Համազասպ Համբարձումյան

Վիքիպեդիայից՝ ազատ հանրագիտարանից
Jump to navigation Jump to search
Picto Info sciences exactes.png
Համազասպ Համբարձումյան
Ծնվել է սեպտեմբերի 25, 1880({{padleft:1880|4|0}}-{{padleft:9|2|0}}-{{padleft:25|2|0}})
Վարդենիս, Գեղարքունիքի մարզ, Հայաստան
Մահացել է փետրվարի 3, 1965({{padleft:1965|4|0}}-{{padleft:2|2|0}}-{{padleft:3|2|0}}) (84 տարեկանում)
Երևան, ՀԽՍՀ, ԽՍՀՄ
Քաղաքացիություն Ռուսական կայսրություն
Flag of the Soviet Union (1936–1955).svg ԽՍՀՄ
Ազգություն հայ
Մասնագիտություն գրականագետ և թարգմանիչ
Ալմա մատեր Ներսիսեան դպրոց, Լազարյան ճեմարան և Սանկտ Պետերբուրգի համալսարան
Գիտական աստիճան բանասիրական գիտությունների դոկտոր (1953) և պրոֆեսոր (1954)
Տիրապետում է լեզուներին Հայերեն, ռուսերեն, հունարեն և լատիներեն
Պարգևներ Հայկական ԽՍՀ գիտության վաստակավոր գործիչ
Երեխա(ներ) Վիկտոր Համբարձումյան և Գոհար Համբարձումյան

Համազասպ Ասատուրի Համբարձումյան (սեպտեմբերի 25, 1880, գյուղ Բասարգեչար (այժմ՝ քաղաք Վարդենիս, ՀՀ Գեղարքունիքի մարզում), փետրվարի 3, 1965, Երևան, թաղված է Բյուրականում), թարգմանիչ, գրականագետ։ Բանասիրական գիտությունների դոկտոր (1953), պրոֆեսոր (1954)։ ՀԽՍՀ գիտության վաստակավոր գործիչ (1962)։ Վիկտոր Համբարձումյանի հայրը։

Կենսագրություն[խմբագրել | խմբագրել կոդը]

Մեկ տարի սովորել է Երևանի թեմական դպրոցում, ապա՝ Թիֆլիսի Ներսիսյան դպրոցում,1887 թվականին ավարտելով մեկնել է Մոսկվա, շարունակել ուսումը Լազարյան ճեմարանում, որտեղ ուսուցանել է Կարապետ Կուսիկյանի, Գր.Խալաթյանի մոտ։ 1900 թվականին ավարտելով մեկնում է Թիֆլիս, մեկ տարի սովորել է տեղի երկրորդ արական գիմնազիայում։ 1902-1908 թվականներին սովորել և ավարտել է Սանկտ Պետերբուրգի համալսարանի իրավաբանական ֆակուլտետը։ Բացի ռուսերենից տիրապետել է նաև հին հունարենին և լատիներենին: 1908 թվականին վերադառնալով Կովկաս՝ մինչև 1911 թվականը զբաղվել է իրավաբանությամբ, հետո զբաղվել է մանկավարժությամբ, դասավանդել է Թիֆլիսի միջնակարգ դպրոցում։ Թղթակցել է մի շարք թերթերի, այդ թվում «Բանբեր»,«Գործ», «Մշակ», «Հորիզոն», որտեղ լույս են տեսել նրա հրապարակապոսական հոդվածներն ու բանաստեղծությունները։ 1925 թվականին մեկնել է Սանկտ Պետերբուրգ՝ դասավանդելու տեղի համալսարանում։ 1927-1928 թվականներին Վիեննայում տպագրել է իր բանաստեղծությունները երեք հատորովՙ, մեկ հատորով էլ հրատարակել է ռուսերեն բանաստեղծությունները։ Անտիկ գրականություն է դասավանդել ԵՊՀ-ում։ Մենագրություն է գրել Հոմերոսի մասին, որի համար ստացել է բանասիրական գիտությունների դոկտորի աստիճան։ Լույս են տեսել նրա «Արյուն էջեր» (1903), «Անհունի էջերում» (1904), «Հպարտ հոգու երգերից» (1905) և այլ գրքեր։ Թարգմանել է եվրոպական և ռուսական բանաստեղծների, հին հունարենից՝ «Հույն ողբերգակներ» (1950, ժողովածուն), Հոմերոսի «Իլիականը» (1955)[1]:

Հիշատակ[խմբագրել | խմբագրել կոդը]

Համբարձումյանի անվան դպրոց կա Վարդենիսում։

Ծանոթագրություններ[խմբագրել | խմբագրել կոդը]

  1. Գառնիկ Ստեփանյան.Կենսագրական բառարան, հատոր Բ,1981
Այս հոդվածի նախնական տարբերակը կամ նրա մասը վերցված է Հայկական համառոտ հանրագիտարանից, որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ CC-BY-SA-icon-80x15.png