Հակոբ Ասլանյան

Վիքիպեդիայից՝ ազատ հանրագիտարանից
Jump to navigation Jump to search
Հակոբ Ասլանյան
Դիմանկար
Հակոբ Ասլանյանը 2017 թվականին
Ծնվել էօգոստոսի 1, 1954(1954-08-01)[1] (67 տարեկան)
ԾննդավայրՋրաշեն, Հոկտեմբերյանի շրջան, Հայկական ԽՍՀ, ԽՍՀՄ[1]
ՔաղաքացիությունFlag of Armenia.svg Հայաստան
Ազգությունհայ
ԿրթությունՀայկական պետական մանկավարժական համալսարան
Մասնագիտությունքաղաքական գործիչ և պատգամավոր
Զբաղեցրած պաշտոններՀայաստանի Ազգային ժողովի պատգամավոր և Հայաստանի Ազգային ժողովի պատգամավոր

Հակոբ Արսենի Ասլանյան (օգոստոսի 1, 1954(1954-08-01)[1], Ջրաշեն, Հոկտեմբերյանի շրջան, Հայկական ԽՍՀ, ԽՍՀՄ[1]), Հայաստանի ազգային ժողովի 7-րդ գումարման պատգամավոր «Իմ քայլը» կուսակցությունների դաշինքից[2], Հայաստանի ազգային ժողովի 8-րդ գումարման պատգամավոր «Քաղաքացիական պայմանագիր» կուսակցությունից[2], «Քաղաքացիական պայմանագիր» կուսակցության անդամ[3][4][2][5]։

Կենսագրական տվյալներ[խմբագրել | խմբագրել կոդը]

Հակոբ Ասլանյանը ծնվել է 1954 թվականի օգոստոսի 1-ին, Արմավիրի մարզի Ջրաշեն գյուղում[6]։

1974-1976 թվականներին պարտադիր զիվորական ծառայության է անցել խորհրդային բանակում։

Կրթություն[խմբագրել | խմբագրել կոդը]

Սովորել է Երևանի Խաչատուր Աբովյանի անվան պետական մանկավարժական ինստիտուտում, որի պատմություն-իրավունք ֆակուլտետն ավարտել է 1988 թվականին։

Աշխատանքային գործունեություն[խմբագրել | խմբագրել կոդը]

1971-1972 թվականներին որպես բանվոր աշխատել է «Հայգլավէներգո» կենտրոնական էլեկտրացանցում։ 1972-1974 թվականներին և 1977-1978 թվականներին եղել է Երևանի Մյասնիկյանի շրջանի կանաչապատման գրասենյակի փականագործ բանվոր։ Որպես ապրանքագետ, ապա ճարտարագետ 1978-1982 թվականներին աշխատել է «Սոյուզինտերգազստրոյ» համամիութենական միավորումում։ 1987-1994 թվականներին Երևանի թիվ 149 դպրոցում եղել է ուսուցիչ։ 1994-2002 թվականներին մանկավարժի աշխատանքը շարունակել է Երևանի Շիրակացու անվան ճեմարանում, եղել է պատմության ամբիոնի վարիչ, իսկ 2000-2003 թվականներին՝ Երևանի «Ալգորիթմ» վարժարանի ուսուցիչ։

2003-2010 թվականներին որպես ուսուցիչ աշխատել է Երևանի թիվ 164 դպրոցում, իսկ 2010-2015 թվականներին՝ Երևանի թիվ 127 ավագ դպրոցում։ 2011 թվականի փետրվարից հուլիս ընկած հատվածում եղել է Երևանի քաղաքապետարանի հանրակրթության վարչության պետի տեղակալ։ 2015-2018 թվականներին եղել է «Գլոբալ բրիջ» կրթահամալիր սահմանափակ պատասխանատվությամբ ընկերության ուսուցիչ։ 2018-2019 թվականներին աշխատել է ՀՀ սփյուռքի նախարարությունում, եղել է «Հայրենիք-սփյուռք կենտրոն» ՊՈԱԿ-ի տնօրեն։ 2020 թվականի հունիսից դեկտեմբեր ընկած ժամանակահատվածում աշխատել է Շրջակա միջավայրի նախարարությունում՝ որպես «Հայանտառ» ՊՈԱԿ-ի տնօրենի խորհրդական։

Մասնակցել է արցախյան երեք պատերազմներին[փա՞ստ]։

Ընտանիք[խմբագրել | խմբագրել կոդը]

Ամուսնացած է, ունի երկու երեխա[2]։

Քաղաքական գործունեություն[խմբագրել | խմբագրել կոդը]

Հակոբ Ասլանյանը հանդիսանում է «Քաղաքացիական պայմանագիր» կուսակցության անդամ[2][5]։

2017 թվականի ապրիլի 2-ին տեղի ունեցած Հայաստանի ազգային ժողովի ընտրություններում Հակոբ Ասլանյանը եղել է «Ելք» դաշինքից պատգամավորության թեկնածու[5]։

2020 թվականի դեկտեմբերի 24-ից մինչև 2021 թվականի օգոստոսի 2-ը Հակոբ Ասլանյանը եղել է Հայաստանի ազգային ժողովի 7-րդ գումարման պատգամավոր «Իմ քայլը» կուսակցությունների դաշինքից[7][2]։ Որպես Հայաստանի ազգային ժողովի պատգամավոր՝ եղել է Ազգային ժողովի «Գիտության, կրթության, մշակույթի, սփյուռքի, երիտասարդության եւ սպորտի հարցերի մշտական հանձնաժողովի» անդամ[2]։

2021 թվականի հունիսի 20-ին տեղի ունեցած Հայաստանի ազգային ժողովի ընտրություններում «Քաղաքացիական պայմանագիր» կուսակցությունից ընտրվել է Հայաստանի ազգային ժողովի 8-րդ գումարման պատգամավոր[2]։

Պատմական թեզիսներ[խմբագրել | խմբագրել կոդը]

2022 թվականի ապրիլի 15-ին հարցազրույցի ընթացքում Հակոբ Ասլանյանը հայտարարել է, որ «Տիգրան Մեծը դրեց ծովից ծով Հայաստանի կործանման սկիզբը»։ Նրա հնչեցրած այս արտահայտությունը մեկնաբանվել է մի շարք լրատվամիջոցների կողմից[8][9]։

Պարգևներ և մրցանակներ[խմբագրել | խմբագրել կոդը]

  • «1992-1994 թվականների մարտական գործողությունների մասնակից» մրցանակ (1997 թվական)
  • «2016 թվականի Ապրիլյան պատերազմի մասնակից» կրծքանշան (2019 թվական)
  • «Վազգեն Սարգսյան» շքանշան (2007)
  • «Ասպետաց Մեծն Տիգրան» շքանշան (2016)
  • «Մայրական երախտագիտություն» (2007)
  • «Գարեգին Նժդեհ» մեդալ (2010)
  • «Մարտական ծառայության» մեդալ (2016)
  • «Դրաստամատ Կանայան» մեդալ (2013)
  • «Զինվոր հայրենյաց» մեդալ (2013)
  • «Կրթության երախտավոր» ոսկե հուշամեդալ (2012)

Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 1,4 http://www.parliament.am/deputies.php?sel=details&ID=1424&lang=eng
  2. 2,0 2,1 2,2 2,3 2,4 2,5 2,6 2,7 Հակոբ Ասլանյանի մասին կենսագրական տեղեկություններ Հայաստանի ազգային ժողովի կայքում, (արխիվացված 15․04․2022թ․)
  3. «Հայտարարագրերի ռեեստր - ՀՀ Կոռուպցիայի կանխարգելման հանձնաժողով»։ cpcarmenia.am (հայերեն)։ Վերցված է 2021-08-01 
  4. «ԱԶԳԱՅԻՆ ԺՈՂՈՎԻ ՊԱՏԳԱՄԱՎՈՐՆԵՐ ԳՐԱՆՑԵԼՈՒ ԵՎ ՄԱՆԴԱՏՆԵՐ ՏՐԱՄԱԴՐԵԼՈՒ ՄԱՍԻՆ»։ res.elections.am։ 8․1․2021 
  5. 5,0 5,1 5,2 [https://www.brightarmenia.am/am/24/625/elq-dashinqi-tiv-1-yntrataratsqi-reytingayin-cucak.htm 2017 թվականին Հայաստանի ազգային ժողովի ընտրություններում «Ելք» դաշինքի թիվ 1 ընտրատարածքի ռեյտինգային ցուցակը,] (արխիվացված 15․04․2022թ․)
  6. «National Assembly of Armenia | Official Web Site | parliament.am»։ www.parliament.am։ Վերցված է 2021-08-01 
  7. «Հայտնի են «Իմ քայլը»-ի ցուցակի բոլոր 183 անունները»։ CIVILNET (hy-AM)։ 2018-11-14։ Վերցված է 2021-08-01 
  8. «Տիգրան Մեծը դրեց ծովից ծով Հայաստանի կործանման սկիզբը. Հակոբ Ասլանյան» հոդված news.am լրատվական կայքում, (արխիվացված 15․04․2022թ․)
  9. «Տիգրան Մեծը դրեց ծովից ծով Հայաստանի կործանման սկիզբը, հաղթանակով դրեց. ՔՊ-ական պատգամավոր» հոդված tert.am լրատվական կայքում, (արխիվացված 15․04․2022թ․)

Արտաքին հղումներ[խմբագրել | խմբագրել կոդը]