Հայաստանը Ձմեռային օլիմպիական խաղեր 1994-ում
| Հայաստանը Օլիմպիական խաղերում | ||||||||||||
|---|---|---|---|---|---|---|---|---|---|---|---|---|
| ||||||||||||
| Օլիմպիական պատմություն | ||||||||||||
| Ամառային խաղեր | ||||||||||||
| Ձմեռային խաղեր | ||||||||||||
| Այլ երկրների կազմում | ||||||||||||
 Ռուսական կայսրություն (1900–1912) Խորհրդային Միություն (1952–1988) Միացյալ թիմ (1992) |
||||||||||||
Հայաստանը 1994 թվականի ձմեռային օլիմպիական խաղերում, Նորվեգիայի Լիլեհամեր քաղաքում 1994 թվականի փետրվարի 12-27-ին տեղի ունեցած օլիմպիական խաղեր, որտեղ Հայաստանն առաջին անգամ հանդես է եկել ձմեռային օլիմպիական խաղերում որպես անկախ պետություն։ Հայկական պատվիրակությունը ներկայացրել են երկու բոբսլեիստներ՝ ամերիկահայ Քեն Թոփալյանը և Ջո Ալմասյանը։ Նրանք մրցել են թիմով երկամարտի մրցումներում, որտեղ զբաղեցրել են 36-րդ տեղը:
Նախադրյալ
[խմբագրել | խմբագրել կոդը]Հայաստանը կրկին անկախ պետություն է դարձել Խորհրդային Միության փլուզումից հետո՝ 1991 թվականին[1]: Հայաստանի Ազգային օլիմպիական կոմիտեն ճանաչվել է Միջազգային օլիմպիական կոմիտեի կողմից 1992 թվականի դեկտեմբերի 31-ին[2]: Լիլեհամերի խաղերը Հայաստանի առաջին խաղերն են, որպես անկախ պետություն, և այդ ժամանակվանից ի վեր Հայաստանը մասնակցել է բոլոր ամառային և ձմեռային օլիմպիական խաղերին[3]:
1994 թվականի ձմեռային օլիմպիական խաղերը տեղի են ունեցել փետրվարի 12-27-ը, որին մասնակցել է ընդհանուր առմամբ 1737 մարզիկ, որոնք ներկայացրել են 67 Ազգային օլիմպիական կոմիտեներ[4]: Լիլեհամեր մեկնած հայկական պատվիրակությունը ներկայացրել են բոբսլեիստներ Քեն Թոփալյանտ և Ջո Ալմասյանը[5]:
Մրցակիցներ
[խմբագրել | խմբագրել կոդը]Ստորև ներկայացված է 1994 թվականի Ձմեռային օլիմպիական խաղերին մասնակցած Հայաստանի մասնակիցների թվի ցանկը[6]։
| Սպորտաձև | Տղամարդիկ | Կանայք | Ընդհանուր |
|---|---|---|---|
| Բոբսլեյ | 2 | – | 2 |
| Ընդհանուր | 2 | 0 | 2 |
Բոբսլեյի մասնակիցներ
[խմբագրել | խմբագրել կոդը]Բոբսլեյի մասնակիցներից Քեն Թոփալյանը եղել է 30 տարեկան Լիլեհամերի խաղերի ժամանակ՝ ծնունդով Փոթաքեթից (Ռոդ Այլենդ)[7]։ Մյուս մասնակիցը՝ Ջո Ալմասյանն այդ ժամանակ եղել է 26 տարեկան՝ ծնունդով Ֆրամինգհեմից (Մասաչուսեթս)[8]։ Հայկական երիտասարդական լիգայի միջոցով նրանք ընկերացել են, նրանցից ոչ մեկը նախկինում երբեք չէր եղել Հայաստանում[7]։
Երկտեղանի սահնակով բոբսլեյի մրցույթը տեղի է ունեցել երկու օր՝ փետրվարի 19-20-ը, յուրաքանչյուր օր անցկացվել է երկու վազք, բոլոր չորս վազքերի ժամանակների գումարը օգտագործվել է վերջնական տեղը որոշելու համար[9]։ Առաջին օրը հայկական սահնակը գրանցել է 54.85 վայրկյան[10] և 55.03 վայրկյան[11]։ Գիշերը նրանք 43 մրցակից թիմերի մեջ զբաղեցրել են 37-րդ տեղը[12]։ Հաջորդ օրը նրանց վազքի ժամանակները կազմել են 54.92 վայրկյան[13] և 55.01 վայրկյան[14]: Սա նրանց ընդհանուր ժամանակը դարձրել է 3 րոպե 39.81 վայրկյան, ինչի շնորհիվ նրանք զբաղեցրին 36-րդ տեղը[9]։ Այդ օլիմպիական խաղերում ոսկե և արծաթե մեդալները նվաճել են շվեյցարացի սահնակավարները, իսկ բրոնզը՝ իտալական թիմը[9]։
| Մարզիկ | Միջոցառում | Եզրափակիչ | |||||
|---|---|---|---|---|---|---|---|
| Վազք 1 | Վազք 2 | Վազք 3 | Վազք 4 | Ընդհանուր | Դասակարգում | ||
| Ջո Ալմասյան Քեն Թոփալյան |
երկտեղանի սահնակ | 54.85 | 55.03 | 54.92 | 55.01 | 3:39.81 | 36 |
Ծանոթագրություններ
[խմբագրել | խմբագրել կոդը]- ↑ «Armenia – Countries – Office of the Historian». United States Department of State. Արխիվացված օրիգինալից 2018 թ․ մայիսի 10-ին. Վերցված է 2018 թ․ հուլիսի 9-ին.
- ↑ «Armenia – National Olympic Committee (NOC)». International Olympic Committee. Արխիվացված օրիգինալից 2018 թ․ հուլիսի 9-ին. Վերցված է 2018 թ․ հուլիսի 9-ին.
- ↑ «Armenia». Sports Reference. Արխիվացված է օրիգինալից 2020 թ․ ապրիլի 17-ին. Վերցված է 2018 թ․ օգոստոսի 28-ին.
- ↑ «Lillehammer 1994 Winter Olympics – results & video highlights». International Olympic Committee. Վերցված է 2018 թ․ օգոստոսի 11-ին.
- ↑ «Armenia at the 1994 Lillehammer Winter Games». Sports Reference. Արխիվացված է օրիգինալից 2020 թ․ ապրիլի 17-ին. Վերցված է 2018 թ․ օգոստոսի 28-ին.
- ↑ Armenia at the 1994 Winter Olympics
- ↑ 7,0 7,1 «Ken Topalian Bio, Stats, and Results». Sports Reference. Արխիվացված է օրիգինալից 2020 թ․ ապրիլի 18-ին. Վերցված է 2018 թ․ օգոստոսի 21-ին.
- ↑ «Joe Almasian Bio, Stats, and Results». Sports Reference. Արխիվացված է օրիգինալից 2020 թ․ ապրիլի 18-ին. Վերցված է 2018 թ․ օգոստոսի 21-ին.
- ↑ 9,0 9,1 9,2 «Bobsleigh at the 1994 Lillehammer Winter Games: Men's Two». Sports Reference. Արխիվացված է օրիգինալից 2020 թ․ ապրիլի 17-ին. Վերցված է 2018 թ․ օգոստոսի 27-ին.
- ↑ «Bobsleigh at the 1994 Lillehammer Winter Games: Men's Two Run 1». Sports Reference. Արխիվացված է օրիգինալից 2020 թ․ ապրիլի 17-ին. Վերցված է 2018 թ․ օգոստոսի 27-ին.
- ↑ «Bobsleigh at the 1994 Lillehammer Winter Games: Men's Two Run 2». Sports Reference. Արխիվացված է օրիգինալից 2020 թ․ ապրիլի 17-ին. Վերցված է 2018 թ․ օգոստոսի 27-ին.
- ↑ «Bobsleigh at the 1994 Lillehammer Winter Games: Men's Two Runs 1–2». Sports Reference. Արխիվացված է օրիգինալից 2020 թ․ ապրիլի 17-ին. Վերցված է 2018 թ․ օգոստոսի 27-ին.
- ↑ «Bobsleigh at the 1994 Lillehammer Winter Games: Men's Two Run 3». Sports Reference. Արխիվացված է օրիգինալից 2020 թ․ ապրիլի 17-ին. Վերցված է 2018 թ․ օգոստոսի 27-ին.
- ↑ «Bobsleigh at the 1994 Lillehammer Winter Games: Men's Two Run 4». Sports Reference. Արխիվացված է օրիգինալից 2020 թ․ ապրիլի 17-ին. Վերցված է 2018 թ․ օգոստոսի 27-ին.
Արտաքին հղումներ
[խմբագրել | խմբագրել կոդը]
 | Վիքիպահեստն ունի նյութեր, որոնք վերաբերում են «Հայաստանը Ձմեռային օլիմպիական խաղեր 1994-ում» հոդվածին։ |