Հավալա (խաղ)

Վիքիպեդիայից՝ ազատ հանրագիտարանից
Jump to navigation Jump to search
Պիտեր Բրեյգել Ավագի «Մանկական խաղեր» կտավը, որը պատկերում է հավալա խաղը

Հավալա, աշխարհում լայն տարածում ունեցող մանկական խաղ, որի մասնակիցները հերթով ցատկում են խաղընկերների վրայով, որոնք կանգնած են կռացած դիրքում։ Հավալան զարգացնում է ճարպկություն, շարժումների համակարգում, աչքաչափ, քաջություն, վստահություն և ձեռքերի և ոտքերի ուժ։ [1]

Պատմություն[խմբագրել | խմբագրել կոդը]

Հավալան հայտնի է առնվազն միջնադարից ի վեր։ Պիտեր Բրեյգել Ավագի «Մանկական խաղեր» կտավը պատկերում է հավալա խաղը։ «Փոքրիկ գեղեցիկ գրպանի գրքում» (1767) նկարագրվում են երեխաներ, որոնք հավալա են խաղում։ Նույն տեսակի խաղը՝ ըստ անգլերեն գրավոր աղբյուրների հիշատակվել են սկսած առնվազն XVI դարից ի վեր։ [2]

Նկարագրություն[խմբագրել | խմբագրել կոդը]

Առաջին տարբերակ[խմբագրել | խմբագրել կոդը]

Մի մասնակից ձեռքերը հենում է ծնկներին և թեքվում։ Մյուս խաղացողները ձեռքերը դնում են առաջինի մեջքին և ցատկում՝ ոտքերը լայն բացելքվ և աշխատելով չկպնել առաջի մասնակցի այլ մասերի։ Այն մասնակիցը, որ դիպչում է ոտքերով առարի խաղընկերոջ գլխին կամ մեջքին, փոխարինում է նրան։

Երկրորդ տարբերակ[խմբագրել | խմբագրել կոդը]

Առաջին մասնակիցը ձեռքերը հենում է ծնկներին և թեքվում։ Հաջորդ խաղացողը ձեռքերը դնում է առաջինի մեջքին և ցատկում է ՝ ոտքերը լայն բացելքվ։ Վայրէջքից հետո նա է կանգնում նույն դիրքով առաքին խաղացողի կողքին, և երրորդը ցատկում է առաջին և երկրորդի վրա, այնուհետև չորրորդը և բոլոր մյուսները հաջորդականությամբ։ Երբ բոլոր խաղացողները կանգնում են, շարքում վերջինն իր հերթին սկսում է ցատկել բոլոր մյուսների վրայով։ Մասնակիցների թիվը ֆիքսված չէ։

Տարբերակներ[խմբագրել | խմբագրել կոդը]

Խաղի ֆրանսիական տարբերակը կոչվում է saute-mouton (բառացիորեն «ցատկող ոչխար» )։ Ռումինիայում այն կոչվում է «capra», այսինքն «այծ» կամ «բարձր հենարան»։ Հնդկաստանում այն հայտնի է որպես "Aar Ghodi Ki Par Ghodi", որը նշանակում է "ձիացատկ". Իտալիայում "la cavallina", այսինքն «քուռակ» կամ «մտրուկ»։ Հոլանդիայում խաղի անվանում է "bokspringen" (բառացի՝ «այծցատկոցի») կամ "haasje-over" (բառացի՝ «նապաստակի վրայով»).

Չինաստանում այս խաղը հայտնի է որպես «跳 山羊» (բառացիորեն «ցատկող այծ»), որը խաղում են երկուսով։ Առաջին խաղացողը, հանդես գալով որպես «այծ», ցատկում է մյուս խաղացողի վրայից, ով խաղում է «լեռան» դերը։ Այնուհետև նրանք դերերով փոխում են, և «լեռը» մի փոքր բարձրանում է ամեն անգամ, երբ նրանք ցատկում են իրար վրա։ Երկու մասնակիցները շարունակում են խաղալ, մինչև նրանցից մեկին՝ հերթական «այծին» չի հաջողվում ցատկել «սարի» վրայով։

Ֆիլիպինյան մշակույթում նմանատիպ խաղ կոչվում է luksóng báka (բառացիորեն՝ «ցատկող կով»)։ Այստեղ տարածված է խաղի առաջին տարբերակը՝ մեկ կռացած մասնակցով։ Կորեյական և ճապոնական տարբերակներում ( '말뚝 박기' , որը նշանակում է կույտերի տեղափոխում և '馬 跳 び' 'う ま と び' 'umatobi' ', բառացիորեն՝ ձիապան ) խաղացողը ցատկում է մյուս խաղացողների վրայով, որոնք գիծ են կազմում՝ փորձելով փլուզել գիծը։

Պատկերասրահ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]

  1. http://worldofchildren.ru/to-kids/igryi-na-svejem-vozduhe/1664-chexarda.html
  2. https://www.youtube.com/watch?v=aw6z2EeBxiQ – Խաղեր՝ հավալա
  3. https://imyerevan.com/hy/society/view/6598 Archived 2020-08-14 at the Wayback Machine. – Մեր մանկության խաղերը. Առնոս Մարտիրոսյան. «Ереван» ամսագիր, 2011, N12