Հայաստան ծառատունկ ծրագիր

Հայաստան ծառատունկ ծրագիր
Տեսակ	կազմակերպություն
Երկիր	ԱՄՆ
Հիմնադրված	1994
Գլխադասային գրասենյակ	Երևան, Հայաստան
Վերադաս կազմակերպություն	Armenian Assembly of America
Անձնակազմ	80 մարդ
Հիմնադիր	Քերոլայն Մուգար
Կայք	armeniatree.org​(անգլ.)

Հայաստան ծառատունկ ծրագիր (անգլ.՝ Armenia Tree Project, ՀԾԾ, պաշտոնական անվանումը «Էյ Թի Փի» բարեգործական հիմնադրամ), հիմնադրվել է 1994 թվականին Քերոլայն Մուգարի կողմից։ Տեղակայված է Ուոթերթաուն (Մասաչուսեթս) և Երևան քաղաքներում։

Իրականացնում է կենսական նշանակություն ունեցող բնապահպանական ծրագրեր՝ Հայաստանի աղքատ և անտառազուրկ գոտիներում։ 1994 թվականից ՀԾԾ-ը աշխատանքներ է իրականացրել անապատացման դեմ պայքարում՝ գործելով կենսաբազմազան, սակայն առավել վտանգված Կովկասյան տարածաշրջանում։ Ծրագրի շրջանակներում տնկվել և վերականգվել են միլիոնավոր ծառեր և ստեղծվել են բազմաթիվ աշխատատեղեր։

ՀԾԾ-ի ծրագրերից են՝

• ծառերի տնկում քաղաքային և գյուղական վայրերում
• բնապահպանական կրթություն
• կայուն զարգացում և աղքատության կրճատում

ՀԾԾ-ն ունի շուրջ 60 աշխատակից։ Երևանյան մասնաճյուղն ապահովված է երեք ժամանակակից տնկարաններով և բնապահպանական կրթության համար նախատեսված կենտրոնով։ Երևանյան մասնաճյուղը համագործակցում է գյուղի բնակչության հետ՝ ծառերի համար միկրո ձեռնարկությունների(տնամերձ տնկարաններ) ստեղծման միջոցով, հիմնում է կանաչ գոտիներ հանրային օգտագործման համար, անտառապատման միջոցով վերականգում է էռոզացված անտառային հողերը։

2015 թվականին ծրագիրն սկսել է Կենաց դար նախաձեռնությունը, որի շրջանակներում տնկվում են ծառեր՝ ի հիշատակ Մեծ Եղեռնի զոհերի։

Տես նաև

• Կենաց դար (նախաձեռնություն)

Արտաքին հղումներ

• Հայաստան ծառատունկ ծրագրի պաշտոնական կայքը