Հայաստանի ազգային մրցունակության հիմնադրամ
Հայաստանի ազգային մրցունակության հիմնադրամը (ՀԱՄՀ) հիմնադրամ է, որը ստեղծվել է 2008 թվականին՝ Հայաստանի տնտեսական մրցունակության զարգացման նպատակով։ Հիմնադրամի հիմնական աշխատողական ոլորտներն են կրթությունը, առողջապահությունը, զբոսաշրջությունը և ցանցերի ու տեղեկատվության հասանելիությունը[1]։
Պատմություն[խմբագրել | խմբագրել կոդը]
Հայաստանի ազգային մրցունակության հիմնադրամը ստեղծվել է 2008 թվականի փետրվարի 28-ին ըստ Հայաստանի կառավարության համար 204-Ա որոշման[2]։ Հիմնադրամի առաջին ներդրումը եղել է 52 միլիոն դրամ Հայաստանի կառավարության 2008 թվականի պահուստային ֆոնդից որպես գույքային ներդրում։ Նրա առաջին գործադիր տնօրեն է նշանակվել Գայանե Աֆրիկյանը[3]։
Կառույց[խմբագրել | խմբագրել կոդը]
Հիմնադրամը գործում է պետական-մասնավոր համագործակցության սկզբունքով։ Նրա հոգաբարձության խորհրդում են տարբեր երկրներից վեց անվանի գործարարներ, Հայաստանի կառավարության վեց անդամ, և Հայաստանում միջազգային դոնոր համայնքի մեկ ներկայացուցիչ։ Հիմնադրամի գործադիր տնօրենը Արման Խաչատուրյանն է, իսկ հոգաբարձուների խորհրդի նախագահն է Հայաստանի վարչապետ Տիգրան Սարգսյանը[1]։
2010-ի համար հիմնադրամին ակնկալվում է 100 միլիոն դոլարի ներդրում[1]։
Գործունեություն[խմբագրել | խմբագրել կոդը]
ՀԱՄՀ-ն աշխատում է հետևյալ ծրագրերի վրա.
- Տաթևի վերակառուցումը՝ զբոսաշրջիկության և գիտակրթական կենտրոնի վերածման նպատակով
- Միջուկային բժշկության կենտրոնի կառուցումը Ա. Ալիխանյանի անվան Երևանի ֆիզիկայի ինստիտուտի տարածքում ըստ ֆիզիկայի ինստիտուտի և ՌԴ Դուբնայի միջուկային հետազոտությունների միացյալ ինստիտուտի մշակած նախագծի՝ Հայաստանը քաղցկեղով հիվանդների բուժման կենտրոն դարձնելու և տնտեսության զարգացման նպատակով
- Կրթության և գիտության մրցունակության ծրագիր[4]
Աղբյուրներ[խմբագրել | խմբագրել կոդը]
- ↑ 1,0 1,1 1,2 «Անկախ՝ «Հայաստանի ազգային մրցունակության» հիմնադրամը 2010 թ. համար ակնկալում է 100 միլիոն դոլարի ներդրում». 2009 թ․ հոկտեմբերի 23. Արխիվացված է օրիգինալից 2010 թ․ մայիսի 23-ին. Վերցված է 2010 թ․ մարտի 11-ին.
- ↑ «Մեր մասին». Վերցված է 2010 թ․ մարտի 11-ին.(չաշխատող հղում)
- ↑ «Հայաստանի կառավարության նիստ». 2008 թ․ փետրվարի 28. Վերցված է 2010 թ․ մարտի 11-ին.(չաշխատող հղում)
- ↑ «Հայաստանի Հանրապետություն՝ Աշխարհում ամենաերկար ճոպանուղին կլինի Հայաստանում». 2010 թ․ փետրվարի 16. Վերցված է 2010 թ․ մարտի 11-ին.