Հեյլունցզյան

Բնակավայր
Հեյլունցզյան
չինարեն՝ 黑龙江省
Երկիր	Չինաստան
Համայնք	Չինաստան
Ներքին բաժանում	Հարբին, Ցիցիկար, Մուդանցզյան, Ցզյամուսի, Դացին, Ցզիսի, Շուանյաշան, Իչուն, Ցիտայխե, Հեգան, Հեյհե, Սույհուա և Դահինգան Լին
Հիմնադրված է	1954 թ.
Մակերես	454 800±1 կմ²
Բնակչություն	▼31 850 088 մարդ (2020)
Ժամային գոտի	UTC+8
Պաշտոնական կայք	hlj.gov.cn
Հեյլունցզյան (Չինաստան)
Հեյլունցզյան Վիքիպահեստում

Հեյլունցզյան (չինարեն՝ 黑龙江, Hēilóngjiāng), նահանգ Չինաստանի հյուսիս-արևելքում, Ամուրի ավազանում։

Տարածությունը 710 հզ. կմ² է, բնակչությունը՝ 32 միլիոն (2020)։ Վարչական կենտրոնը՝ Խարբին։ Հեյլունցզյանի տարածքի մեծ մասը հարթավայրեր են (100-400 մ բարձրությամբ)։ Հյուսիս-արևմուտքում Մեծ Խինգանն է, միջին մասում՝ Փոքր Խինգանը, հարավ-արևելքում՝ Արևելա-Մանջուրական լեռները։ Կլիման ցամաքային է։ Գլխավոր գետն Ամուրն է՝ Սունգարի վտակով, հյուսիսում տարածված է տայգան, հարավում՝ լայնատերև անտառները, անտառատափաստանները և տափաստանները։ Հեյլունցզյանն ագրարային-ինդուստրիալ շրջան է։ Մշակում են հացահատիկ, սոյա, կարտոֆիլ, երկարաթել վուշ, շաքարի ճակնդեղ և այլն։ Արդյունահանվում է նավթ (Չինաստանի նավթի 40%-ը), ածուխ, ոսկի։ Զարգացած է բազմաճյուղ մեքենաշինությունը, ռադիոէլեկտրոնային, փայտամշակման, քիմիական, սննդի, ծխախոտի արդյունաբերությունը։ Երկաթուղիների երկարությունն ավելի քան 4 հզ կմ է։ Նավարկելի են Ամուր, Սունգարի, Ուսսուրի գետերը։

Անվանում

Կոչվել է Ամուր գետի չինարեն Հեյլունցզյան անունով, որը բառացի նշանակում է «սև վիշապի գետ»։

Ծանոթագրություններ

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 6, էջ 352)։

Վիքիպահեստն ունի նյութեր, որոնք վերաբերում են «Հեյլունցզյան» հոդվածին։