Հայ-ավստրիական հարաբերություններ

Վիքիպեդիայից՝ ազատ հանրագիտարանից
Jump to navigation Jump to search
Հայ-ավստրիական հարաբերություններ
Հայաստան և Ավստրիա

Հայաստան

Ավստրիա

Հայ-ավստրիական հարաբերություններ (գերմ.՝ Armenien-Österreich Beziehungen), դիվանագիտական հարաբերությունները Հայաստանի և Ավստրիայի միջև։

Հայաստանի և Ավստրիայի միջև դիվանագիտական հարաբերությունները հաստատվել են 1992 թվականի հունվարի 24-ին[1]։ Հայաստանը և Ավստրիան Եվրոպայի անվտանգության և համագործակցության կազմակերպության և Միավորված Ազգերի կազմակերպության լիիրավ անդամներ են։ Ավստրիան նաև Եվրոպական Միության անդամ է, իսկ Հայաստանը՝ Եվրասիական Տնտեսական Միության։

Հայաստանը Ավստրիայի մայրաքաղաք Վիեննայում ունի դեսպանություն, իսկ Ավստրիան՝ հյուպատոսություն Երևանում։

Հայերն Ավստրիայում[խմբագրել | խմբագրել կոդը]

Դեռևս 17-րդ դարում Ավստրիական կայսրության տարածքում ձևավորվում է հայկական գաղութ, որը Հայոց ցեղասպանությունից հետո վերածվում է ավստրիահայ սփյուռքի։

Ներկայումս Ավստրիայի տարածքում բնակվում է շուրջ 5 հազար հայ (ճնշող մեծամասնությունը՝ մայրաքաղաք Վիեննայում

Ավստրիահայ համայնքի ազգային կյանքը կազմակերպում են մի շարք բարեգործական և մշակութային կազմակերպություններ։ Գործում են Սուրբ Փրկիչ և Սուրբ Հռիփսիմե եկեղեցիները, Մխիթարյան միաբանության Աստվածաբանության ուսումնարանը, «Հովհաննես Շիրազ» շաբաթօրյա դասընթացները։ 1984 թվականին Վիեննայի Սուրբ Հռիփսիմե եկեղեցու բակում տեղադրվել է հուշարձան՝ նվիրված Մեծ եղեռնի զոհերի հիշատակին, իսկ 2001 թվականից եկեղեցու մերձակա հրապարակը կոչվել է Հայկական հրապարակ։ 1979 թվականից Ավստրիայի Ֆորառլբերգ նահանգը եղբայրացել է Հայաստանի հետ։

Ավստրիացիներն ու վիեննահայ գաղութը զգալի մարդասիրական օգնություն են ցուցաբերել 1988 թվականի դեկտեմբերյան երկրաշարժից տուժած Սպիտակին ու Գյումրիին։

Ծանոթագրություններ[խմբագրել | խմբագրել կոդը]