Հարալդ IV
| Հարալդ IV Գիլլի Haraldr gilli | ||
| ||
| ||
|---|---|---|
| 1130 - դեկտեմբերի 14, 1136 | ||
| Նախորդող | Մագնուս IV Կույր | |
| Քաղաքացիություն՝ | Նորվեգիա | |
| Ծննդյան օր | 1103 | |
| Ծննդավայր | Իռլանդիա | |
| Վախճանի օր | դեկտեմբերի 14, 1136 | |
| Վախճանի վայր | Բերգեն, Հորդալան, Վեստլանն, Նորվեգիա | |
| Դինաստիա | Gille dynasty | |
| Հայր | Մագնուս III Բոկոտն | |
| Ամուսին | Ingrid Ragnvaldsdotter և Bjaðǫk | |
| Զավակներ | Սիգուրդ II Ինգի I Սապատավոր և այլն | |
Հարալդ IV Գիլլի (նորվ.՝ Haraldr gilli or Haraldr gillikristr, 1103, Իռլանդիա - դեկտեմբերի 14, 1136, Բերգեն, Հորդալան, Վեստլանն, Նորվեգիա), Նորվեգիայի թագավոր 1130-1136 թվականներին, ով ծնվել և մեծացել է Իռլանդիայում:
Կենսագրություն[խմբագրել | խմբագրել կոդը]
Ըստ ամենայն հավանականության՝ Հարալդը ծնվել է 1103 թվականին Իռլանդիայում: 1127 թվականի Հարալդը մեկնում է Նորվեգիա և հայտարարում, որ ինքը իռլանդաբնակ Մագնուս III-ի որդին է՝ գործող թագավոր Սիգուրդ I-ի եղբայրը:
Օրդալիումն ապացուցել է դրա ճշմարտությունը, իսկ Հարալդը իր հերթին խոսք է տվել իշխանության գլուխ չկանգնել, քանի դեռ Սիգուրդն ու իր որդին՝ գահաժառանգ Մագնուս IV-ը ողջ են:
Սակայն ամեն ինչ փոխվեց, երբ Սիգուրդը խաչակրաց արշավանքներից մեկի ժամանակ զոհվեց, իսկ Մագնուսն իրեն հռչակեց Նորվեգիայի թագավոր: Ըմբոստ Հարալդը պատերազմ սկսեց իր եղբորորդու հետ: Մարտերից մեկի ժամանակ Հարալդի զինվորները կարողացան շրջափակել Մագնուսի նավն ու գերեվարել վերջինիս:
Հարալդի հրամանով Մագնուսը ենթարկվեց դաժան պատիժների՝ կուրացվեց և նույնիսկ անդամահատվեց: Այս ամենից հետո 1130 թվականին նա ինքն իրեն հռչակեց երկրի թագավոր: Հարալդ Գիլլին իշխել է Նորվեգիայում մինչև 1136 թվականը, երբ նա սպանվել է Մագնուսի դաշնակիցներից մեկի՝ Սիգուրդ Սլեմբեի կողմից:
Հարալդն ունեցել է վեց երեխա, որոնցից երկուսն արտամուսնական կապի միջոցով: Նա ամուսնացած է եղել Շվեդիայի արքայադուստր Ինգրիդի հետ:
Իր անունով Նորվեգիայի հաջորդ թագավորը՝ Հարալդ V-ը, կառավարել է 20-րդ դարի վերջում[1]:
Տե՛ս նաև[խմբագրել | խմբագրել կոդը]
Ծանոթագրություններ[խմբագրել | խմբագրել կոդը]
- ↑ Հարալդ IV // Բրոքհաուզի և Եֆրոնի հանրագիտական բառարան в 86 т. (82 т. и 4 доп.). — СПб., 1890—1907.
| ||||||
|
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Հարալդ IV կատեգորիայում։ |
