Հելենդ Պեեպ

Վիքիպեդիայից՝ ազատ հանրագիտարանից
Jump to navigation Jump to search
Հելենդ Պեեպ
Ծնվել է հուլիսի 29, 1910(1910-07-29)
Մահացել է հոկտեմբերի 20, 2007(2007-10-20)[1] (97 տարեկանում)
Մահվան վայր Տարտու, Էստոնիայի Հանրապետություն
Քաղաքացիություն Flag of the Soviet Union.svg ԽՍՀՄ
Flag of Estonia.svg Էստոնիայի Հանրապետություն
Մասնագիտություն դերասան, օպերային երգիչ և ծաղրանկարիչ
Պարգևներ և մրցանակներ Order of the White Star, 5th Class

Հելենդ Վալդեմարի Պեեպ (էստ․՝ Helend Peep, ծննդյան անուն՝ Էռնստ-Հելմուտ Պեեպ էստ․՝ Ernst-Helmut Peep, 29 հուլիսի, 1910, Վայկլա – 20 հոկտեմբերի, 2007, Տարտու), էստոնացի դերասան և օպերային երգիչ (տենոր): Ավելի քան 50 տարի խաղացել է Տարտուի «Վանեմույնե» թատրոնի բեմում: Էստոնական ԽՍՀ վաստակավոր արտիստ (1957), Էստոնական ԽՍՀ ժողովրդական արտիստ (1970)[2]:

Կենսագրություն[խմբագրել | խմբագրել կոդը]

Հելենդ Պեեպը ծնվել է 1910 թվականի հուլիսի 29-ին Էստլյանդիայի նահանգի Կոհտլա-Յարվեի գավառի Պորսկովո գյուղում (ներկայում՝ Վայկլա), մանր ֆերմերի ընտանիքում: Երբ Հելենդ Պեեպը եղել է չորս տարեկան, մահացել է նրա հայրը: Մայրը՝ Ադելինան, միայնակ է դաստիարակել երկու երեխաներին[2]:

1931 թվականին Պեեպն ավարտել է գիմնազիա Յիհվիում[3]: Մասնագիտական կարիերան սկսել է 1938 թվականին որպես Տարտուի «Վանեմույնե» էստոնական ազգային թատրոնի երգչախմբի անդամ: 1939 թվականից մինչև 1942 թվականը որպես դերասան և բեմանկարիչ աշխատել է Կուռեսաառե քաղաքի թատրոնում: 1942-1944 թվականներին խաղացել է Տալլինի բանվորական թատրոնում, իսկ 1944-1946 թվականներին՝ Երիտասարդական թատրոնում: 1946 թվականից մինչև 1957 թվականը «Վանեմույնե» թատրոնում եղել է օպերային երգիչ, իսկ 1957 թվականից մինչև 2001 թվականը՝ դրամատիկական դերասան[2]:

Հելենդ Պեեպը եղել է «Վանեմույնե» թատրոնի լավագույն դերասաններից մեկը: Նա կատարել է Լենսկու դերերգը «Եվգենի Օնեգին» օպերայում, Վլադիմիրի դերերգը «Իշխան Իգոր» օպերայում, Մոնոստատոսի դերերգը «Կախարդական ֆլեյտա» օպերայում, ինչպես նաև կատարել է Կոշկինի դերը «Լյուբով Յարովա» բեմադրության մեջ[4]: Նա նկարահանվել է նաև մի շարք ֆիլմերում, ինչպիսիք են՝ «Սառցահոսանք» («Jääminek», 1962), «Հետ նայիր ճանապարհին» («Jäljed», 1963), «Ծերունին ուզում է տուն գնալ» («Vana mees tahab koju», 1991) և այլն:

Հելենդ Պեեպը խաղացել է նաև «Անորսալի հրաշք» («Tabamata ime»), «Նոր տարվա նախօրեին» («Uusaastaöö») ֆիլմ-ներկայացումներում, «Killevere koguduse õpetaja» հեռուստաբեմադրությունում[2]:

Հելենդ Պեեպը մահացել է 2007 թվականի հոկտեմբերի 20-ին Տարտուում 97 տարեկան հասակում: Թաղված է Տարտուի Ռաադի գերեզմանատանը[5]:

Ընտանիք[խմբագրել | խմբագրել կոդը]

Հելենդ Պեեպի որդին՝ Աո Պեեպը, դրամատիկական դերասան է[6]:

Ծանոթագրություններ[խմբագրել | խմբագրել կոդը]

  1. http://www.postimees.ee/201007/tartu_postimees/uudised/290663.php
  2. 2,0 2,1 2,2 2,3 Viru vägevad: 1900—2000. Ida-Virumaa Omavalitsuste Liit, 2000
  3. «Kes? Mis? Kus?» 2008, lk. 361
  4. Каарел Ирд Театр — моя работа. «Искусство», 1984
  5. «HELEND PEEP 29. VII 1910 – 20. X 2007» (էստոներեն)։ sirp.ee։ 2007-10-26։ Վերցված է 2017-03-30 
  6. «Скончался драматический актер Ао Пеэп»։ rus.err.ee։ Վերցված է 2017-03-30