Համան
| Բնակավայր | ||
|---|---|---|
| Համան | ||
 | ||
| 35°14′13″N 128°25′17″E / 35.23694°N 128.42139°E | ||
| Երկիր |  Հարավային Կորեա | |
| Համայնք | Հարավային Գյոնգսանգ | |
| Մակերես | 417 կմ² | |
| Բնակչություն | 57 681 մարդ (նոյեմբերի 4, 2025)[1] | |
| Պաշտոնական կայք | haman.go.kr/other/english/ | |
| ||
Համան (հանգըլ՝ 함안군, հանջա՝ 咸安郡, կորեերենի նոր ռոմանականացում՝ Haman-gun), վարչական միավոր, Հարավային Կորեայի Հարավային Գյոնգսանգ մարզում։
Պատմություն
[խմբագրել | խմբագրել կոդը]Համանի պատմությունը սկսվում է Բյոնհան նահանգի պետական միավորման ժամանակներից։ Այն ժամանակ ներկայիս վարչական միավորի տարածքում գտնվել է Փյոնջին Անյա բնակավայրը։ Կայա դարաշրջանի ժամանակ այստեղ գտնվում էր Արա Կայա ցեղային միությունը։ VIII դարում այս տարածքը ընկել է Միացյալ Սիլլայի հսկողության տակ և 757 թվականին այստեղ հիմնադրվել է Համանի շրջանը։ Դրանից հետո շրջանը մի քանի անգամ միացվել է այլ վարչական միավորների։ 995 թվականին միացել է Համջու, 1018 թվականին՝ Կիմհե, 1509 թվականին՝ Տոհոբու և 1906 թվականին՝ Չիլվոն շրւաններին։ 1914 թվականին Համանը շրջանը կրկին ստեղծվել է[2]։
Աշխարհագրություն
[խմբագրել | խմբագրել կոդը]Համան տեղակայված է Կորեական թերակղզու հարավ-արևելքում, Հարավային Գյոնգսանգ մարզի կենտրոնական մասում։ Արևելքում սահմանակցում է Չանգվոնին, արևմուտքում Չինջուին, հարավում՝ Մասանին, հյուսիսում՝ Չանգյոնգին։ Բարձր կետը Յոհոնսան լեռն է (770 մետր)։ Շրջանի հյուսիսային մասը տեղագրական առումով ավելի ցածր է, քան հարավայինը։ Տարածքով հոսում է Կորեայի ամենակարևոր գետերից Նակդոնգը և Նամգանը։ Այս երկու գետերի միջև տարածք կա, որը հարմար է գյուղատնտեսության համար[3]։
Վարչական բաժանում
[խմբագրել | խմբագրել կոդը]Համանը վարչականորեն բաժանվում է 1 իպի և 9 մյոնի[4]։
| Անվանում | Հանգըլ | Մակերեսը
քառ․ կմ․ |
Բնակչություն | Ներքին բաժանում |
|---|---|---|---|---|
| Կայաըպ | 가야읍 | 41,22 | 18 174 | 11 րի |
| Յոհանգմյոն | 여항면 | 28,34 | 959 | 4 րի |
| Կունբուկմյոն | 군북면 | 80,46 | 7 602 | 17 րի |
| Պոպսումյոն | 법수면 | 34,61 | 3 671 | 9 րի |
| Սանինմյոն | 산인면 | 36,86 | 2 954 | 7 րի |
| Տեսանմյոն | 대산면 | 47,55 | 4 723 | 8 րի |
| Համանմյոն | 함안면 | 28,92 | 3 169 | 6 րի |
| Չիլբունմյոն | 칠북면 | 32,31 | 2 534 | 7 րի |
| Չիլսոնմյոն | 칠서면 | 35,95 | 6 292 | 9 րի |
| Չիրվոնյոն | 칠원면 | 50,59 | 16 364 | 10 րօ |
Տնտեսություն
[խմբագրել | խմբագրել կոդը]Համանի տնտեսությունը հիմնված է սննդի արդյունաբերության և գյուղատնտեսության վրա։ Գյուղատնտեսական մշակաբույսերի մեւ կարելի է հանդիպել ձմերուկ, սոյա, խաղող, դդում, մեղր, խուրմա[5]։
Զբոսաշրջություն և տեսարժան վայրեր
[խմբագրել | խմբագրել կոդը]- Համանի կոնֆուցիականության դպրոց՝ հիմնադրվել է XVII դարում։ 1983 թվականի օգոստոսի 6-ին Համանի կոնֆուցիականության դպրոցը ներառվել է մշակութային ժառանգությունների ցանկում՝ 211 համարի ներքո[6]։
- Չանչխոնսանի բուդդայականության տաճար՝ տեղակայված է Չիլբուկմյոնում։ Տաճարի գլխավոր կառույցը կանգնեցվել է 1979 թվականին[6]։
- Խամջու այգի։ Այգու տարածքում գտնվում է ավելի քան 2 հազար տեսակի ծառ և ավելի քան 26 հազար թուփ։ Այգու մակերեսը կազմում է 60 հազար կմ քառակուսի[7]։
- Արաջե արվեստի փառատոն, որը տոնվում է ամեն տարի նոյեմբերին։ Ծրագիրը ներառում է բանահյուսական խմբերի ներկայացումներ, թատերական բեմադրություններ և սպորտային խաղեր[8]։
- Մեզոզոյան դարաշրջանի բրածո թռչնի տպագրություններ՝ գտնված Յոնսանի տարածքում։ Այդ տարածքում գտնվում է նաև դինոզավրերի և անհետացած թռչունների հետքեր[9]։
Խորհրդանիշներ
[խմբագրել | խմբագրել կոդը]Ինչպես Հարավային Կորեայի մյուս վարչական միավորները, Համանը ևս ունի իր խորհդանիշները[10].
- Ծառ. Խուրմա՝ համարվում է հարստության խորհրդանիշ,
- Զինածաղիկ,
- Կաչաղակ, խորհրդանշում է հաջողությունը և լավ լուր է հաղորդում։
Ծանոթագրություններ
[խմբագրել | խմբագրել կոդը]- ↑ https://kosis.kr/statHtml/statHtml.do?sso=ok&returnurl=https%3A%2F%2Fkosis.kr%3A443%2FstatHtml%2FstatHtml.do%3FtblId%3DDT_1B040A3%26orgId%3D101%26checkFlag%3DN%26
- ↑ История Хамана.(չաշխատող հղում)(անգլ.)
- ↑ География Хамана. Արխիվացված 2012-07-09 archive.today(անգլ.)
- ↑ Административное деление Хамана.(չաշխատող հղում)(կոր.)
- ↑ Сельское хозяйство. Արխիվացված 2012-07-08 archive.today(անգլ.)
- ↑ 6,0 6,1 Храмы и древние постройки Хамана.(չաշխատող հղում)(անգլ.)
- ↑ Парки Хамана. Արխիվացված 2012-07-08 archive.today(անգլ.)
- ↑ Фестиваль Арадже. Արխիվացված 2012-07-08 archive.today(անգլ.)
- ↑ Природные достропримечательности Хамана.(չաշխատող հղում)
- ↑ Символы Хамана.(չաշխատող հղում)(անգլ.)