Հարություն Մերդինյան

Վիքիպեդիայից՝ ազատ հանրագիտարանից
Jump to navigation Jump to search
Հարություն Գեղամի Մերդինյան
2015 European Artistic Gymnastics Championships - Pommel horse - Harutyum Merdinyan 02.jpg
Անձնական տեղեկություն
Սեռ`արական
Ազգություն`հայ
Մասնագիտացում`մարմնամարզիկ
Երկիր`Flag of Armenia.svg Հայաստան
Ծննդյան ամսաթիվ`օգոստոսի 16, 1984 (35 տարեկան)
Ծննդավայր`Երևան, ՀԽՍՀ
Հասակ`164 սմ
Քաշ`~60 կգ

Հարություն Գեղամի Մերդինյան (ծնվ.՝ 1984, օգոստոսի 16, Երևան, ՀԽՍՀ), հայ մարմնամարզիկ, նժույգի վրա վարժություններում 2016 թվականի Եվրոպայի չեմպիոն, 2015 և 2016 թվականների աշխարհի գավաթակիր, աշխարհի առաջնության բրոնզե (2015), ինչպես նաև Եվրոպայի առաջնության արծաթե (2015) և եռակի բրոնզե մեդալակիր (2011, 2012, 2017)։

Կենսագրություն[խմբագրել | խմբագրել կոդը]

Հարություն Մերդինյանը ծնվել է 1984 թվականի օգոստոսի 16-ին, Երևանում։ 1989 թվականին 5 տարեկան Հարությունին ծնողները տարան մարմնամարզության խմբակ։ 15 տարեկանում նա առաջին անգամ հրավիրվեց Հայաստանի հավաքական։ Դրանից երկու տարի անց առաջին ելույթն ունեցավ Եվրոպայի առաջնությունում։

Հարություն Մերդինյանը ելույթ է ունենում մի քանի մրցաձևերում, սակայն հիմնական հաջողությունները նա արձանագրել է նժույգի վրա վարժություններում։ 2011 թվականին Բեռլինում կայացած Եվրոպայի առաջնությունում այդ մրցաձևում նա նվաճեց բրոնզե մեդալ, որը անկախանալուց հետո Հայաստանի մարմնամարզիկների առաջին պարգևն էր աշխարհամասի առաջնություններում[1]։

2012 թվականի դեկտեմբերին Հարությունը նժույգի վրա վարժություններում դարձավ օլիմպիական չեմպիոն Միխայիլ Վորոնինի անվան գավաթի խաղարկության հաղթող[2]։

Նույն թվականի մայիսին Ֆրանսիայի Մոնպելիե քաղաքում կայացած Եվրոպայի առաջնությունում նա կրկնեց իր հաջողությունը և կրկին դարձավ բրոնզե մեդալակիր[3]։

2015 թվականի հոկտեմբերի 31-ին Շոտլանդիայի Գլազգո քաղաքում կայացած աշխարհի առաջնությունում Հարությունը նժույգի վրա 15,500 միավորով արժանացավ բրոնզե մեդալի՝ իրենից առաջ թողնելով Մեծ Բրիտանիայի ներկայացուցիչներ Մաքս Վիթլոքին (16,133 միավոր) և Լուիս Սմիթին (16,033 միավոր)[4]։

2016 թվականի մայիսին Շվեյցարիայի Բեռն քաղաքում կայացած Եվրոպայի առաջնությունում նժույգ վարժությունում վաստակելով 15,366 միավոր՝ դարձավ Եվրոպայի չեմպիոն[5]։

2016 թվականին Հարությունը մասնակցեց Ռիո դե Ժանեյրոյում կայացած Ամառային Օլիմպիական խաղերին։ Նժույգաթափ վարժության որակավորման փուլում նա զբաղեցրեց 4-րդ տեղը և նվաճեց եզրափակիչ փուլի ուղեգիր։ Առողջական խնդիրների և լարվածության պատճառով եզրափակչում նրա ելույթն այնքան էլ հաջող չէր։ Մրցավարները նրա ելույթը գնահատեցին 14,933 միավոր, որը 7-րդ արդյունքն էր[6]։

2017 թվականին Ռումինիայի Կլուժ-Նապոկա քաղաքում կայացած Եվրոպայի առաջնությունում նժույգ վարժությունում վաստակելով 14,833 միավոր՝ կարիերայում երրորդ անգամ դարձավ բրոնզե մեդալակիր[7]։

Մարզական նվաճումները[խմբագրել | խմբագրել կոդը]

Թվական Մրցաշար Անցկացման վայր Մրցաձև Տեղ Միավոր Տեղ (որակավոր.) Միավոր (որակավոր.)
2008 Եվրոպայի առաջնություն։ Եզրափակիչ Լոզան նժույգ 5 15,125 7 14,925
2008 Աշխարհի գավաթ։ Եզրափակիչ Շտուտգարտ նժույգ 3 15,325 6 14,500
2008 Աշխարհի գավաթ «Աշխարհի աստղեր» Մոսկվա նժույգ 4 15,550
2010 Աշխարհի առաջնություն Ռոտերդամ նժույգ 6 15,166 7 15,333
2011 Եվրոպայի առաջնություն 2011 Բեռլին նժույգ 3 14,950 5 14,900
2012 Միխայիլ Վորոնինի անվան գավաթ Մոսկվա նժույգ 1
2012 Եվրոպայի առաջնություն 2012 Մոնպելիե նժույգ 3 15,300 6 15,200
2013 Աշխարհի գավաթ Դոհա նժույգ 5 14,875 6 14,550
2013 Եվրոպայի առաջնություն 2013 Մոսկվա նժույգ 5 15,366 6 15,233
2014 Աշխարհի առաջնություն 2014 Նանկին նժույգ 9 15,250
2015 Աշխարհի գավաթ Դոհա նժույգ 1 14,775 1 14,800
2015 Եվրոպայի առաջնություն[8] Մոնպելիե նժույգ 2 15,333 ? ?
2015 Աշխարհի առաջնություն 2015[9] Գլազգո նժույգ 3 15,500 2
2016 Աշխարհի գավաթ[10] Դոհա նժույգ 1 1
2016 Եվրոպայի առաջնություն 2016[5] Բեռն նժույգ 1 15,366 2 15,491
2016 Ամառային Օլիմպիական խաղեր 2016[11] Ռիո դե Ժանեյրո նժույգ 7 14,933 4 15,583
2017 Եվրոպայի առաջնություն 2017[12] Կլուժ-Նապոկա նժույգ 3 14,833 3 14,700

Ծանոթագրություններ[խմբագրել | խմբագրել կոդը]

  1. Հարություն Մերդինյանը՝ ԵԱ բրոնզե մեդալակիր
  2. «Հարություն Մերդինյանը և Արթուր Թովմասյանը հաղթեցին Վորոնինի հուշամրցաշարում»։ PanARMENIAN։ 2012-12-17։ Արխիվացված օրիգինալից-ից 2013-04-18-ին 
  3. ArmFootball.com։ «Հարություն Մերդինյանը՝ ԵԱ կրկնակի բրոնզե մեդալակիր»։ Արխիվացված օրիգինալից-ից 2012-07-29-ին։ Վերցված է 2012-05-28 
  4. Հարություն Մերդինյանը՝ աշխարհի առաջնության բրոնզե մեդալակիր
  5. 5,0 5,1 Մարմնամարզություն. Հարություն Մերդինյանը` Եվրոպայի չեմպիոն
  6. «Լարվածություն էի զգում, դա էր պատճառը, որ վերջին պտույտը չկատարեցի». Հարություն Մերդինյան
  7. «Մարմնամարզություն. Հարություն Մերդինյանը՝ Եվրոպայի առաջնության բրոնզե մեդալակիր»։ Վերցված է 2017 Ապրիլ 22 
  8. news.am / Հարություն Մերդինյանը` Եվրոպայի փոխչեմպիոն
  9. ՄԱՐՄՆԱՄԱՐԶՈՒԹՅԱՆ ԱԱ. ՀԱՐՈՒԹՅՈՒՆ ՄԵՐԴԻՆՅԱՆԸ՝ ԲՐՈՆԶԵ ՄԵԴԱԼԱԿԻՐ
  10. Հարություն Մերդինյանը` աշխարհի գավաթակիր, Վահագն Դավթյանը նվաճել է արծաթե, Արթուր Թովմասյանը` բրոնզե մեդալ
  11. Rio-2016. Artistic Gymnastics. Men's Pommel Horse Final
  12. «Հարություն Մերդինյանը՝ Եվրոպայի առաջնության բրոնզե մեդալակիր»։ Վերցված է 2017 Ապրիլ 22 

Արտաքին հղումներ[խմբագրել | խմբագրել կոդը]