Հայաստանի պաշտպանության նախարարություն, Հայաստանի գործադիր իշխանության հանրապետական մարմին է, որն իրականացնում է պաշտպանության բնագավառում Հայաստանի կառավարության քաղաքականությունը։
Իրականացնում է ՀՀ Զինված ուժերի անմիջական ղեկավարում, կազմակերպելով և վերահսկելիվ Զինված ուժերի ու Հայաստանի Հանրապետության պաշտպանության նախարարության համակարգի մեջ մտնող այլ մարմինների և կազմակերպությունների գործունեությունը[1]։
Ռազմաարդյունաբերական համալիրի, սպառազինության և ռազմական տեխնիկայի զարգացման վերաբերյալ առաջարկություններ մշակելը, ԶՈՒ համար սպառազինության ու ռազմական տեխնիկայի, պարենային, իրային և այլ ունեցվածքի, ինչպես նաև նյութական պաշարների արտադրության, գնումների, պահպանության, շահագործման, արդիականացման ու վերանորոգման կազմակերպումը, անհրաժեշտ քանակությամբ զենքի և զինամթերքի, սպառազինության, ռազմական տեխնիկայի, պարենի ու այլ նյութատեխնիկական միջոցների և ունեցվածքի անձեռնմխելիության պաշարների ստեղծման կազմակերպումը և այլն[2]։
ՀՀ պաշտպանության ոլորտին և պաշտպանության շահերին առնչվող նորմատիվ իրավական ակտերի մշակման, համաձայնեցման և ներկայացման գործընթացը, ՀՀ ՊՆ ներկայացված իրավական ակտերի, ՀՀ Պնախարարի և նրա տեղակալների հրամանների, պաշտպանության ոլորտին առնչվող միջազգային պայմանագրերի նախագծերի փորձաքննությունը, նորմատիվ բնույթ չկրող այլ փաստաթղթերի քննարկումը և առաջարկությունների ներկայացումը և այլն[3]։
1 (1918 հուլիսի 24 – նոյեմբերի 4) • 2 (1918 նոյեմբերի – 1919 օգոստոսի 10) • 3 (1919 օգոստոսի 10 – 1920 մայիսի 5) • 4 (1920 մայիսի 5 – նոյեմբերի 23) • 5 (1920 նոյեմբերի – 24 դեկտեմբերի 2)