Ծնվել է Տրապիզոնում։ 1896 թ. գաղթել է Ռուսաստան, աշխատել Բաթումի և Թիֆլիսիձեռնարկություններում։ 1901 թվականին դարձել է ՌՍԴԲԿ անդամ։ 1898 թ. Գ. Ղարաջյանի, Մ. Մելիքյանի, Ա. Կախոյանի հետ Թիֆլիսում հիմնել է հայ բանվորների առաջին մարքսիստական խումբը, հրատարակել «Բանվոր» ձեռագիր թերթը։ 1901 թ. ձերբակալվել է, մինչև 1903 թ. նստել Մետեխի ու Պետերբուրգի բանտերում։ 1903 թ. արտաքսվել է Ռուսաստանից։ 1904 թ. բնակություն է հաստատել ԱՄՆ-ում, ակտիվորեն մասնակցել բանվորական շարժմանը։ Զարդարյանի հետ Ադամյանը հիմնադրել է «ԱՄՆ-ի սոցիալիստական հայ կազմակերպությունը» (1906), որը հարում էր ԱՄՆ-ի սոցիալիստական կուսակցության ձախ թևին։ Առաջին համաշխարհային պատերազմի տարիներին կանգնած է եղել ինտերնացիոնալիստական դիրքերում։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 1, էջ 64)։