Հեյվեն Քոուլմեն

Վիքիպեդիայից՝ ազատ հանրագիտարանից
Հեյվեն Քոուլմեն
Դիմանկար
Ծնվել է2006
Քաղաքացիություն ԱՄՆ
Մասնագիտությունաշակերտ, բնապահպան և Կլիմայական ակտիվիստ
 Haven Coleman Վիքիպահեստում

Հեյվեն Քոուլմեն (անգլ.՝ Haven Coleman, 2006)[1], ամերիկացի կլիմայական ու բնապահպանական ակտիվիստ[2], որը կլիմայի ճգնաժամի վերաբերյալ իրազեկվածության բարձրացմանը և գործողությունների պահանջին նվիրված «ԱՄՆ Երիտասարդական կլիմայական շարժմում» շահույթ չհետապնդող կազմակերպության համահիմնադիրն է և գործադիր տնօրենը[3][4]։ Այն հիմնադրել է երիտասարդ ակտիվիստներ Ալեքսանդրիա Վիլասենյորի ու Իսրա Հիրսիի հետ[5]։ Թղթակցում է «Bulletin of the Atomic Scientists» կազմակերպությանը[6]։

Բնակվում է Կոլորադո նահանգի Դենվեր քաղաքում[1], Դենվերի հանրային դպրոցի աշակերտ է[7]։

Ակտիվիզմ[խմբագրել | խմբագրել կոդը]

Քոլմանը դեպի բնապահպանությունը մղումն առաջին անգամ զգացել է տասը տարեկանում, երբ իմացել է, որ իր սիրելի կենդանիները՝ համրուկները վերանում են անտառահատումների պատճառով։ Դրանից հետո նա կատարել է կենսակերպի զգալի փոփոխություններ[8], իսկ «Կլիմայի իրականության նախագծում» վերապատրաստումներն ավելացրել են իր գիտելիքները[9]։

Գրետա Թունբերգի համարձակ բնապահպանական ակտիվությունը և կլիմայի վերաբերյալ երիտասարդական գործադուլները Եվրոպայում տեսնելուց հետո ոգեշնչվել է անել նույնը։ Այսպիսով, 2019 թվականի հունվարից ի վեր[4], 13 տարեկանում սկսել է բողոքի ցույցեր անել բիզնեսի կամ կառավարական շենքերի առջև[10], ինչպիսին է Կոլորադո նահանգի Կապիտոլիումը[11]։ Ամեն ուրբաթ ցույց է անում՝ պահանջելով քաղաքական գործողություններ օդի որակի, ածխի կայանի ապամոնտաժման, վերականգնվող էներգիայի և այլնի վերաբերյալ։ Նաև ընտրված պաշտոնյաներին էլեկտրոնային փոստով գրել է այդ հարցերի մասին։ Զանգվածաբար հալածվել է դպրոցական հասակակիցների կողմից, ովքեր կարծում էին, որ նրա կտրուկ ակտիվությունը տարօրինակ է[8]։

Մինչև Իսրա Հիրսիի և Ալեքսանդրիա Վիլասենյորի հետ «ԱՄՆ Երիտասարդական կլիմայական շարժմումը» հիմնադրելը Քոուլմենը միայնակ է ցույց արել[12], որից հետո կլիմայական գործադուլներ են իրականացվել ԱՄՆ-ի շատ նահանգներում[13]։ Մարտի 15-ին կազմակերպվել է երիտասարդական բողոքի ցույց, որտեղ ներգրավված են եղել ավելի քան 120 երկրներ[14]։

Քոուլմենը մեծ ուշադրության է արժանացել այն բանից հետո, երբ քաղաքապետարանում ածխածնային աղտոտիչների մասին զրուցել է նահանգային սենատոր Կորի Գարդների հետ։ Նա խնդրել է նրան քայլեր ձեռնարկել ու առաջարկել է ժողովրդական շարժում կազմակերպել դա թեթևացնելու համար, սակայն Գարդները մերժել է[10]։

Քանի որ նրա մասին հոդվածներ էին գրվում, նա գրավել է ԱՄՆ փոխնախագահ Ալբերտ Գոռի ուշադրությունը, որը հրավիրել է Քոուլմենին ելույթ ունենալ «Կլիմայի իրականության նախագծի» կազմակերպած «24 Hours of Reality» արշավի ժամանակ[10]։

Ներկայումս աշխատում է Arid գործակալությունում, որն ուղղված է շրջակա միջավայրի և սոցիալական արդարության արշավների կազմակերպմանը[15]։

Ծանոթագրություններ[խմբագրել | խմբագրել կոդը]

  1. 1,0 1,1 CNN Harmeet Kaur (15 March 2019)։ «She's 12 and she's trying to save the world by skipping school»։ CNN (Cable News Network)։ Վերցված է 10 September 2020 
  2. «Skipping School Around The World To Push For Action On Climate Change»։ NPR.org (անգլերեն)։ 14 March 2019։ Վերցված է 2020-09-10 
  3. «19 youth climate activists you should be following on social media»։ Earth Day (անգլերեն)։ 2019-06-14։ Վերցված է 2020-09-10 
  4. 4,0 4,1 «Climate Reality Leader Haven Coleman Talks Today's Youth Climate Strike»։ Climate Reality (անգլերեն) (The Climate Reality Project)։ 15 March 2019։ Վերցված է 10 September 2020 
  5. Nardino Meredith։ «Meet the 13-Year-Old Organizer of the US Youth Climate Strike»։ DoSomething.org (en-US)։ Վերցված է 2020-09-10 
  6. «Haven Coleman»։ Bulletin of the Atomic Scientists։ Bulletin of the Atomic Scientists։ Վերցված է 10 September 2020 
  7. Eastman Katie (19 September 2019)։ «A Denver teen goes on strike for the climate every Friday – and this week, she will march with Greta Thunberg in NYC»։ KUSA.com։ Վերցված է 10 September 2020 
  8. 8,0 8,1 Minutaglio Rose (14 March 2019)։ «The World Is Burning. These Girls Are Fighting to Save It.»։ ELLE (Hearst Magazine Media, Inc)։ Վերցված է 10 September 2020 
  9. Borunda Alejandra (13 March 2019)։ «These young activists are striking to save their planet from climate change»։ Environment (անգլերեն) (National Geographic Partners, LLC.)։ Վերցված է 10 September 2020 
  10. 10,0 10,1 10,2 Kutz Jessica (23 February 2019)։ «Meet the 12-year-old activist taking politicians to task over climate change»։ Grist (Grist Magazine, Inc.)։ Վերցված է 10 September 2020 
  11. Budner Ali (13 March 2019)։ «Meet the Mountain West Teens Organizing the U.S. Youth Climate Strike»։ Elemental։ Արխիվացված է օրիգինալից 17 April 2021-ին։ Վերցված է 10 September 2020 
  12. Li Ang (14 March 2019)։ «'It Will Be Too Late for My Generation.' Meet the Young People Organizing a Massive Climate Change Protest»։ Time (Time Inc.)։ Վերցված է 10 September 2020 
  13. Budner Ali (12 March 2019)։ «Meet The Mountain West Teens Organizing The US Youth Climate Strike»։ Colorado Public Radio (անգլերեն) (Colorado Public Radio)։ Վերցված է 10 September 2020 
  14. Barclay Eliza, Amaria Kainaz (15 March 2019)։ «Photos: kids in 123 countries went on strike to protect the climate»։ Vox (անգլերեն) (Vox Media, LLC.)։ Վերցված է 10 September 2020 
  15. «Haven Coleman»։ SXSW EDU 2020 Schedule (անգլերեն)։ SXSW, LLC.։ Վերցված է 2020-09-10