Հայ-չեխական հարաբերություններ

Հայ-չեխական հարաբերություններ (չեխ․՝ Arménsko-české vztahy), դիվանագիտական հարաբերությունները Հայաստանի և Չեխիայի Հանրապետությունների միջև:

Հայաստանի Հանրապետության և Չեխիայի Հանրապետության միջև դիվանագիտական հարաբերությունները հաստատվել են Չեխոսլովակիայի բաժանումից հետո` 1993 թվականին^[1]: Հայաստանը և Չեխիան Եվրոպայի անվտանգության և համագործակցության կազմակերպության և Միավորված Ազգերի կազմակերպության անդամներ են:

Պատմություն[խմբագրել | խմբագրել կոդը]

Պրահայում Հայաստանի դեսպանատան շենքը

Հայաստանի և Չեխիայի արտաքին հարաբերությունները երկար տարիների պատմություն ունեն:

Երևանում գործում է Չեխիայի, իսկ Պրահայում՝ Հայաստանի Հանրապետության դեսպանատուն: Հայաստանի Հանրապետության քաղաքացիները կարող են դիմել Չեխիայի վիզայի համար Չեխիայի դեսպանատուն Հայաստանում:

2011 թվականի օգոստոսի 11-ին Տիգրան Սեյրանյանը նշանակվել է Չեխիայի Հանրապետությունում Հայաստանի Հանրապետության արտակարգ և լիազոր դեսպան: Սեպտեմբերի 7-ին նա իր հավատարմագրերն է հանձնել Չեխիայի Հանրապետության նախագահ Վացլավ Կլաուսին:

2015 թվականի հունվարի 16-ին Հայաստանի Հանրապետությունում Չեխիայի Հանրապետության արտակարգ և լիազոր դեսպան Պետր Միկիսկան իր հավատարմագրերն է հանձնել ՀՀ նախագահ Սերժ Սարգսյանին: