Հարություն Բալըքյան

Վիքիպեդիայից՝ ազատ հանրագիտարանից
Jump to navigation Jump to search
Picto infobox med.png
Հարություն (Արութին) էֆենդի Բալըքյան (Պալըքյան)
Ծնվել է 1878
Ծննդավայր Հալեպ (կամ Այնթապ, Հալեպի նահանգ)
Մահացել է 12/13 հուլիսի, 1917 (կամ 12 հունիս, 1918)
Մահվան վայր Սեբաստիա
Ազգություն հայ
Կրթություն Բեյ­րութի Ամերիկյան համալսարան
Մասնագիտություն բժիշկ
Կոչում կապիտան
Աշխատավայր Սեբաստիայի թիվ 1 հիվանդանոց
Կուսակցություն Հայ Յեղափոխական Դաշնակցութիւն

Հարություն (Արութին) էֆենդի Բալըքյան (Պալըքյան) (1878, Հալեպ (կամ Այնթապ, Հալեպի նահանգ) - 12/13 հուլիսի, 1917 (կամ 12 հունիս, 1918), Սեբաստիա), հայ բժիշկ, ՀՅԴ անդամ։

Կենսագրություն[խմբագրել | խմբագրել կոդը]

Ծնվել է 1878 թվականին Հալեպում (կամ Հալեպի նահանգի Այնթապի գավառի նույնանուն գավառակի կենտրոն Այնթապ քաղաքում)։ 1902 թվականին ավարտել է Բեյ­րութի Ամերիկյան համալսարանի բժշկական ֆակուլտետը։

Եղել է ՀՅԴ անդամ։ Առաջին համաշխարհային պատերազմի (1914-1918) ժամանակ զորակոչվել է օսմանյան բանակ և Սեբաստիայի թիվ 1 հիվանդանոցում (հոսպիտալում) զինվորական բժիշկ է ծառայել՝ կապիտանի աստիճանով։

1917 թվականի հուլիսի 12/13-ին (կամ 1918 թ. հունիսի 12) սպանվել է կամ ժանտախտից մահացել Սեբաստիայում՝ 39/40 տարեկանում։

Գրանցված է թուրք հեղինակ Ատաշ Ադնանի՝ 20-րդ դարի զոհված առողջապահության ոլորտում ծառայած օսմանցի սպաների ցուցակում։

Գրականություն[խմբագրել | խմբագրել կոդը]

  • Հայ բժշկութեան տուած զոհերը, ցուցակագրուած վաւերական փաստերով, Կ. Պոլիս, 1919։
  • Ատաշ Ադնան, 20-րդ դարի նահատակ եղած բժիշկները (թուրքերեն), Թուրքիա, 1997։
  • Յուշամատեան Հայ Յեղափոխական Դաշնակցութեան, Ալբոմ-ատլաս, Բ. հատոր, Գոյամարտ, 1914-1925, Լոս Անճելըս, 2001։
  • Յարման Արսեն, Հայերը օսմանյան առողջապահության ծառայության մեջ և պատմություն սուրբ Փրկիչ հայոց հիվանդանոցի (թուրքերեն), Ստամբուլ, 2001։

Աղբյուրներ[խմբագրել | խմբագրել կոդը]

  • Հարություն Մինասյան, Օսմանյան կայսրությունում և Թուրքիայի Հանրապետությունում բռնաճնշումների և ցեղասպանության ենթարկված հայ բժիշկներ, Երևան, «Լուսաբաց», 2014 — 520 էջ։