Հայաստանի պետական տնտեսագիտական համալսարանի գրադարան

Վիքիպեդիայից՝ ազատ հանրագիտարանից
Jump to navigation Jump to search
ՀՊՏՀ գրադարան
Image-asue-qr.jpg
ԵրկիրՀայաստան Հայաստան
Տեսակհամալսարան գրադարան
Գործունեության ոլորտգրադարանային գործ
Հիմնվել է1975 թվական
ՏեղադրությունԵրևան, Հայաստան
ՀասցեՆալբանդյան 128
Այլ տվյալներ
ՏնօրենԱրմինե Հովհաննիսյան

Հայաստանի պետական տնտեսագիտական համալսարանի գրադարան, համալսարանական գրադարան, որը գտնվում է Երևանի Նալբանդյան 128 հասցեում։ Գրադարանը գործում է Հայաստանի պետական տնտեսագիտական համալսարանի կազմում[1]։

Պատմություն[խմբագրել | խմբագրել կոդը]

Հայաստանի պետական տնտեսագիտական համալսարանի (ՀՊՏՀ) գրադարանը հիմնադրվել է 1975 թվականի հոկտեմբերին՝ բուհի հիմնադրման հետ միաժամանակ: :Գրադարանի առաջին վարիչը եղել է Դոնարա Փալանջյանը։ 1994 թվականից մինչև 2012 թվականը գրադարանը ղեկավարել է Վեներա Ավալյանը, իսկ 2013 թվականից գրադարանի տնօրենն է՝ Արմինե Հովհաննիսյանը: Այբբենական և կարգային գրացուցակների ստեղծման աշխատանքները սկսվել են 1976 թվականից :Երևանի պետական համալսարանից ստացած ոչ հարուստ ֆոնդը (մոտ 40000 միավոր) տարիների ընթացքում համալրվել է դասագրքերով, ուսումնական ձեռնարկներով, գիտական ամսագրերով, ատլասներով, բառարաններով։ Այժմ այն կազմում է մոտ 200.000 միավոր: 2008 թվականի հունվարին ՀՊՏՀ կենտրոնական մասնաշենքից գրադարանը տեղափոխվել է համալսարանի նորակառույց թիվ 5 մասնաշենք:

Ֆոնդ[խմբագրել | խմբագրել կոդը]

Գրադարանի հիմնական ֆոնդը ներառում է հայերեն և օտար լեզուներով ուսումնական, մեթոդական ձեռնարկներ, դասագրքեր, ամսագրեր, գիտաժողովների նյութեր, բառարաններ, ատլասներ, ինչպես նաև ՀՊՏՀ-ում գործող մասնագիտական խորհրդում պաշտպանված ատենախոսություններն ու դրանց սեղմագրերը, այլ երկրների բուհերում հայերեն և օտար լեզուներով պաշտպանված սեղմագրերի օրինակները:2013 թվականին կազմվել է գրքային ֆոնդի անձնագիրը: Գրադարանային ֆոնդերի համալրումն իրականացվում է ինչպես թղթային, այնպես էլ էլեկտրոնային տարբերակներով: Հազվագյուտ և հնատիպ գրքերի հավաքածուն ընդգրկում է 1885–1914 թվականների հրատարակություններ: Ֆոնդում առկա ամենահին գիրքը թվագրվում է 1885 թվականին, որը հրատարակվել է Կիևում (Гамбарова П. Къ вопросу о банкахъ краткосрочнаго кредита)։

Գիտական ընթերցասրահը
Ֆոնդի ամենահին գիրքը
Ուսանողական ընթերցասրահը

Գործառույթներ[խմբագրել | խմբագրել կոդը]

Գրադարանն առձեռն սպասարկումը իրականացնում է Մուշեղ Ադոնցի անվան գիտական և երկու ուսանողական ընթերցասրահների միջոցով: 2013 թվականից KOHA գրադարանային ծրագրով իրականացվում են գրադարանի հիմնական ֆոնդի թվայնացման, էլեկտրոնային գրադարանի և էլեկտրոնային գրացուցակի ստեղծման աշխատանքները: Նույն ծրագրով, 2016 թվականից իրականացվում է նաև ընթերցողների առցանց սպասարկումը: Էլեկտրոնային գրադարանը հասանելի է՝ library.asue.am[2] հասցեով: 2013-2017 թվականներին գրադարանը անդամակցել է Հայաստանի էլեկտրոնային գրադարանային ասոցիացիային: 2013 թվականին ՀՊՏՀ բակում տեղակայվեց QR գրադարանը: QR գրադարանում ընդգրկված է 200 անուն, ինչպես ուսումնական գրականություն, այնպես էլ ուսումնաօժանդակ մասնագիտական ձեռնարկներ: Գրադարանի մասին տեղեկատվությունը մեծացնելու նպատակով թողարկվել է հայերեն և անգլերեն տեղեկատվական թերթիկ: Գրադարանում պարբերաբար կազմակերպվում են միջոցառումներ[3]։

Հայաստանի պետական տնտեսագիտական համալսարանի ՄԱԿ-ի գրականության անկյունը բացվել է 2013 թվականի ապրիլին` ՄԱԿ-ի Հանրային տեղեկատվության վարչության երևանյան գրասենյակի և ՀՊՏՀ միջև կնքված համագործակցության համաձայնագրի շրջանակներում[4]: Այն տեղակայված է ՀՊՏՀ գրադարանի գիտական ընթերցասրահում: ՄԱԿ-ի հրատարակությունների ֆոնդը ներառում է ավելի քան 850 բազմալեզու միավոր և օգտագործվում է ազատ տարածման սկզբունքով:

Ծանոթագրություններ[խմբագրել | խմբագրել կոդը]

  1. Սուքիասյան Գ․ (2018)։ Գիրքը, գրադարանը և ընթերցանությունը Հայաստանի պետական բուհերում։ Երևան։ էջեր 47–49 
  2. library.asue.am
  3. «ՀՊՏՀ»։ asue.am (ամհարերեն)։ Վերցված է 2018-11-09 
  4. «UN in Armenia :: ՀՏՎ»։ www.un.am (անգլերեն)։ Վերցված է 2018-11-09