Հավատարիմ ծառայության համար ռազմածովային ուժերի մեդալ (Նորվեգիա)

Հավատարիմ ծառայության համար ռազմածովային ուժերի մեդալ ; նորվ.՝ Sjøforsvarets Vernedyktighetsmedalje
Երկիր	Նորվեգիա
Տեսակ	մեդալ
Կարգավիճակ	շնորհվում է
Վիճակագրություն
Պարամետրեր	տրամագիծը 30 մմ
Հիմնադրման ամսաթիվ	մայիսի 1, 1982
Հերթականություն
Ավագ պարգև	Զինված ուժերի արտասահմանում գործողության մեդալ

Հավատարիմ ծառայության համար ռազմածովային ուժերի մեդալ, Նորվեգիայի ռազմածովային ուժերի գերատեսչական պարգև։

Պատմություն[խմբագրել | խմբագրել կոդը]

Հավատարիմ ծառայության համար ռազմածովային ուժերի մեդալը հաստատվել է 1982թ.-ի մայիսի 1-ին որպես խրախուսական պարգև նախատեսված Նորվեգիայի ռազմածովային ուժերի բոլոր այն զինծառայողների համար, ովքեր անցել են ամբողջական զինվորական ծառայությունը, լրացրել պահեստազորի կազմը։ Յուրաքանչյուրն զինվորական հավաքի համար մեդալի ժապավենին ամրացվում է հինգանկյունանի աստղիկ, բայց ոչ ավել քան 3 հատը։

Մեդալների սալիկները ըստ տարբեր քանակի աստղիկներով

2011թ.-ից, պայմանավորված մեդալի աստիճանակարգերով, տրվում է նաև սպիտակ մետաղից աստղիկների կցում։

Մեդալների սալիկները ըստ տարբեր քանակի սպիտակ մետաղից աստղիկներով

Նկարագրություն[խմբագրել | խմբագրել կոդը]

Մեդալը շրջանաձև է և պատրաստված բրոնզից։

Դիմային հատվածում պատկերված է Նորվեգիայի ռազմածովային ուժերի զինանշանը, որը իրենից ներկայացնում է 4 մասի բաժանված վահան՝ վրան փարոսներ և խարիսխներ։ Մեդալի հակառակ կողմում գրված է «SJØFORSVARET – FOR FRED OG FRIHET» (Նավատորմ՝ հանուն խաղաղության և ազատության)։ Մեդալի ժապավենը մանուշակագույն մետաքսից է 35 մմ լայնությամբ, կենտրոնում 10 բարակ սպիտակ գծերով^[1]։