Jump to content

Հեյլի Ուիքենհայզեր

Վիքիպեդիայից՝ ազատ հանրագիտարանից
Հեյլին 2014 թվականին
Ծնվել էՀեյլի Ուիքենհայզեր
1978 թվական օգոստոսի 12
Բնագիր անունHayley Wickenheiser
ԱզգությունԿանադա Կանադա
Հասակ175 սմ[1]
Քաշ80 կգ
Դիրքկենտրոնական հարձակվող
Ակտիվ շրջան1993-2017
ԿայքOfficial site
Պարգևացանկ
Օլիմպիական խաղեր
Ոսկի 2002 Սոլթ Լեյք Սիթի
Ոսկի 2006 Տորինո
Ոսկի 2010 Վանկուվեր
Ոսկի 2014 Սոչի
Արծաթ 1998 Նագանո
Աշխարհի առաջնություն
Ոսկի 1994 ԱՄՆ
Ոսկի 1997 Կանադա
Ոսկի 1999 Ֆինլանդիա
Ոսկի 2000 Կանադա
Ոսկի 2004 Կանադա
Ոսկի 2007 Կանադա
Ոսկի 2012 ԱՄՆ
Արծաթ 2005 Շվեդիա
Արծաթ 2008 Չինաստան
Արծաթ 2009 Ֆինլանդիա
Արծաթ 2011 Շվեյցարրա
Արծաթ 2013 Կանադա
Արծաթ 2016 Կանադա

Հեյլի Ուիքենհայզեր (անգլ.՝ Hayley Wickenheiser; օգոստոսի 12, 1978(1978-08-12)[2], Shaunavon, Սասկաչևան, Կանադա[3]), կանադացի հոկեյիստուհի։ Ամպուլան՝ հարձակվող։ 2002, 2006, 2010 և 2014 թվականների օլիմպիական խաղերի չեմպիոն։ Աշխարհի յոթակի չեմպիոն։ Ջեյն Հեֆֆորդի հետ Օլիմպիական խաղերի պատմության մեջ ամենատիտղոսակիր հոկեյիստուհի։ Կանադացի մարզիկների շարքում օլիմպիական ոսկե մեդալների քանակով ռեկորդակիր։ Նաև համարվում է աշխարհի մեծագույն հոկեյիստ կին։

2000 թվականին Սիդնեյում մասնակցել է Ամառային Օլիմպիական խաղերին սոֆտբոլի մրցումներին։ Հեյլիի ղեկավարած ականակիրներն անհաջող են հանդես եկել՝ 7 խաղից հաղթելով միայն մեկը։ Արդյունքում նրանք հայտնվել են վերջին հորիզոնականում։ Սիդնեյում կայացած խաղերից հետո Հեյլին ավարտել է գործունեությունը սոֆթբոլում։ 2008 թվականին Պեկինի օլիմպիադայում հանդես է եկել որպես սոֆթբոլի մեկնաբան։

2014 թվականի փետրվարի 20-ին նա ընտրվել է ՄՕԿ-ի անդամ` որպես Մարզիկների հանձնաժողովի անդամ։

2019 թվականի հունիսի 25-ին ներառվել է հոկեյի փառքի սրահում[4]։ Արարողությունը տեղի է ունեցել 2019 թվականի նոյեմբերին Տորոնտոյում։

Խաղային գործունեություն

[խմբագրել | խմբագրել կոդը]

Պատանեկան գործունեություն

[խմբագրել | խմբագրել կոդը]

Ուիքենհայզերը սկսել է հոկեյ խաղալ հինգ տարեկանում իր ծննդավայր Շոնավոն քաղաքի բաց սահադաշտում[5]։ Մինչև 13 տարեկանը նա բացառապես խաղացել է տղաների թիմերում[6]։ Ընտանիքի Կալգարիա տեղափոխվելուց հետո Ուիքենհայզերը շարունակել է հոկեյ խաղալ։ 1991 թվականին նա Կանադայի ձմեռային խաղերին ներկայացրել է Ալբերտա նահանգը։ Ալբերտայի թիմը ոսկե մեդալ է նվաճել սառույցի հոկեյի մրցաշարում, իսկ Ուիքենհայզերը դաշտից խփել է հաղթական գոլը և եզրափակիչ խաղում ճանաչվել է ամենաարժեքավոր խաղացող[7][8]։

Միջազգային գործունեություն

[խմբագրել | խմբագրել կոդը]

15 տարեկանում Ուիքենհայզերը առաջին անգամ հրավիրվել է ազգային հավաքական և այդ օրվանից դարձել թիմի անդամ։ Նրա առաջին միջազգային մրցաշարը 1994 թվականի Աշխարհի գավաթն էր, որն անցկացվել է Լեյք Փլասիդում։ Մասնակցել է երեք խաղի և թիմի ոսկե մեդալի է արժանացել։ 1997 թվականին նրա աշխարհի երկրորդ առաջնությունը նույնպես վաստակել է ոսկե մեդալ, և Ուիքենհայզերը հայտնվել է մրցաշարի խորհրդանշական հավաքականում։ Դրանից հետո նա պատվել է ևս երեք անգամ (1999, 2000, 2005)։ 1999 թվականին Հեյլի Ուիքենհայզերը աշխարհի առաջնությունում նվաճել է ևս մեկ ոսկե մեդալ և ճանաչվել մրցաշարի MVP:

Ունի աշխարհի առաջնության յոթ ոսկե մեդալ (1994, 1997, 1999, 2000, 2004, 2007, 2012) և երեք արծաթե մեդալ (2005, 2008, 2009)։ 1998 թվականի ձմեռային Օլիմպիական խաղերում, երբ կանանց հոկեյը առաջին անգամ ներկայացվել է օլիմպիադայում, եղել է Կանադայի հավաքականի անդամ։ 21 խաղ է անց կացրել Կանադայի հավաքականի կազմում նախաօլիմպիական առաջնության ժամանակ։ Կանադայի հավաքականն այս Օլիմպիադայում նվաճել է արծաթե մեդալ։ Ուիքենհայզերի ելույթն 1998 թվականի Օլիմպիադայում այնքան է տպավորել Կանադայի տղամարդկանց հավաքականի գլխավոր մենեջեր Բոբի Քլարկին, որ նա Հեյլիին հրավիրել է մասնակցելու 1998-1999 թվականներին տեղի ունեցող «Ֆիլադելֆիա ֆլայեր» մարզումային ճամբարին։ 2002 թվականին հրավիրվել է Կանադայի հավաքական՝ մասնակցելու Սոլթ Լեյք Սիթիում կայացած Ձմեռային օլիմպիական խաղերին։ Կանադան նվաճել է ոսկե մեդալ՝ եզրափակչում հաղթելով ԱՄՆ-ի հավաքականին։ Ուիքենհայզերը ճանաչվել է մրցաշարի MVP-ն, ինչպես նաև դարձել է լավագույն ռմբարկու։ 2006-ի ձմեռային Օլիմպիական խաղերում Կանադան կրկին նվաճել է ոսկե մեդալ։ Հետո, նվաճել է երկու ոսկե մեդալ՝ Վանկուվերում և Սոչիում հաղթելով ԱՄՆ-ի հավաքականին (2-0, 3-2)։ Թիմային 276 խաղերի արդյունքում դարձել է 168 գոլի և 211 գոլային փոխանցումների հեղինակ և թիմում գրանցել լավագույն արդյունքը[9]։

Հաջողություններ

[խմբագրել | խմբագրել կոդը]
  • 2004 թվականին արժանացել է Նիփիսինգ համալսարանի պատվավոր աստիճանի[10]։
  • 2007 թվականին ճանաչվել է Կանադայի կանանց հավաքականի ամենաարժեքավոր խաղացող[11]։
  • 2007 թվականին արժանացել է Բոբի Ռոսենֆելդ մրցանակի[12]։
  • 2011 թվականին ճանաչվել է Կանադայի հավաքականի տարվա լավագույն խաղացող[13]։

2011 թվականին հաղթել է Բրոդրիք Թրոֆը (պարգևատրվում է Կանադայի միջհամալսարանական կանացի սառցե հոկեյի ամենալավ խաղացողը[14]։ 2014 թվականին ներառվել է Կանադայի փառքի ծառուղում[15]։ 2019 թվականի հունիսի 25-ին ներառվել է Հոկեյի փառքի սրահում[16]։ 2021 թվականին ներառվել է Կանադայի արևմտյան փառքի սրահում[17]։

Պարգևներ և ձեռքբերումներ
Նախորդող:
Կասսի Քեմբել (2002, 2006) 		Կանադայի հոկեյի օլիմպիական թիմի առաջնորդ
2010 		Հաջորդող:
Կառոլին Օոուելեթ (2014)
Նախորդող:
Ջայնա Հեֆորդ (2005) 		Հոկեյի կանանց աշխարհի առաջնության լավագույն հարձակվող
2007 		Հաջորդող:
Նատալի Դարվիթզ (2008)
Նախորդող:
Նատալի Դարվիթզ (2008) 		Հոկեյի կանանց աշխարհի առաջնության լավագույն հարձակվող
2009 		Հաջորդող:
Մոնիկա Լամորեուքս (2011)
Նախորդող:
Քրսի Ուենդել (2005) 		Հոկեյի կանանց աշխարհի առաջնության ամենաարժեքավոր խաղացող
2007 		Հաջորդող:
Նոորա Ռաթի (2008)
Սպորտային ձեռքբերումներ
Նախորդող:
Սիմոն Վիթֆիլդ 		Կանադա Կանադա դրոշակակիր
Սոչի 2014 		Հաջորդող:
Ռոզի ՄակԼենան

Ծանոթագրություններ

[խմբագրել | խմբագրել կոդը]
  1. ↑ «Hayley Wickenheiser». Eliteprospects.com. Վերցված է 2017 թ․ հունիսի 9-ին.
  2. ↑ Freeborn J. Encyclopædia Britannica
  3. ↑ 3,0 3,1 Olympedia — 2006.
  4. ↑ В числе избранных: экс-хоккеист «Далласа» Зубов будет введён в Зал славы НХЛRT (25.06.2019)
  5. ↑ «Hayley Wickenheiser». Canadian Broadcast Corporation. 2008 թ․ հոկտեմբերի 21. Վերցված է 2010 թ․ հոկտեմբերի 4-ին.
  6. ↑ «AOL Canada Chat with Hockey Player Hayley Wickenheiser». AOL Canada. Արխիվացված է օրիգինալից 2007 թ․ հունիսի 23-ին. Վերցված է 2008 թ․ հունիսի 13-ին.
  7. ↑ «Profiles of Notable Women in Hockey». Hockey Hall of Fame. Արխիվացված է օրիգինալից 2011 թ․ հոկտեմբերի 27-ին. Վերցված է 2011 թ․ հուլիսի 26-ին.
  8. ↑ «Official Site of Hayley Wickenheiser: Highlights». Արխիվացված է օրիգինալից 2008 թ․ փետրվարի 18-ին. Վերցված է 2007 թ․ նոյեմբերի 15-ին.
  9. ↑ Spencer, Donna (2017 թ․ հունվարի 13). «Hayley Wickenheiser calls end to gold-plated career». CBC Sports. The Canadian Press. Վերցված է 2017 թ․ հունվարի 14-ին.
  10. ↑ «Honorary Degree Recipients». Nipissing University. Արխիվացված է օրիգինալից 2018 թ․ հունիսի 12-ին. Վերցված է 2018 թ․ մարտի 6-ին.
  11. ↑ «Award Winners announced at Esso Women's Nationals». Hockey Canada. 2007 թ․ մարտի 8. Վերցված է 2010 թ․ նոյեմբերի 25-ին.
  12. ↑ Canadian Gold 2010, Andrew Podnieks, p. 174, Fenn Publishing, Toronto, Ontario, Canada, 978-1-55168-384-3
  13. ↑ «Archived copy» (PDF). Արխիվացված է օրիգինալից (PDF) 2011 թ․ հուլիսի 23-ին. Վերցված է 2011 թ․ մարտի 27-ին.{{cite web}}: CS1 սպաս․ արխիվը պատճենվել է որպես վերնագիր (link)
  14. ↑ «Wickenheiser grabs national MVP award». godinos.com (անգլերեն). 2011 թ․ մարտի 9. Վերցված է 2021 թ․ հունիսի 15-ին.
  15. ↑ «Hockey star Hayley Wickenheiser gets spot on Walk of Fame». CBC News. 2014 թ․ սեպտեմբերի 16. Վերցված է 2021 թ․ հուլիսի 7-ին.{{cite web}}: CS1 սպաս․ url-status (link)
  16. ↑ «Hockey Hall of Fame - 2019 Induction Celebration - Hayley Wickenheiser». www.hhof.com. Արխիվացված է օրիգինալից 2019 թ․ հունիսի 27-ին. Վերցված է 2021 թ․ հուլիսի 20-ին.
  17. ↑ «Hayley Wickenheiser (WHKY) | Student-athlete)». canadawesthalloffame.org (անգլերեն). Վերցված է 2021 թ․ ապրիլի 16-ին.

Արտաքին հղումներ

[խմբագրել | խմբագրել կոդը]
Վիքիպահեստն ունի նյութեր, որոնք վերաբերում են «Հեյլի Ուիքենհայզեր» հոդվածին։
 ⛭ 
  Ֆոտո, վիդեո և աուդիո
Թեմատիկ կայքեր
Բառարաններ և հանրագիտարաններ
Չափորոշչային վերահսկողություն
ISNI: 0000000074238012 · LCCN: no2006038596 · VIAF: 61295873 · WorldCat VIAF: 61295873
Ստացված է «https://hy.wikipedia.org/w/index.php?title=Հեյլի_Ուիքենհայզեր&oldid=9357727» էջից