Հակոբ Արշակյան

Վիքիպեդիայից՝ ազատ հանրագիտարանից
Jump to navigation Jump to search
Հակոբ Արշակյան
Դրոշ
ՀՀ տրանսպորտի, կապի և տեղեկատվական տեխնոլոգիաների նախարար
Դրոշ
 հոկտեմբերի 4, 2018[1]
Նախորդող Աշոտ Հակոբյան
 
Քաղաքացիություն՝ Flag of the Soviet Union.svg ԽՍՀՄ և Flag of Armenia.svg Հայաստան
Կուսակցություն՝ Քաղաքացիական պայմանագիր
Կրթություն՝ Հայաստանի ազգային պոլիտեխնիկական համալսարան և Հայաստանի ազգային պոլիտեխնիկական համալսարան
Մասնագիտություն՝ ճարտարագետ և պետական գործիչ
Ծննդյան օր ապրիլի 16, 1985(1985-04-16) (34 տարեկան)
Ծննդավայր Երևան, Հայկական ԽՍՀ, ԽՍՀՄ

Հակոբ Վրեժի Արշակյան (ապրիլի 16, 1985(1985-04-16), Երևան, Հայկական ԽՍՀ, ԽՍՀՄ), հայ ճարտարագետ, պետական գործիչ: ՀՀ տրանսպորտի, կապի և տեղեկատվական տեխնոլոգիաների նախարար (04.10.2018 թ.)[1][2]:

Կենսագրություն[խմբագրել | խմբագրել կոդը]

Հակոբ Արշակյանը ծնվել է 1985 թվականին, Երևանում: 2005-2009 թթ. սովորել և ավարտել է Հայաստանի պետական ճարտարագիտական համալսարանի «Էլեկտրոնային հաշվողական միջոցների կառուցավորում (կոնստրուկտավորում) և տեխնոլոգիա» բաժինը՝ ստանալով միկրոէլեկտրոնային սխեմաներ և համակարգեր մասնագիտացումը, 2009-2011 թթ.՝ նույն համալսարանի էլեկտրոնային տեխնիկա բաժնի մագիստրատուրայում և ստացել «Գերմեծ ինտեգրալ սխեմաների նախագծում» մասնագիտացում:

2008-2012 թթ. եղել է «ՀԻՄԱ» նախաձեռնության համահիմնադիր անդամ, 2012 թվականից՝ «ՀԻՄԱ» հասարակական կազմակերպության նախագահ: 2010-2014 թթ. «Նեյշնլ Ինսթրումենթս» ընկերությունում եղել է համակարգերի ինժեներ, 2014-2017 թթ.՝ «Ալյանս» գործընկերների ծրագրի տարածաշրջանային ղեկավար (տարածաշրջանն ընդգրկում է Հնդկաստանը, Ռուսաստանը և ԱՊՀ-ն, Արաբական երկրները և Աֆրիկան), 2017-2018 թթ. «Արաքսիս Ինժեներինգ» ընկերության հիմնադիր, գործադիր տնօրեն:

2018 թվականի մայիսի 16-ին նշանակվել է ՀՀ տրանսպորտի, կապի և տեղեկատվական տեխնոլոգիաների նախարարի առաջին տեղակալ[3], 2018 թվականի հոկտեմբերի 4-ին նշանակվել է ՀՀ տրանսպորտի, կապի և տեղեկատվական տեխնոլոգիաների նախարար[1]:

Կուսակցական պատկանելություն[խմբագրել | խմբագրել կոդը]

2015 թվականից «Քաղաքացիական պայմանագիր» կուսակցության հիմնադիր վարչության անդամ է:

Այլ տվյալներ[խմբագրել | խմբագրել կոդը]

2003-2005 թվականներին ծառայել է ՀՀ Զինված ուժերում: 2014 թվականին եղել է «Ընդդեմ կենսաթոշակային պարտադիր վճարի», «Դեմ եմ» շարժման համակարգող խմբի անդամ: 2016 թվականի Ապրիլյան պատերազմի ընթացքում ծառայել է առաջնագծում՝ «Քաղաքացիական պայմանագիր» կուսակցության կամավորական ջոկատի շարքերում:

Անձնական կյանք[խմբագրել | խմբագրել կոդը]

Ամուսնացած է, ունի երեք դուստր:

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]