Հալիմա Ադեն

Վիքիպեդիայից՝ ազատ հանրագիտարանից
Jump to navigation Jump to search
Հալիմա Ադեն
Halima Aden Paris Fashion Week Autumn Winter 2019.jpg
Ծնվել էսեպտեմբերի 19, 1997(1997-09-19) (24 տարեկան)
ԾննդավայրKakuma, Turkana County, Քենիա
ՔաղաքացիությունFlag of the United States.svg ԱՄՆ
Կրոնիսլամ
ԿրթությունSt. Cloud State University?
Մասնագիտությունմոդել
Պարգևներ և
մրցանակներ
OkayAfrica 100 Women
Halima Aden Վիքիպահեստում

Հալիմա Ադեն (անգլ.՝ Halima Aden, սեպտեմբերի 19, 1997(1997-09-19), Kakuma, Turkana County, Քենիա), սոմալիական ծագմամբ ամերիկացի մոդել։

Հայտնի է որպես հիջաբով առաջին կինը «Միսս Մինեսոտա ԱՄՆ» մրցույթում, որտեղ դարձել է կիսաեզրափակչի մասնակից[1][2]։ Աշխարհի այն սակավաթիվ մոդելներից է, որ հանդես է եկել հիջաբով և բուրկինիով[3]։

Կենսագրություն[խմբագրել | խմբագրել կոդը]

Հալիմա Ադենը ծնվել է 1997 թվականի սեպտեմբերի 19-ին Քենիայի Կակումա փախստականների ճամբարում՝ սոմալական ընտանիքում[4]։

Երբ Հալիման վեց տարեկան էր, նրա ընտանիքը տեղափոխվել է Միացյալ Նահանգներ՝ բնակություն հաստատելով Մինեսոտա նահանգի Սենթ Քլաուդ քաղաքում[5]։

2016 թվականին Հալիման գրավել է ազգային ԶԼՄ-ների ուշադրությունն այն բանից հետո, երբ մասնակցել է «Միսս Մինեսոտա ԱՄՆ» մրցույթին՝ դառնալով այդ մրցույթում բուրկինի և հիջաբ կրած առաջին մասնակիցը։ Հաջորդ տարի Ադենը «IMG Models»-ի հետ եռամյա պայմանագիր է ստորագրել[6]։ 2017 թվականի փետրվարին առաջին անգամ ելույթ է ունեցել «Նյու Յորքի նորաձևության շաբաթվա» շրջանակներում[7]։ Ավելի ուշ նույն թվականին աշխատել է որպես «Միսս ԱՄՆ 2017» մրցույթի նախնական և հեռուստատեսային փուլերի ժյուրի[8]։

Այդ ժամանակվանից աշխատել է շատ դիզայներների հետ, որոնց թվում են Մաքս Մառան և Ալբերտա Ֆերետին, մասնակցել է Միլանի նորաձևության շաբաթին և լոնդոնյան «Modest fashion»-ին։ Ադենը լուսանկարվել է American Eagle-ի և Glamour-ի համար, ինչպես նաև հայտնվել է Կարին Ռոիթֆելդի CR Fashion Book ամսագրի շապիկին։

Հալիմա Ադենը եղել է հիջաբ կրած առաջին մոդելը, որը բարձրացել է միջազգային պոդիում (բեմահարթակ) և պայմանագիր ստորագրել մոդելային խոշոր գործակալությունների հետ[9]։ 2017 թվականի հունիսին դարձել է «Allure», Vogue Arabia և British Vogue ամսագրերի շապիկին հայտնված հիջաբ կրած առաջին մոդելը։

2018 թվականին Ադենը դարձել է ՅՈՒՆԻՍԵՖ-ի դեսպան, որտեղ նրա աշխատանքը կենտրոնացած էր երեխաների իրավունքների պաշտպանության վրա[10]։

2020 թվականի նոյեմբերին Հալիմա Ադենն իր Ինստագրամում հայտարարել է, որ դադարել է աշխատել որպես մոդել, քանի որ այն վտանգում էր իր կրոնական համոզմունքները։ Նա իր որոշումից հետո աջակցություն է ստացել Ռիհաննայից, ինչպես նաև Ջիջի և Բելլա Հադիդ քույրերից[11]։ Նա հայտարարել է նաև, որ մասնակցելու է «Միսս Տիեզերքին»՝ դառնալով գեղեցկության այդ միջազգային մրցույթի պատմության մեջ Սոմալին ներկայացրած առաջին մասնակիցը[12]։

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]