Հեծանվահրապարակ, վելոդրոմ, կառույց (բաց կամ փակ), ուր անցկացվում են հեծանվային սպորտի մարզումներ ու մրցումներ։ Բաղկացած է մրցուղիներից (տրեկ), հարկաբաժիններից (տրիբունաներ) և վարչական օժանդակ շենքերից (բժշկական, տեխնիկական, ուսումնա-մեթոդական և մրցավարական սպասարկման համար)։ Երևանում առաջին անգամ հեծանվահրապարակ կառուցվել է 1927 թվականին։ 1977 թվականին վերակառուցված հեծանվահրապարակը նախատեսված է 5000 հանդիսատեսի համար, մրցուղու երկարությունը՝ 250 մ։ Երևանի հեծանվահրապարակում անցկացվում են հեծանվային սպորտի միութենական, միջազգային հավաքներ ու մրցումներ։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 6, էջ 342)։
