Հայ-նիդերլանդական հարաբերություններ

Վիքիպեդիայից՝ ազատ հանրագիտարանից
Jump to navigation Jump to search
Հայ-նիդերլանդական հարաբերություններ
Հայաստան և Նիդերլանդներ

Հայաստան

Նիդերլանդներ

Հայ-նիդերլանդական հարաբերություններ (հոլ.՝ De Armeens-Nederlandse betrekkingen), դիվանագիտական հարաբերությունները Հայաստանի Հանրապետության և Նիդերլանդների Թագավորության միջև:

Հայաստանի Հանրապետության և Նիդերլանդների Թագավորության միջև դիվանագիտական հարաբերությունները հաստատվել են 1992 թվականի հունվարի 30-ին[1]: Հայաստանը և Նիդերլանդները Եվրոպայի անվտանգության և համագործակցության կազմակերպության և Միավորված Ազգերի կազմակերպության անդամներ են:

Պատմություն[խմբագրել | խմբագրել կոդը]

Հայաստանի և Նիդերլանդների արտաքին հարաբերությունները երկար տարիների պատմություն ունեն: Չնայած այս հանգամանքի՝ Երևանում չի գործում Նիդերլանդների դեսպանատուն:

ՀՀ քաղաքացիները Նիդերլանդների կարճաժամկետ շենգենյան վիզայի համար (առավելագույնը 90 օր կես տարվա ընթացքում) կարող են դիմել Վրաստանում Նիդերլանդների կամ Հայաստանում Գերմանիայի դեսպանատուն:

2013 թվականի նոյեմբերի 26-ին Հայաստանում Նիդերլանդների Թագավորության արտակարգ և լիազոր դեսպան Հանս Հորբախն (նստավայրը` Թբիլիսի) իր հավատարմագրերն է հանձնել ՀՀ Նախագահ Սերժ Սարգսյանին: 2000 թվականի հուլիսի 7-ին Ամստերդամում ՀՀ պատվավոր հյուպատոս է նշանակվել Ռոբերտ Հանս Զիկը (նստավայրը` Հիլվերսում):

2011 թվականի փետրվարի 8-ին Ձյունիկ Աղաջանյանը նշանակվել է Նիդերլանդների Թագավորությունում Հայաստանի Հանրապետության արտակարգ և լիազոր դեսպան[2]:

Տե՛ս նաև[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]