Հանս Կրեբս

Վիքիպեդիայից՝ ազատ հանրագիտարանից
Jump to navigation Jump to search
Հանս Կրեբս
գերմ.՝ Hans Krebs
Bundesarchiv Bild 146-1978-111-10A, Hans Krebs.jpg
մարտի 4, 1898(1898-03-04) - մայիսի 1, 1945(1945-05-01) (47 տարեկանում)
ԾննդավայրՀելմշտեդտ, Helmstedt, Ստորին Սաքսոնիա, Գերմանական կայսրություն
Մահվան վայրԲեռլին, Նացիստական Գերմանիա
ՔաղաքացիությունԳերմանիա Գերմանական կայսրություն
Գերմանիա Վայմարյան Հանրապետություն
Երրորդ Ռայխ Երրորդ Ռայխ
ԶորատեսակԳերմանական կայսրական բանակ
ԿոչումՀետևազորի գեներալ
Մարտեր/
պատերազմներ
Առաջին համաշխարհային պատերազմ և Երկրորդ համաշխարհային պատերազմ
ՊարգևներԳերմանական ոսկե խաչ և Դափնու տերևներով ասպետական երկաթե խաչ

Հանս Կրեբս (գերմ.՝ Hans Krebs, մարտի 4, 1898(1898-03-04), Հելմշտեդտ, Helmstedt, Ստորին Սաքսոնիա, Գերմանական կայսրություն - մայիսի 1, 1945(1945-05-01), Բեռլին, Նացիստական Գերմանիա), գերմանացի գեներալ, գերմանական վերմախտի բարձրագույն հրամանատարության ցամաքային ուժերի վերջին հրամանատարը:

Գերմանական կողմում մասնակցել է առաջին և երկրորդ համաշխարհային պատերազմներին:

Կենսագրություն[խմբագրել | խմբագրել կոդը]

Հանս Կրեբսը ծնվել է 1898 թվականի մարտի 4-ին Գերմանիայի Սաքսոնիա երկրամասում գտնվող Հելմշթեդտ փոքրիկ քաղաքում:

Առաջին համաշխարհային պատերազմի սկզբին տասնվեցամյա Հանսը կռվել է արևմտյան ճակատում, որպես կամավոր: Պատերազմից հետո նա շարունակել է իր զինվորական կարիերան Ռեխսվերում՝ Գերմանական կայսրության ռազմաօդային ուժերում:

1930 թվականին, որպես կապիտան տեղափոխվել է Բեռլինում գտնվող Գերմանիայի ռազմական նախարարություն: 1930 թվականին Կրեբսը որոշ ժամանակով աշխատել է գերմանական զինվորական կցորդ Խորհրդային Միությունում: Այդ շրջանում վերջինս բնակվել է Մոսկվայում:

Կրեբսը հիանալի տիրապետում էր ռուսերեն լեզվին և ճանաչում էր խորհրդային մի շարք բարձրաստիճան այրերի, այդ թվում և Խորհրդային Միության քառակի հերոս Գեորոգի Ժուկովին:

1939 թվականին դարձել է փոխգնդապետ և շուտով նշանակվել 7-րդ բանակային կորպուսի հրամանատար: 1940 թվականին դարձել է գնդապետ, 1942 թվականին՝ գեներալ մայոր, իսկ մեկ տարի անց՝ գեներալ-լեյտենանտ:

Ռուսաց լեզվի բնագավառում ունեցած իր գիտելիքները օգնեցին Կրեբսին, որպեսզի նա բանակցություններ անցկացնի խորհրդային կարմիր բանակի հետ: Նա փորձում էր զինադադար կնքել ԽՍՀՄ-ի հետ, սակայն խորհրդային զորքերը շարունակում էին գրոհել Բեռլինը:

Տեսնելով Գերմանիայում ստեղծված խառնակ իրավիճակն ու Երրորդ Ռայխի փլուզումը՝ Հանս Կրեբսն իր աշխատասենյակում ինքնասպան է լինում՝ ատրճանակով կրակելով իր սրտին: Միաժամանակ նրա հետ ինքնսպան է լինում նաև գեներալ Վիլհելմ Բուրգդորֆը:

Տես նաև[խմբագրել | խմբագրել կոդը]

Գրականությու[խմբագրել | խմբագրել կոդը]

  • Hans Krebs — Hitlers treuester General // Braunschweiger Zeitung Spezial (04/2005)