Հայկ Հարությունյան (պետական գործիչ)
- Անվան այլ կիրառումների համար տե՛ս՝ Հայկ Հարությունյան (այլ կիրառումներ)
Հայկ Հարությունյան | |
---|---|
Ծնվել է | օգոստոսի 9, 1986 (37 տարեկան) |
Ծննդավայր | Երևան, Հայկական ԽՍՀ, ԽՍՀՄ |
Կրթություն | The Regent's School Pattaya? (2004), Լանկաստերի համալսարան (2007), Քեմբրիջի համալսարան (2009) և Սկոլկովոյի մենեջմենթի դպրոց (2014) |
Աշխատավայր | ՀՀ էներգետիկայի և բնական պաշարների նախարարություն |
Հայկ Արզումանի Հարությունյան (օգոստոսի 9, 1986, Երևան, Հայկական ԽՍՀ, ԽՍՀՄ), ՀՀ պետական գործիչ, ՀՀ էներգետիկայի և բնական պաշարների նախարարի տեղակալ (2014-2018 թթ.)։
Կրթություն[խմբագրել | խմբագրել կոդը]
- 1993-1998 թթ. - սովորել է Երևանի թիվ 114 միջնակարգ դպրոցում։
- 1998-2002 թթ. - սովորել և ավարտել է Անանիա Շիրակացու անվան ճեմարանը։
- 2002-2004 թթ. - սովորել և ավարտել է Ռեգենտների դպրոցը (Թայլանդ)՝ միջազգային բակալավրի դիպլոմով։
- 2004-2007 թթ. - սովորել և ավարտել է Լանկաստերի համալսարանի (Մեծ Բրիտանիա) քաղաքագիտության և միջազգային հարաբերությունների ֆակուլտետի բակալավրիատը։
- 2007-2009 թթ. - սովորել և ավարտել է Քեմբրիջի համալսարանի (Մեծ Բրիտանիա) միջազգային հարաբերությունների ֆակուլտետի մագիստրատուրան։
- 2012-2014 թթ. - սովորել և ավարտել է Սկոլկովոյի (Ռուսաստան) մենեջմենթի դպրոցը՝ բիզնես կառավարման մագիստրոսի կոչումով։
Աշխատանքային գործունեությունը[խմբագրել | խմբագրել կոդը]
- 2007-2010 թթ. - ՀՀ պաշտպանության նախարարության պաշտպանական քաղաքականության վարչության փոխգործակցության սպա։
- 2010-2011 թթ. - ՀՀ պաշտպանության նախարարի առաջին տեղակալի աշխատակազմի շտաբային սպա։ Ունի պահեստազորի կապիտանի զինվորական կոչում։
- 2011 թ. - «Մեծամորէներգոատոմ» ՓԲԸ գլխավոր տնօրենի տեղակալ։
- 2011-2014 թթ. - «Մեծամորէներգոատոմ» ՓԲԸ գլխավոր տնօրենի պաշտոնակատար։
- 2012-2013 թթ. - «Արմաունթ Գրուպ» ՓԲԸ գլխավոր տնօրեն։
- 2014 թ. - «Բի-Բի Գրուպ» ՍՊԸ գլխավոր տնօրեն։
- 2014 թ. օգոստոսի 5-ին ՀՀ վարչապետի որոշմամբ նշանակվել է Հայաստանի էներգետիկայի և բնական պաշարների նախարարի տեղակալ[1], 2018 թվականի հունիսի 8-ին ազատվել է զբաղեցրած պաշտոնից[2]
Պարգևներ և աստիճաններ[խմբագրել | խմբագրել կոդը]
- ՀՀ ՊՆ «Վազգեն Սարգսյան» մեդալ (2010)։
Ընտանիք[խմբագրել | խմբագրել կոդը]
Ամուսնացած է, ունի մեկ դուստր։ Հայկ Հարությունյանը ՀՀ Ազգային անվտանգության ծառայության տնօրենի տեղակալ, գեներալ-լեյտենանտ Արզուման Հարությունյանի որդին է, ՀՀ Սահմանադրական դատարանի նախագահ Գագիկ Հարությունյանի և ՀՀ Աշխատանքի և սոցիալական հարցերի նախարարի տեղակալ Շամամ Հարությունյանի եղբորորդին։
Անկուսակցական է։ Տիրապետում է անգլերեն, ռուսերեն, գերմաներեն լեզուների։
Ծանոթագրություններ[խմբագրել | խմբագրել կոդը]
- ↑ «ՀԱՅԿ ՀԱՐՈՒԹՅՈՒՆՅԱՆԻՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԷՆԵՐԳԵՏԻԿԱՅԻ ԵՎ ԲՆԱԿԱՆ ՊԱՇԱՐՆԵՐԻ ՆԱԽԱՐԱՐԻ ՏԵՂԱԿԱԼ ՆՇԱՆԱԿԵԼՈՒ ՄԱՍԻՆ». Արխիվացված է օրիգինալից 2019 թ․ մայիսի 14-ին. Վերցված է 2016 թ․ հունվարի 6-ին.
- ↑ «Վարչապետի որոշումներ - Հայաստանի էլեկտրոնային կառավարում | e-gov». www.e-gov.am. Արխիվացված է օրիգինալից 2019 թ․ մայիսի 14-ին. Վերցված է 2018 թ․ հունիսի 10-ին.