Հարություն Կարապետյան (գրականագետ)
Անվան այլ կիրառումների համար տե՛ս՝ Հարություն Կարապետյան (այլ կիրառումներ)
Հարություն Կարապետյան | |
|---|---|
| Ծնվել է | ապրիլի 7, 1950 |
| Ծննդավայր | Ախալցխա, Վրացական ԽՍՀ, ԽՍՀՄ |
| Վախճանվել է | 2003[1] |
| Մասնագիտություն | գրականագետ, ուսուցիչ, քաղաքական գործիչ և պետական գործիչ |
| Քաղաքացիություն |  ԽՍՀՄ և  Հայաստան |
| Կրթություն | ԵՊՀ հայ բանասիրության ֆակուլտետ (1972) |
| Անդամակցություն | ՀԳՄ |
| Կուսակցություն | ԽՄԿԿ և ՌԱԿ |
| Աշխատավայր | ՀԳՄ և ՀԿԿ |
| Հարություն Կարապետյան Վիքիդարանում | |
Հարություն Ալեքսանդրի Կարապետյան (ապրիլի 7, 1950, Ախալցխա, Վրացական ԽՍՀ, ԽՍՀՄ - 2003[1]), հայ գրականագետ, մանկավարժ, պետական և քաղաքական գործիչ։ Հայաստանի գրողների միության անդամ 1980 թվականից[2]։
Կենսագրություն[խմբագրել | խմբագրել կոդը]
Հարություն Կարապետյանը ծնվել է 1950 թվականի ապրիլի 7-ին, Վրացական ԽՍՀ Ախալցխա քաղաքում։ 1972 թվականին ավարտել է Երևանի պետական համալսարանի բանասիրական ֆակուլտետի ռուսական բաժինը։ 1972-1975 թվականներին աշխատել է որպես ուսուցիչ, դպրոցի տնօրեն, կոմերիտմիության շրջկոմի հրահանգիչ։ 1975 թվականից աշխատել է Հայաստանի գրողների միությունում որպես գրական խորհրդական։ 1987 թվականին աշխատել է ՀԿԿ կենտկոմում, եղել ՀԿԿ կենտրոնական կոմիտեի մամուլի կենտրոնի ղեկավար, Կոմկուսի կենտրոնական կոմիտեի գաղափարախոսության բաժնի պետ, մամուլի կենտրոնի ղեկավար։ 1991-1995 թվականներին եղել է Հայկական ԽՍՀ Գերագույն խորհրդի պատգամավոր, ՀՀ ԳԽ լրատվության հարցերի մշտական հանձնաժողովի անդամ[3]։ 1992 թվականից «Ռամկավար ազատական կուսակցության» անդամ[4]։ 1996-1999 թվականներին եղել է Հայաստանի Ռամկավար ազատական կուսակցության Հանրապետական վարչության նախագահ, 1995 թվականից՝ «Պայքար» սոցիալական և քաղաքական ամսագրի գլխավոր խմբագիր։ 1995-1999 թվականներին եղել է ՀՀ կառավարությանն առընթեր տեղեկատվության և մամուլի բաժնի պետ[5], ՀՀ նախագահի խորհրդական։ Կյանքի վերջին տարիներին աշխատել է ՀՀ Սահմանադրական դատարանում։ ԽՄԿԿ անդամ 1979 թվականից
Ստեղծագործական ուղի[խմբագրել | խմբագրել կոդը]
Կազմել է «Խոսք Դերենիկ Դեմիրճյանի մասին» հոդվածների ժողովածուն (Երևան, 1977), «Բազմաձայնություն» անթոլոգիան (Երևան, 1978), Գևորգ Էմինին նվիրված հոդվածների ժողովածուն (Երևան, 1980), «Հայկական պատմվածքներ» և «Ժամանակակից հայկական վիպակներ» ժողովածուները[6]։
Պարգևներ[խմբագրել | խմբագրել կոդը]
1979 թվականին արժանացել է ՀԼԿԵՄ Կենտկոմի «Տարվա լավագույն ստեղծագործության համար» ամենամյա մրցանակին։
Ընտանիք[խմբագրել | խմբագրել կոդը]
Ունի երկու որդի։
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 Հայաստանի գրադարանների համահավաք գրացուցակ
- ↑ «Koha online catalog › Authority search result». haygirk.nla.am. Վերցված է 2019 թ․ հունվարի 27-ին.
- ↑ «National Assembly of RA». www.parliament.am. Վերցված է 2019 թ․ հունվարի 27-ին.
- ↑ Հարություն Ալեքսանդրի Կարապետյան
- ↑ «Harutyun Karapetian Appointed Head of Info. and Publications». Asbarez.com (ամերիկյան անգլերեն). 1998 թ․ մայիսի 14. Վերցված է 2019 թ․ հունվարի 27-ին.
- ↑ Գրական տեղեկատու, Երևան, Սովետական գրող, 1981, 544 էջ, էջ՝ 195:
 | Վիքիդարանն ունի նյութեր, որոնք վերաբերում են «Հարություն Կարապետյան (գրականագետ)» հոդվածին։ |
- Ապրիլի 7 ծնունդներ
- 1950 ծնունդներ
- Ախալցխա քաղաքում ծնվածներ
- 2003 մահեր
- ԵՊՀ բանասիրական ֆակուլտետի շրջանավարտներ
- Հայաստանի գրողների միության անդամներ
- ԽՄԿԿ անդամներ
- Անձինք այբբենական կարգով
- Գրողներ այբբենական կարգով
- Հայ գրականագետներ
- Հայ մանկավարժներ
- Հայ քաղաքական գործիչներ
- Հայ պետական գործիչներ
- ՀՀ ԳԽ 1-ին գումարման պատգամավորներ