Հայկազ Մեսիայան
| Հայկազ Մեսիայան | |
|---|---|
| Ծնվել է | հունվարի 8, 1917 Սեբաստիա |
| Մահացել է | հուլիսի 1, 2004 (87 տարեկան) Երևան, Հայաստան |
| Մասնագիտություն | փողհար, դիրիժոր և ուսուցիչ |
| Գործիքներ | Շեփոր[1] |
| Աշխատավայր | Մեծ թատրոն[1] և Ալեքսանդր Սպենդիարյանի անվան օպերայի և բալետի ազգային ակադեմիական թատրոն[1] |
| Կրթություն | Մոսկվայի կոնսերվատորիա (1947)[1] |
| Պարգևներ |  |
Հայկազ Կոսմոսի Մեսիայան (հունվարի 8, 1917, Սեբաստիա - հուլիսի 1, 2004, Երևան, Հայաստան), հայ փողհար, դիրիժոր, մանկավարժ։ ՀԽՍՀ վաստակավոր արտիստ (1962)։
Կենսագրություն[խմբագրել | խմբագրել կոդը]
1947 թվականին ավարտել է Մոսկվայի կոնսերվատորիան (պրոֆեսոր Տաբակովի դասարան)։ 1938-1942 թվականներին, 1945-1947 թվականներին եղել է ԽՍՀՄ Մեծ թատրոնի և Համամիութենական ռադիոյի սիմֆո-ջազի, 1947-1960 թվականներին՝ Հայաստանի սիմֆոնիկ նվագախմբի, Երևանի օպերայի և բալետի թատրոնի մենակատար։ 1964 թվականից՝ «Երևան» փողային նվագախմբի (1970 թվականից՝ Հայաստանի պետական փողային նվագախումբ) գեղարվեստական ղեկավար և գլխավոր դիրիժոր։ 1966 թվականից դասավանդել է Երևանի Կոմիտասի անվան կոնսերվատորիայում (կամերային անսամբլի դասարան, դոցենտ՝ 1977 թվականից)։ Մեսիայանը համամիութենական երաժիշտ-կատարողների մրցույթի դիպլոմանտ է (1941, Մոսկվա)[2]։
Պարգևներ և մրցանակներ[խմբագրել | խմբագրել կոդը]
- Մոսկվայի համամիութենական երաժիշտ-կատարողների մրցույթի դիպլոմանտ, 1941 թ.
- ՀԽՍՀ վաստակավոր արտիստ, 1962 թ.
Ծանոթագրություններ[խմբագրել | խմբագրել կոդը]
|
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 7, էջ 468)։ 
|