Հակոբ Ֆարաջյան
| Հակոբ Ֆարաջյան | ||
|---|---|---|
 | ||
| Անձնական տեղեկություն | ||
| Սեռ՝ | արական | |
| Մասնագիտացում՝ | մարզիչ և ծանրամարտիկ | |
| Երկիր՝ |  ԽՍՀՄ և  Հայաստան | |
| Ծննդյան ամսաթիվ՝ | նոյեմբերի 2, 1930 | |
| Ծննդավայր՝ | Թիֆլիս, ԱԽՖՍՀ, ԽՍՀՄ | |
| Մահվան ամսաթիվ՝ | հոկտեմբերի 1, 1996 (65 տարեկան) | |
| Մահվան վայր՝ | Երևան, Հայաստան | |
| Մարզիչ(ներ)՝ | Եվգենի Լոպատին | |
Պարգևներ   և  | ||
Հակոբ Ներսեսի Ֆարաջյան (նոյեմբերի 2, 1930, Թիֆլիս, ԱԽՖՍՀ, ԽՍՀՄ - հոկտեմբերի 1, 1996, Երևան, Հայաստան), խորհրդային ծանրամարտիկ, մարզիչ, ԽՍՀՄ չեմպիոն (1959), Եվրոպայի և աշխարհի առաջնությունների արծաթե մեդալակիր (1959)։ ԽՍՀՄ սպորտի վարպետ (1956)։ ԽՍՀՄ վաստակավոր մարզիչ (1976)։ Պարգևատրվել է «Աշխատանքի արիության համար» մեդալով (1976)[1][2]։
Կենսագրություն
[խմբագրել | խմբագրել կոդը]Հակոբ Ֆարաջյանը ծնվել է 1930 թվականի նոյեմբերի 2-ին Թիֆլիսում։ Ծանրամարտով սկսել է զբաղվել 16 տարեկանից Պավել Ղումաշյանի մոտ[3]։ 1955 թվականին դարձել է Վրացական ԽՍՀ թեթև քաշային կարգի չեմպիոն։ 1956 թվականից վերապատրաստվել է Մոսկվայում՝ Եվգենի Լոպատինի ղեկավարությամբ։ 1958 թվականին սահմանել է ԽՍՀՄ ռեկորդ հրում վարժությունում[4]։ 1959 թվականին հաղթել է ԽՍՀՄ առաջնությունում, որն անցկացվել է ԽՍՀՄ ժողովուրդների II ամառային սպարտակիադայի շրջանակներում։ Այս հաջողությունից հետո ընդգրկվել է ԽՍՀՄ հավաքականի կազմում Վարշավայում կայացած աշխարհի և Եվրոպայի առաջնություններում, որտեղ գրավել է երկրորդ տեղը՝ պարտվելով միայն խորհրդային մեկ այլ մարզիկի՝ Վիկտոր Բուշուևին։
1963 թվականից նա անցել է մարզչական աշխատանքի «Դինամո» մարզական ընկերությունում։ Նրա մարզած ատլետների թվում է եղել Եվրոպայի չեմպիոն և աշխարհի ռեկորդակիր Վալերի Յակուբովսկին։ 1971 թվականին տեղափոխվել է Երևան, որտեղ շարունակել է զբաղվել մարզչական գործունեությամբ «Աշխատանք» (1971-1979) և «Զենիթ» (1979-1988) մարզական ընկերություններում։ 1988-1991 թվականներին եղել է ՀԽՍՀ ազգային հավաքականի գլխավոր մարզիչը։ 1991 թվականից աշխատել է որպես ծանրամարտի Երևանի մարզադպրոցի փոխտնօրեն։ Հայաստան տեղափոխվելուց հետո նրա մարզած ամենահայտնի ծանրորդը Եվրոպայի կրկնակի չեմպիոն, աշխարհի առաջնության և Օլիմպիական խաղերի մեդալակիր Վարդան Միլիտոսյանն է[5]։
Մահացել է 1996 թվականի հոկտեմբերի 1-ին։ Թաղված է Երևանի Շահումյանի գերեզմանատանը։
Ծանոթագրություններ
[խմբագրել | խմբագրել կոդը]- ↑ Ով ով է. Հայեր. Կենսագրական հանրագիտարան, հատոր առաջին, Երևան, 2007։
- ↑ studio, 5165m. «Anunner.com - ՀԱԿՈԲ ՖԱՐԱՋՅԱՆ ՆԵՐՍԵՍԻ». www.anunner.com (ամհարերեն). Վերցված է 2021 թ․ օգոստոսի 11-ին.
{{cite web}}: CS1 սպաս․ թվային անուններ: authors list (link) - ↑ «ФАРАДЖЯН Акоп Нерсесович | Российские спортсмены и специалисты | Спортивная Россия». infosport.ru (ռուսերեն). Վերցված է 2021 թ․ օգոստոսի 11-ին.
- ↑ Десятые, юбилейные...
- ↑ «ՕԼԻՄՊԻԱԿԱՆ ԽԱՂԵՐԻ ՄՐՑԱՆԱԿՆԵՐ». Արխիվացված է օրիգինալից 2021-09-19-ին. Վերցված է 2021-08-11-ին.
Արտաքին հղումներ
[խմբագրել | խմբագրել կոդը]
|
