Հարսանեկան երաժշտություն

Վիքիպեդիայից՝ ազատ հանրագիտարանից
Jump to navigation Jump to search
Հարսանեկան քայլերգ

Հարսանեկան երաժշտությունը վերաբերում է հարսանեկան տոնակատարություններին նվագակցված երաժշտությանը, ներառյալ միջոցառման նախօրեին կամ դրանից հետո արարողությանը: Երաժշտությունը կարող է կատարվել կենդանի կատարողների կամ վոկալիստների կողմից կամ կարող են օգտագործել նախապես ձայնագրված երգերը` կախված միջոցառման ձևաչափից, գերակշռող մշակույթի հետ կապված ավանդույթներից։

Հարսանեկան մուտք և արարողություն[խմբագրել | խմբագրել կոդը]

Ռիխարդ Վագներ / Հարսանեկան երգչախումբ

Երաժշտության բազմաթիվ տարբեր ոճեր կան, որոնք կարող են նվագել հարսանեկան մուտքի և արարողության ժամանակ[1]: Պսակադրության ժամանակ կարող են հնչեցնել մի քանի օրհներգեր։

Երաժշտությունը կարող է հնչել, հայտարարելու հարսանիքի մասնակիցների ժամանումը (ինչպես, օրինակ՝ հարսի, փեսայի, նրանց ծնողների ...), իսկ արևմտյան շատ մշակույթներում սա հնչում է, որպես հարսանեկան քայլերգ կամ երթ: Մեկ դարից ավել է, ինչ գերմանացի կոմպոզիտոր Ռիխարդ Վագների Լոհենգրին օպերայից «Հարսանեկան երգչախումբ» հատվածը (1850 թ.) հնչում է հարսանեկան արարողությունների ժամանակ, որը հաճախ կոչվում է «Այստեղ է գալիս հարսնացուն», և ավանդաբար այն նվագում են երգեհոնով կամ լարային քառյակով:

Յոհան Պախելբել / Պրելյուդիա և ֆուգա

Որոշ զույգեր կարող են նախընտրել այլ հարսանեկան քայլերգեր և ընտրել ավելի ժամանակակից երաժշտություն, կամ այլընտրանքային, օրինակ՝ գերմանացի կոմպոզիտոր Յոհան Պախելբելի «Պրելյուդիա և ֆուգա D» -ն, ինչպես նաև Արքայազն Չարլզի և Ուելսի արքայադուստր Դիանայի հարսանեկան արարողության ժամանակ՝ 1981 թվականին, հեռուստատեսությամբ հնչած անգլիացի կոմպոզիտոր Քլերք Ջերեմայի «Դանիայի արքայազնի քայլերգը» , որպես ծիսակատարության երաժշտություն[2][3]։ Պսակադրության ավարտին արևմտյան ծիսակատարության մեջ հարսնացուն և փեսացուն Մենդելսոնի «Ամառային գիշերվա երազը» (1826 թ) սիմֆոնիկ նախերգանքի հայտնի «Հարսանեկան քայլերգ»-ով դուրս են գալիս եկեղեցուց։ Այս քայլերգը հայտնի դարձավ Գերմանիայի կայսրուհի Վիկտորիա Սաքսեն Կոբուրգ Գոթացու և Գերմանիայի կայսր Ֆրիդրիխ III-ի հարսանեկան արարողությունից հետո, 1858 թվականին[4]։ Այլ մշակույթների հարսանիքներն ունեն տարբեր ձևաչափեր: Եգիպտոսում կա հատուկ ռիթմ, որը կոչվում է զաֆֆա: Պորտապարուհին առաջնորդում է հարսին դեպի հարսանեկան սրահ, ուղեկցող երաժիշտները նվագում են էլֆազ, երբեմն հարվածային գործիքների և շեփորների վրա։ Սա շատ հին սովորույթ է, ենթադրվում է, որ կարող է նախաիսլամական ժամանակաշրջանից եկած լինի։

Հրեական հարսանիքներում փեսայի մուտքն ուղեկցվում է Բարուխ Հաբայի մեղեդիով։ Սիման Թովը («Բարի լուրը») միաժամանակ հանդիսանում է տոնական երգ:

Միջեկեղեցական ամուսնությունների արարողություններն օգտվում են մի քանի ժամանակակից կոմպոզիտորների ջանքերի շնորհիվ, որոնցից շատերի համար գրավել են քայլերգեր, ի պատիվ հարսնացուի և փեսայի կրոնական ավանդույթների։

Հարսանիքի եզրափակում

Արարողությունից հետո հաճախ տոնական պար է լինում, կամ ընդունելություն է տեղի ունենում, որտեղ կարող են երաժշտական զվարճություններ լինել՝ հրավիրվում է հարսանեկան երգիչ, հարսանյաց խումբ, որը ելույթ է ունենում միայն կենդանի ձայնով կամ Դի-ջեյ/DJ, որոնք զույգերի և հյուրերի համար երգեր են կատարում[5]։

Ծանոթագրություններ[խմբագրել | խմբագրել կոդը]

  1. "Wedding Ceremony Songs"
  2. Dan Fox (2007) World's Greatest Wedding Music: 50 of the Most Requested Wedding Pieces p.7. Alfred Music Publishing, 2007. Retrieved January 4, 2011
  3. Lefevre, Holly (2010) The Everything Wedding Checklist Book: All You Need to Remember for a Day You'll Never Forget p.127. Adams Media, 2010
  4. Emmett, William (1996). The national and religious song reader. New York: Haworth Press. p. 755
  5. «Wedding Entertainment: U.S. Consumers Dig the DJ [Infographic]»։ Music Makes You Move։ 4 June 2013։ Վերցված է 10 June 2013