Հայ Բժիշկ, բժշկական, առողջապահական և գիտական ամսաթերթ։ Լույս է տեսել 1924-1925 թվականներին, Բոստոնում։ Տնօրեն-խմբագիր՝ Հ․ Ծովիկյան, խմբագիր՝ Բ․ Ժամկոչյան։ Տպագրել է հոդվածներ հիվանդությունների, դրանց տարածման ու բուժման ձևերի մասին, ծանոթացրել նոր դեղամիջոցներին։ Կարևորել է կանխարգելիչ բժշկության, ֆիզդաստիարակության դերն առողջության պահպանման գործում, ծանոթացրել այդ ուղղությամբ Հայաստանում տարվող աշխատանքներին։ Պարբերաբար նյութեր է հրապարակել հայ բժշկության պատմության վերաբերյալ, ներկայացրել բնագավառի գիտական գրականությունը։ Ունեցել է «Բժշկա-առողջապահական հարցարան» բաժինը[1]։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 6, էջ 123)։
