Հարություն Ալփիար

Հարություն Ալփիար արմտ. հայ.՝ Յարութիւն Ալփիար
Ծնվել է	հուլիսի 12, 1864(1864-07-12)
Ծննդավայր	Իզմիր, Այդին, Օսմանյան կայսրություն
Վախճանվել է	ապրիլի 5, 1919(1919-04-05) (54 տարեկան)
Գրական անուն	Ռատամես և Քրիզանթեմ
Մասնագիտություն	լրագրող և երգիծաբան
Լեզու	հայերեն
Քաղաքացիություն	Օսմանյան կայսրություն
Կրթություն	Արամյան-Ունճյան վարժարան և Նուբար-Շահնազարյան վարժարան
Աշխատավայր	Արևելյան մամուլ, Մասիս և Ժամանակ
Հարություն Ալփիար Վիքիդարանում
Harutiun Alpiar Վիքիպահեստում

Հարություն Ալփիար (հուլիսի 12, 1864(1864-07-12), Իզմիր, Այդին, Օսմանյան կայսրություն - ապրիլի 5, 1919(1919-04-05)), հայ լրագրող և երգիծագիր։

Կենսագրություն

Սովորել է Կ. Պոլսի Արամյան և Շահնազարյան վարժարաններում։ Ապրել է Իտալիայում, Ֆրանսիայում, Անգլիայում, Եգիպտոսում։ Կահիրեում հրատարակել է «Փարոս» (1896-1898, 1901-1902) երգիծական թերթը։ Աշխատակցել է Զմյուռնիայի և Կ. Պոլսի թերթերին («Արևելյան մամուլ», «Մասիս», «Սուրհանդակ», «Մանզումեի էֆքյար», «Ժամանակ», «Հայ գրականութիւն», ևն)։ Աշխատակցել է նաև թուրքերեն «Քալեմ» երգիծաթերթին, վերջինիս մեջ գրելով ֆրանսերեն ֆելիետոններ։ Եղել է Կ. Պոլսի ազգային պատրիարքարանի քարտուղար։ Գրել է երգիծական քրոնիկներ և նովելներ առօրյա հարցերի մասին։ Հրատարակել է «Առաջին անգամը։ Ֆանթէզի նորավէպ» (1908, Կ. Պոլիս), «Որքան տևելու է։ Շոգ-մոգ» (1909, Կ. Պոլիս), «Ֆանթազիօ» (1913, Կ. Պոլիս), «Քմայքի ծաղիկներ։ Զուարթ գրականութիւն» (1917, Կ. Պոլիս) ժողովածուները։ Ստորագրել է նաև Ռատամես, Քրիզանթեմ ծածկանուններով։

Ծանոթագրություններ

Վիքիդարանն ունի նյութեր, որոնք վերաբերում են «Հարություն Ալփիար» հոդվածին։

Վիքիպահեստն ունի նյութեր, որոնք վերաբերում են «Հարություն Ալփիար» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 1, էջ 193)։