Հարալդ Տամմեր

Վիքիպեդիայից՝ ազատ հանրագիտարանից
Jump to navigation Jump to search
Հարալդ Տամմեր
Harald Tammer.jpg
Ծնվել էհունվարի 9, 1899(1899-01-09)[1]
ԾննդավայրՏալլին, Ռուսական կայսրություն
Մահացել էհունիսի 6, 1942(1942-06-06)[1] (43 տարեկանում)
Մահվան վայրՍեմյոնով, Նիժնի Նովգորոդի մարզ, ՌԽՖՍՀ, ԽՍՀՄ
ՔաղաքացիությունFlag of Estonia.svg Էստոնիայի Հանրապետություն
Մասնագիտությունծանրամարտիկ, լրագրող, թեթևատլետ և քաղաքական գործիչ
Պարգևներ և
մրցանակներ
Estonian Red Cross Order Second Class?
Harald Tammer Վիքիպահեստում

Հարալդ Տամմեր (էստ․՝ Harald Tammer, հունվարի 9, 1899(1899-01-09)[1], Տալլին, Ռուսական կայսրություն - հունիսի 6, 1942(1942-06-06)[1], Սեմյոնով, Նիժնի Նովգորոդի մարզ, ՌԽՖՍՀ, ԽՍՀՄ), էստոնացի լրագրող և ծանր ատլետ, աշխարհի չեմպիոն: Որպես ծանրորդ` 1922 թվականին նվաճել է աշխարհի չեմպիոնի տիտղոս, 1924 թվականին՝ Օլիմպիական խաղերի բրոնզե մեդալ[2]: Որպես աթլետ՝ մրցել է 1920 և 1924 թվականների Օլիմպիական խաղերի գնդի հրման մրցաշարում՝ համապատասխանաբար զբաղեցնելով վեցերորդ և տասներկուերորդ տեղերը: 1920 թվականին եղել է Էստոնիայի օլիմպիական դրոշակակիրը[3], 1928 և 1936 թվականերին՝ Էստոնիայի օլիմպիական թիմի ներկայացուցիչ[4]:

Կենսագրություն[խմբագրել | խմբագրել կոդը]

Հարալդ Տամմերը ծնվել է 1899 թվականին Ռևելում (Ռուսական կայսրություն): 1916 թվականին դարձել է գնդի հրման Ռուսաստանի առաջնության արծաթե մեդալակիր, իսկ սկավառակի և մուրճի նետումից՝ բրոնզե մեդալակիր: Առաջին համաշխարհային պատերազմի ժամանակ կամավոր մեկնել է ռազմաճակատ, հետագայում մասնակցել Էստոնիայի անկախության համար մղվող պատերազմին:

1920 թվականին Անտվերպենում կայացած Օլիմպիական խաղերում եղել է Էստոնիայի հավաքականի դրոշակակիրր և գնդի հրման մարզաձևում գրավել վեցերորդ տեղը: Այնուհետև զբաղվել է ծանրամարտով և 1922 թվականի աշխարհի առաջնությունում նվաճել ոսկե մեդալ: 1924 թվականին Փարիզի Օլիմպիական խաղերում ծանրամարտում նվաճել է բրոնզե մեդալ, գնդի հրումից զբաղեցրել 12-րդ տեղը:

1931–1933 թվականներին սովորել է Քաղաքական հետազոտությունների ինստիտուտում:

1921-1928 թվականներին Հարալդ Տամմերը եղել է «Eesti Spordileht»-ի խմբագիրը, 1933-1940-ական թվականներին` «Eesti Päevaleht»-ի: 1933-1940 թվականներին եղել է Էստոնիայի ազգային օլիմպիական կոմիտեի խորհրդի անդամ, 1937-1940 թվականներին՝ Էստոնիայի խորհրդարանի անդամ: 1940 թվականին կարճ ժամանակահատվածում եղել է «Revue Baltique»-ի խմբագիրը: 1941 թվականի փետրվարին մեղադրվել է Էստոնիայի զինված ուժերի համար լրտեսության մեջ, ձերբակալվել է ՆԳԺԿ-ի կողմից և արտաքսվել Ռուսաստան: Մեկ ու կես տարի անց մահացել է Նիժնի Նովգորոդի մարզի Սեմյոնով քաղաքի Սուխոբեզվոդնի երկաթուղային կայարանի մոտակայքում գտնվող Ունժենսկի ճամբարում:

Մրցանակներ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 1,4 Eesti Spordi Biograafiline Leksikon
  2. Հարալդ Տամմերի մասին chidlovski.net կայքում
  3. «Olympic History of Estonia»։ Olympics at Sports-Reference.com (անգլերեն)։ Վերցված է 2019-05-27 
  4. «Harald Tammer Bio, Stats, and Results»։ Olympics at Sports-Reference.com (անգլերեն)։ Վերցված է 2019-05-27