Հարավկովկասյան երկաթուղի

Հարավկովկասյան երկաթուղի
Տեսակ	բիզնես ձեռնարկություն և ձեռնարկություն
Հիմնադրված է	փետրվարի 13, 2008
Վայր	Երևան, Հայաստան
Երկիր	Հայաստան
Կայք	railway.am​(հայ.)​(ռուս.)​(անգլ.)
Մասնակից է	International Union of Railways?

Երևանի կայարան

Հարավկովկասյան երկաթուղու վարչական շենքը Երևանում

Հարավկովկասյան երկաթուղի (նախկինում՝ Հայկական երկաթուղի), «ՀԿԵ» ՓԲԸ-ն «Ռուսական երկաթուղիներ» ԲԲԸ-ի դուստր ընկերությունն է։

Պատմություն

2008 թվականի փետրվարի 13-ին Երևանում «Ռուսական երկաթուղիներ» ԲԲԸ-ի և Հայաստանի Հանրապետության միջև կնքվել է կոնցեսիոն պայմանագիր՝ «Հայկական երկաթուղի» ՓԲԸ-ն «ՀԿԵ» ՓԲԸ-ին կառավարմանը հանձնելու մասին։ Համաձայն պայմանագրի՝ կոնցեսիոն կառավարման ժամկետը 30 տարի է, քսան տարվա աշխատանքից հետո տասը տարի պռոլոնգացիայի իրավունքով՝ կողմերի փոխադարձ համաձայնությամբ։ «ՀԿԵ» ՓԲԸ-ն իր գործունեությունն սկսել է 2008 թվականի հունիսի 1-ից։

Գործունեություն

«ՀԿԵ» ՓԲԸ-ի խնդիրների մեջ մտնում են ՀՀ-ի երկաթուղու ենթակառուցվածքի արդիականացումը, Հայաստանին սահմանակից պետությունների հետ համագործակցության, ներհանրապետական և միջազգային ուղևորային և բեռնափոխադրումների հաղորդակացությունների զարգացումը։

«Հարավկովկասյան երկաթուղու» առաքելությունը նրա՝ որպես համազգային տրանսպորտային ընկերության զարգացումն է, որը դինամիկորեն բարելավում է ծառայությունների արդյունավետությունն ու որակը՝ իր ռազմավարական նպատակների իրականացման ճանապարհով։

Նպատակներ

• երկարաժամկետ արդյունավետության և ֆինանսական կայունության բարձրացումը
• ծառայությունների որակի բարձրացումը
• ՀՀ-ի տարածքում տրանսպորտային արտադրության հզորության ավելացումը
• եվրոպական-ասիական տրանսպորտային-լոգիստիկական համակարգում ինտեգրումը

«ՀԿԵ» ՓԲԸ-ի տեխնիկական բնութագիրը

Հայաստանի երկաթգծի բաց ծավալուն երկարությունը կազմում է 1328,6 կմ, որից 780 կմ գլխավոր ուղիներն են։ «ՀԿԵ» ՓԲԸ-ի շահագործման երկարությունը 726 կմ է։

Բոլոր չորս կցվանքների աշխատանքի դեպքում «ՀԿԵ» ՓԲԸ-ի փոխադրական ունակությունը կազմում է տարեկան 50 միլիոն տոննա և 5,5 միլիոն ուղևորներ, իսկ Այրումի միայն մի կցվանքի թողունակությունը օրական 18 զույգ գնացք է։

«ՀԿԵ» ՓԲԸ-ն ունի 75 կայարան, որոնցից չորսը կցվանքային են՝

• Այրում-Սադախլո (Վրաստան)
• Ախուրյան-Դոգուկապի(Թուրքիա)
• Երասխ-Վելիդաղ (Ադրբեջան)
• Իջևան-Բարխուդարլի (Ադրբեջան)

Շարժակազմը և երկաթուղագծերը

• գլխավոր ուղու երկարությունը՝ 780 կմ, որից 2,56% երկուղի է
• ռելսամեջի (աղուր) լայնությունը՝ 1520 մմ է
• գծի էլեկտրաֆիկացումը՝ 98%
• բեռնատար վագոնների քանակը՝ 1839,
• էլեկտրաքարշերի քանակը՝ 49, որից 18-ը՝ (Թխ8), 31-ը՝ (Թխ10)
• ուղևորատար վագոնների քանակը՝ 135
• ջերմաքարշերի քանակը՝ 30

Հետաքրքիր փաստեր

• Ձմռան համեմատությամբ ամռանը Երևան-Թբիլիսի երկաթգծի ռելսերի երկարությունը ավելանում է 150 մետրով։

Հղումներ

• ՀՀ Կապի և տրանսպորտի նախարարության պաշտոնական կայք Archived 2010-05-24 at the Wayback Machine.
• Հարավ կովկասյան երկաթուղու պաշտոնական կայք