրող
Լեզու	անգլերեն
Քաղաքացիություն	Մեծ Բրիտանիայի թագավորություն
Գրական ուղղություններ	բարոկկո դարաշրջանի երաժշտություն
Զավակներ	George Saville Carey?
	Henry Carey (writer) Վիքիպահեստում

Հենրի Քերի (անգլերեն՝ Henry Carey. օգոստոսի 27, 1687(1687-08-27)^[1], Լոնդոն, Անգլիայի թագավորություն - հոկտեմբերի 5, 1743(1743-10-05) կամ հոկտեմբերի 4, 1743(1743-10-04)^[1]^[2], Լոնդոն, Մեծ Բրիտանիայի թագավորություն), 18-րդ դարի անգլիացի բանաստեղծ, դրամատուրգ և կոմպոզիտոր։ Նա հիշվում է որպես հակաուոփոլյան երգիծաբան ու նաև որպես մեծ հայրենասեր։ Նրա հորինած մի շարք մեղեդիներ շարունակում են կատարվել մինչ այսօր։ Քանի որ իր շատ ստեղծագործություններ անստորագիր թողնելով վաճառել է ուրիշներին, որպեսզի վերջիններս դրանք ներկայացնեն որպես իրենցը, ժամանակակից գիտնականները կարող են հեղինակային պատկանելության հարցում վստահ լինել միայն նրա թողած գրական ժառանգության որոշ մասում: Իսկ ինչ վերաբերում է նրա հեղինակած երաժշտությանը, ապա հարկ է նշել, որ դրա մեծ մասը գրվել է թատերական դիպվածային բեմադրությունների համար: Այդուհանդերձ՝ նա եղել է բեղմնավոր երգահան ու բալլադներ հորինող, ընդ որում՝ գրել է այդ երգերից գրեթե բոլորի խոսքերը: Բացի այդ՝ նա գրել է բազմաթիվ օպերաներ ու պիեսներ։ Կարելի է համարել, որ նրա կյանքը հանդիսանում է 18-րդ դարասկզբի պրոֆեսիոնալ հեղինակի կյանքի ընդհանրացված արտացոլումը: Չունենալով ժառանգություն, տիտղոս կամ պետական պաշտոն՝ նա հանուն վարձատրության գրել է բոլոր հնարավոր դեպքերի ու առիթների համար, սակայն նաև պահպանել է իր քաղաքական տեսակետը և կարողացել է նշանակալի կերպով ընդդիմանալ օրվա իշխանություններին: Ավելին, նա թատերագրության ասպարեզում եղել է նոր՝ «Հայրենասիրական» շարժման առաջատար դեմքերից մեկը^[3]:

Հենրի Քերին այսօր առաջին հերթին հիշվում է որպես անգլիական ազգային օրհներգի՝ «God Save the King»-ի հեղինակ:

Կենսագրական հակիրճ տեղեկատվություն

Հենրի Քերին եղել է Հալիֆաքսի 1-ին մարքիզ Ջորջ Սևիլի (George Savile, 1st Marquess of Halifax; 1630— 1695) ապօրինի զավակը: Հավանական ծնողներն են համարվում ուսուցիչներ Հենրի և Մերի Քերիները: Ինքը՝ անգլիացիների ազգային օրհներգի ապագա հեղինակը, երկար տարիներ աշխատել է որպես գիշերօթիկ դպրոցի երաժշտության դասատու: Ինքնասպան է եղել (կախվել է) 56 տարեկան հասակում՝ 1743 թվականին, որդու՝ Չարլզի մահվանից կարճ ժամանակ անց:

Հենրի Քերին նշանավոր դերասան Էդմունդ Քինի պապն էր:

Ծանոթագրություններ

1 2 3 4 Bibliothèque nationale de France data.bnf.fr (ֆր.): տվյալների բաց շտեմարան — 2011.
1 2 3 Lundy D. R. The Peerage
↑ «Henry Carey - National Portrait Gallery». npg.org.uk (անգլերեն). Վերցված է 2019-02-05-ին.

Գրականություն

Aspden, Suzanne. "Henry Carey," in Matthew, H.C.G. and Brian Harrison, eds. The Oxford Dictionary of National Biography. vol. 10, 80–81. London: Oxford University Press|OUP, 2004.
"Boz" (Ed.) (Charles Dickens), Memoirs of Joseph Grimaldi, from Internet Archive (scanned books original editions color illustrated)
Gillespie, Norman. "Henry Carey," in The New Grove Dictionary of Music and Musicians. vol. 15, 127–128.
Stephen, Leslie (1887). «Carey, Henry (d.1743)» . In Stephen, Leslie (ed.). Dictionary of National Biography. Vol. 9. London: Smith, Elder & Co.
Chisholm, Hugh, ed. (1911). «Carey, Henry» . Encyclopædia Britannica (անգլերեն). Vol. 5 (11th ed.). Cambridge University Press.

Արտաքին հղումներ

Henry Carey at the Eighteenth-Century Poetry Archive (ECPA)
Henry Careyի գործերը Գուտենբերգ նախագծում
Works by Հենրի Քերի at LibriVox (public domain audiobooks)
Free scores Mutopia Project

Վիքիպահեստն ունի նյութեր, որոնք վերաբերում են «Հենրի Քերի (գրող)» հոդվածին։

[_8286fee28dfee08c-1] 1 2 3 4 Bibliothèque nationale de France data.bnf.fr (ֆր.): տվյալների բաց շտեմարան — 2011.

[_3e97e4c80e450386-2] 1 2 3 Lundy D. R. The Peerage

[3] «Henry Carey - National Portrait Gallery». npg.org.uk (անգլերեն). Վերցված է 2019-02-05-ին.

[1]

[2]

[3]