Հակոբ Քյոսեյան

Վիքիպեդիայից՝ ազատ հանրագիտարանից
Jump to navigation Jump to search
Հակոբ Քյոսեյան
Ծնվել էդեկտեմբերի 4, 1951(1951-12-04) (69 տարեկան)
Երևան, Հայկական ԽՍՀ, ԽՍՀՄ
ՔաղաքացիությունFlag of Armenia.svg Հայաստան
Մասնագիտությունպատմաբան, հայագետ և աստվածաբան
Հաստատություն(ներ)Մատենադարան
Ալմա մատերԵրևանի պետական համալսարան
Գիտական աստիճանբանասիրական գիտությունների դոկտոր

Հակոբ Հովհաննեսի Քյոսեյան (դեկտեմբերի 4, 1951(1951-12-04), Երևան, Հայկական ԽՍՀ, ԽՍՀՄ), հայ պատմաբան, հայագետ, աստվածաբան։ Բանասիրական գիտությունների դոկտոր (2010)։

Կենսագրություն[խմբագրել | խմբագրել կոդը]

Հակոբ Քյոսեյանը 1981 թվականին ավարտել է Երևանի պետական համալսարանը, 1977 թվականից՝ Մատենադարանի Մայր ցուցակ հայերեն ձեռագրաց գիտական խմբի ղեկավար։ 1991-1992 թվականներին դասավանդել է Էջմիածնի Գևորգյան ճեմարանում, 1993-1994 թվականներին՝ Երուսաղեմի Ժառանգավորաց վարժարանում, 1998-2005 թվականներին՝ Սևանի Վազգենյան դպրանոցում, 1996 թվականից, միաժամանակ՝ ԵՊՀ-ում[1]։

Աշխատություններ[խմբագրել | խմբագրել կոդը]

Հակոբ Քյոսեյանի աշխատասիրությամբ լույս են տեսել Վարդան Արևելցու («Ճառք, ներբողեանք»), Թեոդորետոս Կյուրացու («Մեկնութիւն Եզեկիելի մարգարեութեան», երկուսն էլ՝ 2000), Անանիա Սանահնեցու «Մեկնութիւն Մատթէի Աւետարանի», 2007, բոլորը՝ «Աստվածաբանական բնագրեր, ուսումնասիրություններ» մատենաշարով) քննական բնագրերը, Աղեքսանդր Ջուղայեցու «Ասույթներ քարոզների համար» (1998), «Վկայութիւնք ի պէտս քարոզութեանց», Գրիգոր Տաթևացու «Մեկնութիւն մարգարէութեանն Եսայեայ» (2008), Հովհան Ոսկեբերանի «Ճառք։ Ի մեկնութեանց Սուրբ գրոց» (2008), Սարգիս Կունդի «Մեկնութիւն կաթողիկեայ թղթոց» (2003), Եպիփան Կիպրացու «Ճառք» (2013) երկերի հայերեն թարգմանություններն ու հայ մատենագիրների ճառախոսական երկերը, «Ընտրանի հայ եկեղեցական մատենագրության» (համահեղինակ, 2003) գիրքը[1]։

Հեղինակ է նաև «Հայ եկեղեցու պատմություն» (2005) ուսումնական ձեռնարկի[1]։

Քյոսեյանն աշխարհաբարի է փոխադրել Գրիգոր Տաթևացու «Ոսկեփորիկը» (1995), Գրիգոր Ավագ Վկայասերի, Վարդան Այգեկցու, Հովհաննես Գառնեցու և այլոց խրատները («Սուրբ հայրերը խրատում են», 2003, ժողովածու) և այլն։ Մասնակցել է «Քրիստոնյա Հայաստան» (2002) հանրագիտարանի պատրաստմանը[1]։

Երկեր[խմբագրել | խմբագրել կոդը]

  • Դրվագներ հայ միջնադարյան արվեստի աստվածաբանության, Ե., 1995:
  • Սուրբ Էջմիածինը հայ մատենագրությունում (V-XIX դդ., համահեղինակ), Ե., 2003:
  • Եկեղեցու հայրեր, վարդապետներ։ IV-VIII, Ե., 2007:

Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 Այվազյան Հովհաննես, ed. (2015)։ Հայ գրատպություն և գրքարվեստ. հանրագիտարան։ Երևան: Հայկական հանրագիտարան հրատարակչություն։ էջեր 1101–1102։ ISBN 978-5-89700-042-5