Հակոբ Մանուկյան

Անվան այլ կիրառումների համար տե՛ս՝ Հակոբ Մանուկյան (այլ կիրառումներ)

Վիքիպեդիայում կան հոդվածներ Մանուկյան ազգանունով այլ մարդկանց մասին։

Հակոբ Մանուկյան
օգոստոսի 16, 1916(1916-08-16) - դեկտեմբերի 15, 1981(1981-12-15) (65 տարեկան)
Ծննդավայր	Արմավիր, Կուբանի մարզ, Ռուսական կայսրություն
Մահվան վայր	Խարկով, Ուկրաինական ԽՍՀ, ԽՍՀՄ
Գերեզման	Խարկովի քաղաքային երկրորդ գերեզմանատուն
Քաղաքացիություն	ԽՍՀՄ
Զորատեսակ	ռազմա-օդային ուժեր
Կոչում	մայոր
Մարտեր/ պատերազմներ	Խասան լճի մարտեր և Հայրենական մեծ պատերազմ
Կրթություն	Կաչայի օդաչուների բարձրագույն ավիացիոն դպրոց
Պարգևներ	badge "For Participant of the Khasan battles"? և

Հակոբ Բալաբեկի Մանուկյան (օգոստոսի 16, 1916(1916-08-16), Արմավիր, Կուբանի մարզ, Ռուսական կայսրություն - դեկտեմբերի 15, 1981(1981-12-15), Խարկով, Ուկրաինական ԽՍՀ, ԽՍՀՄ), հայ խորհրդային զինվորական, ավիացիայի մայոր, Խորհրդային Միության հերոս (1946), ԽՄԿԿ անդամ (1943)։

Ավարտել է Սևաստոպոլի Մյասնիկյանի անվան օդաչուական դպրոցը (1937 թվականին)։ 1938 թվականին մասնակցել է Խասան լճի շրջանում ճապոնական ուժերի դեմ մղված մարտերին, 1941 թվականի վերջից (որպես էսկադրիլիայի հրամանատար)՝ մասնակցել է Երկրորդ համաշխարհային պատերազմին։ Աչքի է ընկել Կովկասի պաշտպանության, Կուբանի, Ուկրաինայի, Ղրիմի, Բելառուսիայի ազատագրման, Բեռլինի գրավման համար մղված մարտերում։ Խորհրդային Միության հերոսի կոչմանն արժանացել է էսկադրիլիան (որի 5 անդամներ նույնպես արժանացել են այդ կոչմանը) հմտորեն ղեկավարելու և ցուցաբերած անձնական խիզախության համար։ Պատերազմից հետո ծառայել է ԳԳՀ-ի խորհրդային զորամասերում։ Զորացրվելուց (1949) հետո աշխատանքի է անցել Խարկովում, 1952 թվականից՝ Երևանում։

Պարգևատրվել է Լենինի, Կարմիր դրոշի 3, «Հայրենական պատերազմի» I աստիճանի և այլն շքանշաններով։

Ծանոթագրություններ

Վիքիպահեստն ունի նյութեր, որոնք վերաբերում են «Հակոբ Մանուկյան» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 7, էջ 254)։